ಕೊರೊನಾಗೆ ಬಲಿ: 5 ಸಾವಿರ ಗಡಿ ದಾಟಿದ ಅಮೆರಿಕಾ ಸಾವಿನ ಸಂಖ್ಯೆ
ವಾಷಿಂಗ್ಟನ್, ಏಪ್ರಿಲ್ 2: ಕೊರೊನಾದಿಂದ ಅಮೆರಿಕದ ಪರಿಸ್ಥಿತಿ ದಿನೇ ದಿನೇ ಹಾಳಾಗುತ್ತಿದೆ. ಕೊರೊನಾ 5 ಸಾವಿರ ಅಮೆರಿಕನರನ್ನು ಬಲಿ ಪಡೆದುಕೊಂಡು ಕೇಕೆ ಹಾಕಿ ಮುಂದೆ ಹೋಗುತ್ತಿದೆ.
Recommended Video
ಇಂದಿಗೆ ಅಮೆರಿಕದಲ್ಲಿ ಕೊರೊನಾದಿಂದ ಸಾವಿಗೀಡಾದವರ ಸಂಖ್ಯೆ 5 ಸಾವಿರ ದಾಟಿದೆ. ಮಂಗಳವಾರ ಒಂದೇ ದಿನ 865 ಮಂದಿ ಮರಣ ಹೊಂದಿದ್ದಾರೆ. ಆರು ತಿಂಗಳ ಮಗು ಕೂಡ ಕೊರೊನಾಗೆ ಬಲಿಯಾಗಿದೆ. ಎಎಫ್ಸಿ ಸುದ್ದಿ ಸಂಸ್ಥೆಯ ಪ್ರಕಾರ ಕೊರೊನಾದಿಂದ ಮರಣ ಹೊಂದಿದ ಅತಿ ಚಿಕ್ಕ ವಯಸ್ಸಿನ ಪ್ರಕರಣ ಇದಾಗಿದೆ.
ಅಮೆರಿಕದಲ್ಲಿ 6 ವಾರಗಳ ಹಸುಗೂಸು ಕೊರೊನಾ ವೈರಸ್ಗೆ ಬಲಿ
ಅಮೆರಿಕಾದ ಸೋಂಕಿತರ ಸಂಖ್ಯೆ ಕೂಡ ದಿನೇ ದಿನೇ ಹೆಚ್ಚಾಗುತ್ತಲೇ ಇದೆ. ಸರ್ಕಾರ ಅದನ್ನು ನಿಯಂತ್ರಣ ಮಾಡಲು ಆಗುತ್ತಲೇ ಇಲ್ಲ. ಅಮೆರಿಕಾದಲ್ಲಿ ಸದ್ಯ 2 ಲಕ್ಷ ಜನರಿಗೆ ಕೊರೊನಾ ಪಾಸಿಟಿವ್ ಇದೆ ಎನ್ನುವುದು ದೃಢವಾಗಿದೆ. ವಿಶ್ವದಲ್ಲಿಯೇ ಅತಿ ಹೆಚ್ಚು ಸೋಂಕಿತರು ಇಲ್ಲಿ ಇದ್ದಾರೆ.
ಮತ್ತೊಂದು ಕಡೆ ವಿಶ್ವದಾದ್ಯಂತ ಕೊರೊನಾ ಸೋಂಕು ತಗುಲಿರುವವರ ಸಂಖ್ಯೆ 10 ಲಕ್ಷ ದಾಟುತ್ತಿದೆ. ಸದ್ಯ, ಜಗತ್ತಿನ 9 ಲಕ್ಷದ 35 ಸಾವಿರ ಜನರಿಗೆ ಕೊರೊನಾ ವೈರಸ್ ಪತ್ತೆಯಾಗಿದೆ. ಅಮೆರಿಕಾದ ನಂತರ ಸ್ಥಾನದಲ್ಲಿ ಇಟಲಿ ಹಾಗೂ ಸ್ಪೇನ್ ರಾಷ್ಟ್ರಗಳು ಇವೆ. ಇಟಲಿಯಲ್ಲಿ 1 ಲಕ್ಷ 10 ಸಾವಿರ ಹಾಗೂ ಸ್ಪೇನ್ನಲ್ಲಿ 1 ಲಕ್ಷ ಸೋಂಕಿತರು ಇದ್ದಾರೆ.
ಡೊನಾಲ್ಡ್ ಟ್ರಂಪ್ ಹೇಳಿಕೆಗೆ ಬೆಚ್ಚಿ ಬಿದ್ದ ಅಮೆರಿಕದ ನಾಗರಿಕರು..!
ಕೊರೊನಾ ವೈರಸ್ ಹುಟ್ಟಿದ ಚೀನಾದಲ್ಲಿಯೇ 81 ಸಾವಿರ ಸೋಂಕಿತರು ಇದ್ದಾರೆ. ಚೀನಾವನ್ನು ಅಮೆರಿಕ, ಇಟಲಿ ಹಾಗೂ ಸ್ಪೇನ್ ದೇಶಗಳು ಹಿಂದಕ್ಕೆ ಹಾಕಿವೆ.