ಅಮೆರಿಕದಲ್ಲಿ ನವೆಂಬರ್ ಅಂತ್ಯಕ್ಕೆ 2 ಕೊವಿಡ್ ಲಸಿಕೆಗಳ ನಿರೀಕ್ಷೆ
ವಾಷಿಂಗ್ಟನ್, ಅಕ್ಟೋಬರ್ 17: ಅಮೆರಿಕವು ನವೆಂಬರ್ ಅಂತ್ಯಕ್ಕೆ ಎರಡು ಕೊರೊನಾ ಲಸಿಕೆಗಳನ್ನು ಎದುರು ನೋಡುತ್ತಿದೆ.
ಅಮೆರಿಕದ ಎರಡು ಕಂಪನಿಗಳು ನವೆಂಬರ್ ಅಂತ್ಯದ ವೇಳೆಗೆ ತಮ್ಮ ಕೊವಿಡ್ 19 ಲಸಿಕೆಗಳಿಗೆ ತುರ್ತು ಅನುಮೋದನೆಗಾಗಿ ಅರ್ಜಿ ಸಲ್ಲಿಸುವ ನಿರೀಕ್ಷೆ ಇದೆ.
ಅಮೆರಿಕದಲ್ಲಿ ಕೊರೊನಾ ಸೋಂಕಿನ ಮೂರನೇ ಅಲೆ ಆರಂಭವಾಗಿದ್ದು, 80 ಲಕ್ಷ ಜನರನ್ನು ಸಮೀಪಿಸುತ್ತಿದೆ.ಸಧ್ಯದ ಮಟ್ಟಿಗೆ ಅಮೆರಿಕಲ್ಲಿ ಮಾಡೆರ್ನಾ ಹಾಗೂ ಪಿಫೈಜರ್ ಲಸಿಕೆಯ ರೇಸ್ನಲ್ಲಿವೆ.
ನವೆಂಬರ್ 3ಕ್ಕೆ ಅಮೆರಿಕದಲ್ಲಿ ಅಧ್ಯಕ್ಷೀಯ ಚುನಾವಣೆ ನಡೆಯಲಿದೆ. ಚುನಾವಣೆ ಮುಗಿದು ಎರಡು ವಾರಗಳ ನಂತರ ಲಸಿಕೆಯ ಸುರಕ್ಷತಾ ಮಾಹಿತಿ ಲಭ್ಯವಾಗಲಿದೆ. ಬಳಿಕ ಲಸಿಕೆಯೊಂದಿಗೆ ಮುಂದುವರೆಯುವ ಭರವಸೆ ಇದೆ ಎಂದು ಪಿಫೈಜರ್ ತಿಳಿಸಿದೆ.
ರೆಮ್ಡೆಸಿವಿರ್ ಕೊವಿಡ್ ರೋಗಿಗಳ ಮರಣ ಪ್ರಮಾಣ ಕಡಿತಗೊಳಿಸುವುದಿಲ್ಲ
ಅಮೆರಿಕವು ಈ ವರ್ಷದ ಅಂತ್ಯದ ವೇಳೆಗೆ ಎರಡು ಲಸಿಕೆಗಳನ್ನು ಸಿದ್ಧಪಡಿಸಬಹುದು.ಮ್ಯಾಸಚೂಸೆಟ್ಸ್ ಬಯೋಟೆಕ್ ಸಂಸ್ಥೆ ಮಾಡೆರ್ನಾ ನವೆಂಬರ್ 25ರ ವೇಳೆಗೆ ಅನುಮೋದನೆ ಪಡೆಯಲು ನಿರ್ಧರಿಸಿದೆ.
ಸಕಾರಾತ್ಮಕ ದತ್ತಾಂಶಗಳು ಲಭ್ಯವಾದರೆ ಪಿಫೈಜರ್ ಲಸಿಕೆಯನ್ನು ತುರ್ತು ಬಳಕೆಗಾಗಿ ಮನವಿ ಮಾಡಲಾಗುತ್ತದೆ. ಒಮ್ಮೆ ಲಸಿಕೆಗೆ ಒಪ್ಪಿಗೆ ಸಿಕ್ಕರೂ ಕೂಡ ಲಸಿಕೆ ಜನರನ್ನು ತಲುಪಲು ಹಲವು ತಿಂಗಳುಗಳು ಬೇಕಾಗುತ್ತದೆ.
ಲಸಿಕೆ ಕೂಡ ಎಷ್ಟು ಪರಿಣಾಮಕಾರಿ ಎಂಬುದು ತಿಳಿದಿಲ್ಲದ ಕಾರಣ ಪ್ರತಿಯೊಬ್ಬರು ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ, ಪದೇ ಪದೇ ಕೈತೊಳೆಯುವುದನ್ನು ಮರೆಯಬೇಡಿ.
Recommended Video
ಅಮೆರಿಕದಲ್ಲಿ 80 ಲಕ್ಷ ಕೊರೊನಾ ಸೋಂಕಿತರು ಪತ್ತೆಯಾಗಿದ್ದು, 217,000 ಮಂದಿ ಸಾವನ್ನಪ್ಪಿದ್ದಾರೆ.