ಯುಎಸ್ ಚುನಾವಣೆ: ಪುನಾರಾಯ್ಕೆಯಾದ ನಾಲ್ವರು ಭಾರತೀಯರು

ವಾಷಿಂಗ್ಟನ್, ನವೆಂಬರ್ 08: ಅಮೆರಿಕದ ಮಧ್ಯಂತರ ಚುನಾವಣೆಯಲ್ಲಿ ಸ್ಪರ್ಧಿಸಿದ್ದ ಡೆಮಾಕ್ರಾಟಿಕ್ ಪಕ್ಷದ ನಾಲ್ವರು ಇಂಡೋ ಅಮೆರಿಕನ್ಸ್ ಪುನರ್ ಆಯ್ಕೆಯಾಗಿದ್ದಾರೆ.

ಈ ಮೂಲಕ ಹೆಚ್ಚು ಸ್ಥಾನ ಗಳಿಸಿದ ಡೆಮಾಕ್ರಾಟಿಕ್ ಸಂಸ್ಥೆಯು ಈಗ ಜನಪ್ರತಿನಿಧಿಗಳ ಸಭೆ (ಹೌಸ್ ಆಫ್ ರೆಪ್ರೆಸೆಂಟಟಿವ್ಸ್) ಮೇಲೆ ನಿಯಂತ್ರಣ ಹೊಂದಿದೆ. ಒಟ್ಟಾರೆ, ವಿವಿಧ ಜಿಲ್ಲೆಗಳಿಂದ 12ಕ್ಕೂ ಅಧಿಕ ಭಾರತೀಯ ಮೂಲದವರು ಸ್ಟೇಟ್ ಅಸೆಂಬ್ಲಿಗೆ ಸ್ಪರ್ಧಿಸಿ ಗೆಲುವು ಸಾಧಿಸಿದ್ದಾರೆ.

ಇಲಿಯಾನ್ ಪ್ರಾಂತ್ಯದಿಂದ ಸ್ಪರ್ಧಿಸಿದ್ದ ರಾಜಾ ಕೃಷ್ಣಮೂರ್ತಿ ಎರಡನೇ ಬಾರಿಗೆ ಆಯ್ಕೆಯಾಗಿದ್ದು, ರಿಪಬ್ಲಿಕ್ ಸ್ಪರ್ಧಿಯಾಗಿದ್ದ ಭಾರತೀಯ ಮೂಲದ ಜೆಡಿ ದಿಗ್ವಾಂವ್ಕರ್ ಅವರನ್ನು ಸೋಲಿಸಿದ್ದಾರೆ.

ಕ್ಯಾಲಿಫೋರ್ನಿಯಾದ 7th ಕಾಂಗ್ರೆಸ್ಸಿನಲ್ ಜಿಲ್ಲೆಯಿಂದ ಸ್ಪರ್ಧಿಸಿದ್ದ ಮೂರು ಬಾರಿ ವಿಜೇತ ಡಾ ಅಮಿ ಬೇರಾ ಅವರು ರಿಪಬ್ಲಿಕ್ ಪಕ್ಷದ ಆಂಡ್ರ್ಯೂ ಗ್ರ್ಯಾಂಟ್ ವಿರುದ್ಧ ಶೇ5 ಮತಗಳ ಅಂತರದಿಂದ ಗೆಲುವು ಸಾಧಿಸಿದರು.

ಸಿಲಿಕಾನ್ ವ್ಯಾಲಿಯಲ್ಲಿ ರೋ ಖನ್ನಾ ಅವರು ರಿಪಬ್ಲಿಕ್ ಪ್ರತಿಸ್ಪರ್ಧಿ ರೋನ್ ಕೊಹೆನ್ ವಿರುದ್ಧ 44% ಅಂಕಗಳ ಅಂತರದಿಂದ ಜಯ ಸಾಧಿಸಿದರು.

ಜಿಒಪಿ ಎದುರಾಳಿ ಕ್ರೇಗ್ ಕೆಲ್ಲರ್ ವಿರುದ್ಧ 66% ಅಂಕಗಳ ಬೃಹತ್ ಮುನ್ನಡೆಯೊಂದಿಗೆ ಕಾಂಗ್ರೆಸ್ಸಿನ ಪ್ರಮೀಳಾ ಜಯಪಾಲ್ ಅವರು ಜನಪ್ರತಿನಿಧಿಗಳ ಸಭೆಗೆ ಆಯ್ಕೆಯಾದ ಏಕೈಕ ಭಾರತೀಯ ಮೂಲದ ಮಹಿಳೆಯಾಗಿದ್ದಾರೆ.

ಉಳಿದಂತೆ ಅರಿಜೋನಾದಿಂದ ಅಮಿತ್ ಶಾ, ಉತ್ತರ ಕೆರೋಲಿನಾದಿಂದ ಮುಜ್ತಾಬಾ ಮೊಹಮ್ಮದ್, ಜಯಾ ಚೌಧರಿ, ಓಹಿಯೊದಿಂದ ನೀರಜ್ ಅಟಾಣಿ, ವಾಷಿಂಗ್ಟನ್ ಜಿಲ್ಲೆಯಿಂದ ಮಂಕಾ ದಿಂಗ್ರಾ, ವಂದನಾ ಶೆಟ್ಟರ್, ಸಬಿ ಕುಮಾರ್, ಆಶ್ ಕರ್ಲಾ, ಕಾರ್ ಭರ್ವೆ, ವಿಸ್ಕನ್ಸಿನ್ ಜಿಲ್ಲೆಯಿಂದ ಜೋಶ್ ಕೌಲ್ ಆಯ್ಕೆಯಾಗಿದ್ದಾರೆ.

English summary

Four Indian-American Congressmen from the Democratic party were re-elected to the US House of Representatives and more than a dozen others won various other races across the country in the highly polarised midterm elections held Tuesday.