ತಿನ್ನುವ ಮೂಲಕವೇ ಕೋಟಿಗಟ್ಟಲೆ ಹಣ ಸಂಪಾದಿಸಿದ ಮಹಿಳೆ
ವಾಷಿಂಗ್ಟನ್, ಆಗಸ್ಟ್ 2: ನಾವು ದುಡಿಯುವ ಹಣದಲ್ಲಿ ಹೆಚ್ಚು ಹಣ ವ್ಯಯಿಸುವುದು ತಿನ್ನುವುದಕ್ಕಾಗಿಯೇ. ಕುಟುಂಬದವರೊಂದಿಗೆ ಒಮ್ಮೆ ಹೋಟೆಲ್ಗೆ ಹೋದರೆ ಸಾವಿರಾರು ರೂಪಾಯಿ ಖರ್ಚಾಗುವುದು ಸಹಜ. ರುಚಿರುಚಿಯಾದ ಅಡುಗೆ, ವಿವಿಧ ಬಗೆಯ ಖಾದ್ಯಗಳು ಆಸೆ ಹುಟ್ಟಿಸುವುದರ ಜತೆಗೆ ಜೇಬಿಗೆ ಕತ್ತರಿ ಹಾಕಿಸುತ್ತವೆ. ಆದರೆ, ಇಲ್ಲೊಬ್ಬ ಮಹಿಳೆ ತಿನ್ನುವ ಮೂಲಕವೇ ಖ್ಯಾತಿ ಗಳಿಸಿದ್ದಾರೆ. ಮಾತ್ರವಲ್ಲ, ಕೋಟಿಗಟ್ಟಲೆ ಹಣವನ್ನೂ ಸಂಪಾದಿಸಿದ್ದಾರೆ.
ಅಮೆರಿಕದ ಬೆಥಾನಿ ಗ್ಯಾಸ್ಕಿನ್ ಎಂಬಾಕೆ ಯೂಟ್ಯೂಬ್ ಚಾನೆಲ್ ಮೂಲಕ ಕೇವಲ ಎರಡು ವರ್ಷದಲ್ಲಿ ಸುಮಾರು ಎರಡು ಮಿಲಿಯನ್ ಚಂದಾದಾರರನ್ನು ಪಡೆದುಕೊಂಡಿದ್ದಾರೆ. 'ಬ್ಲೋವ್ಸ್ಲೈಫ್' ಎಂಬ ಚಾನೆಲ್ ಮೂಲಕ ಆಕೆ ಭರ್ಜರಿ ಹಣ ಗಳಿಸಿದ್ದಾರೆ.
ರಾಜ್ಯ ಮುಕ್ತ ವಿವಿ ಪಾಠಗಳು ಇನ್ಮುಂದೆ ಯೂಟ್ಯೂಬ್ ನಲ್ಲಿ
ಯೂಟ್ಯೂಬ್ನ ನೇರಪ್ರಸಾರದಲ್ಲಿ ವೀಕ್ಷಕರೊಂದಿಗೆ ಸಂವಾದ ನಡೆಸುತ್ತಾ ಬಗೆಬಗೆಯ ತಿನಿಸು ಸೇವಿಸುವ ಪದ್ಧತಿಯಿದೆ. ಅದಕ್ಕೆ ಮುಕ್ಬಾಂಗ್ ಎಂದು ಕರೆಯಲಾಗುತ್ತದೆ. ಗ್ಯಾಸ್ಕಿನ್ ಅವರು ವೃತ್ತಿಪರ ಶೆಫ್ ಅಲ್ಲ. ಆದರೆ, ಆಕೆ ಆಹಾರದ ರೆಸಿಪಿಗಳು ಮತ್ತು ನೀಡುವ ಆಹಾರದ ಸವಾಲುಗಳು ಅತಿ ಕಡಿಮೆ ಅವಧಿಯಲ್ಲಿ ದೊಡ್ಡ ಸಂಖ್ಯೆಯ ವೀಕ್ಷಕರನ್ನು ಸೆಳೆದಿದೆ.
'ಮುಕ್ಬಾಂಗ್' ಆನ್ಲೈನ್ ಮಾಧ್ಯಮದ ಇತ್ತೀಚಿನ ಕ್ರೇಜ್ಗಳಲ್ಲಿ ಒಂದು. ಇಲ್ಲಿ ಟೇಬಲ್ ಮುಂದೆ ಕುಳಿತ ಜನರು ತಮ್ಮ ಎದುರು ಕ್ಯಾಮೆರಾ ಇರಿಸಿಕೊಂಡಿರುತ್ತಾರೆ. ತಮ್ಮ ಚಾನೆಲ್ ಚಂದಾದಾರಿಕೆ ಪಡೆದ ವೀಕ್ಷಕರೊಂದಿಗೆ ಹರಟುತ್ತಾ, ಬಗೆಬಗೆಯ ತಿನಿಸುಗಳನ್ನು ತಿನ್ನುತ್ತಾರೆ. ಹುಚ್ಚಾಟಕ್ಕೆ ಆರಂಭವಾದ ಈ ಅಭ್ಯಾಸ ಈಗ ಉದ್ಯಮದಂತೆಯೇ ಬೆಳೆದಿದೆ. ಹೀಗೆ ಭಕ್ಷ್ಯಗಳನ್ನು ಭಕ್ಷಿಸುತ್ತಾ ಹರಟುವವರು ಕುಳಿತಲ್ಲೇ ಬ್ಯಾಂಕ್ ಖಾತೆಗೆ ಹಣ ಜಮೆ ಮಾಡಿಕೊಳ್ಳುತ್ತಾರೆ.
ಯೂಟ್ಯೂಬ್ ನೋಡುತ್ತಾ ಹೆರಿಗೆಗೆ ಮುಂದಾಗಿ ತಾಯಿ-ಮಗು ಸಾವು
ಗ್ಯಾಸ್ಕಿನ್ ಅವರು ಇದುವರೆಗೂ ಸುಮಾರು 900 ವಿಡಿಯೋಗಳನ್ನು ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಪ್ರಸಾರ ಮಾಡಿದ್ದಾರೆ. ಅವುಗಳನ್ನು ಲಕ್ಷಾಂತರ ಮಂದಿ ವೀಕ್ಷಿಸಿದ್ದಾರೆ. ಕೇವಲ ಈ ರೀತಿಯ ವಿಡಿಯೋಗಳ ಮೂಲಕವೇ ತಾವು 10 ಲಕ್ಷ ಡಾಲರ್ ಗಳಿಸಿರುವುದಾಗಿ ಗ್ಯಾಸ್ಕಿನ್ ಖುಷಿಯಿಂದ ಹೇಳಿಕೊಂಡಿದ್ದಾರೆ.
44 ವರ್ಷದ ಗ್ಯಾಸ್ಕಿನ್, ಆಹಾರ ಮಾತ್ರವಲ್ಲದೆ ಮೇಕಪ್ ಟ್ಯುಟೋರಿಯಲ್, ಕೌನ್ಸೆಲಿಂಗ್ನಂತಹ ವಿಡಿಯೋಗಳನ್ನೂ ಕೂಡ ಯೂಟ್ಯೂಬ್ನಲ್ಲಿ ಹರಿಬಿಡುತ್ತಾರೆ.
ಐಎಎಫ್ ಪೈಲಟ್ ಅಭಿನಂದನ್ ಗೆ ಸಂಬಂಧಿಸಿದ 11 ವಿಡಿಯೋ ಬಂದ್
ಮುಕ್ಬಾಂಗ್
ವಿಡಿಯೋಗಳಿಂದ
ಖ್ಯಾತಿ
ಗಳಿಸಿರುವ
ದಕ್ಷಿಣ
ಕೊರಿಯಾದ
ಯು
ಹೆ
ಜಿ
ಎಂಬ
ಯುವತಿಗೆ
ಆಕೆಯ
ಅಭಿಮಾನಿಯೊಬ್ಬ
4,20,000
ಮಲೇಷಿಯನ್
ರಿಂಗಿಟ್
ಹಣವನ್ನು
ದೇಣಿಗೆಯಾಗಿ
ನೀಡಿದ್ದಾನೆ.
ಮನೆಯಲ್ಲಿಯೇ
ಕುಳಿತು
ಕೆಲಸ
ಮಾಡಬೇಕು
ಎಂದು
ಬಯಸುವವರಿಗೆ
ದುಡಿಮೆಗೆ
ಎಷ್ಟೊಂದು
ಮಾರ್ಗಗಳಿವೆಯಲ್ಲವೇ?