ಪಾಕಿಸ್ತಾನದ ಕುರಿತ ಖಡಕ್ ನಿರ್ಣಯದಲ್ಲಿ ಬದಲಾವಣೆಯಿಲ್ಲ: ಅಮೆರಿಕ
ವಾಷಿಂಗ್ಟನ್, ಜುಲೈ 19: ಅಮೆರಿಕಕ್ಕೆ ಭದ್ರತೆಯ ನೆರವು ನೀಡುವುದನ್ನು ರದ್ದುಗೊಳಿಸಿರುವ ತನ್ನ ನಡೆಯಲ್ಲಿ ಯಾವುದೇ ಬದಲಾವಣೆಯಿಲ್ಲ, ಈ ಅಮಾನತು ಮುಂದುವರಿಯಲಿದೆ ಎಂದು ಅಮೆರಿಕ ಸ್ಪಷ್ಟಪಡಿಸಿದೆ.
ಮುಂದಿನವಾರ ಪಾಕಿಸ್ತಾನಿ ಪ್ರಧಾನಿ ಇಮ್ರಾನ್ ಖಾನ್ ಅವರು ಅಮೆರಿಕಕ್ಕೆ ಭೇಟಿ ನೀಡಲಿದ್ದು, ಈ ಹಿನ್ನೆಲೆಯಲ್ಲಿ ಅಮೆರಿಕ ಪಾಕಿಸ್ತಾನದ ಕುರಿತು ಮೃದುಧೋರಣೆ ತಾಳಬಹುದು ಎಂದು ಅಂದಾಜಿಸಲಾಗಿತ್ತು.
ಕುಲಭೂಷಣ್ ವಿಷಯದಲ್ಲಿ ಕಾನೂನು ಪಾಲಿಸುತ್ತೇವೆ : ಇಮ್ರಾನ್ ಖಾನ್
ಇಮ್ರಾನ್ ಖಾನ್ ಪಾಕಿಸ್ತಾನದ ಪ್ರಧಾನಿಯಾದ ಬಳಿಕ ಮೊದಲ ಬಾರಿಗೆ ಅಮೆರಿಕಕ್ಕೆ ತೆರಳಿ, ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರನ್ನು ಭೇಟಿ ಮಡಲಿದ್ದಾರೆ.
ಆದರೆ ಈ ಬಗ್ಗೆ ಪ್ರತಿಕ್ರಿಯೆ ಅಮೆರಿಕದ ಸ್ವತಂತ್ರ ಸಂಶೋಧನಾ ಸಂಸ್ಥೆಯಾದ ಕಾಂಗ್ರೆಶನಲ್ ರೀಸರ್ಚ್ ಸರ್ವಿಸ್(ಸಿಆರ್ ಎಸ್), "ಪಾಕಿಸ್ತಾನವು ಅಸಂಖ್ಯೆ ಇಸ್ಲಾಮಿಕ್ ಉಗ್ರವಾದಿ ಸಂಘಟನೆಗಳಿಗೆ ನೆಲೆ ನೀಡಿದೆ. ತಮ್ಮ ನೆರೆ ದೇಶದ ಮೇಲೆ ದಾಳಿ ನಡೆಸಲು, ನೆರೆ ದೇಶಗಳಿಗೆ ಭಯ ಹುಟ್ಟಿಸಲು ಪಾಕಿಸ್ತಾನ ಈ ಉಗ್ರವಾದಿಗಳನ್ನು ಸಾಕಿಟ್ಟುಕೊಂಡಿದೆ, ಸಹಿಸಿಕೊಂಡಿದೆ" ಎಂದು ಸಿಆರ್ ಎಸ್ ದೂರಿದೆ.
ವಿಶ್ವ ವಾಣಿಜ್ಯ ಕಟ್ಟಡದ ಮೇಲೆ ದಾಳಿ ನಡೆಸಿದ್ದ ಅಲ್ ಖೈದಾ ಮುಖಂಡ ಒಸಾಮಾ ಬಿನ್ ಲಾಡೆನ್ ನಿಗೆ ಪಾಕಿಸ್ತಾನವೇ ಹಲವು ವರ್ಷಗಳ ಕಾಲ ಆಶ್ರಯ ನೀಡಿತ್ತು ಎಂದು ಸಿಆರ್ ಎಸ್ ನೆನಪಿಸಿದೆ.
ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನಿರ್ದೇಶನದ ಮೇರೆಗೆ 2018 ರಲ್ಲೇ ಪಾಕಿಸ್ತಾನಕ್ಕೆ ನೀಡಿದ್ದ ಭದ್ರತಾ ನೆರವನ್ನು ಅಮೆರಿಕ ಅಮಾನತು ಮಾಡಿತ್ತು.