ವಿಜಯಪುರ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

ಜ. 11ರಿಂದ ಹುಬ್ಬಳ್ಳಿ-ವಿಜಯಪುರ ಇಂಟರ್ ಸಿಟಿ ರೈಲು ಆರಂಭ

|
Google Oneindia Kannada News

ವಿಜಯಪುರ, ಜನವರಿ 10; ವಿಜಯಪುರ-ಹುಬ್ಬಳ್ಳಿ ನಡುವೆ ಇಂಟರ್ ಸಿಟಿ ರೈಲು ಸಂಚಾರ ಜನವರಿ 11ರಿಂದ ಆರಂಭವಾಗಲಿದೆ. ಆಲಮಟ್ಟಿ ಭಾಗದಿಂದ ಹುಬ್ಭಳ್ಳಿಗೆ ಸಂಚಾರ ನಡೆಸುವ ಪ್ರಯಾಣಿಕರಿಗೆ ಈ ರೈಲು ಸಹಕಾರಿಯಾಗಲಿದೆ.

ರೈಲು ಸಂಖ್ಯೆ 07329/07330 ವಿಜಯಪುರ- ಹುಬ್ಬಳ್ಳಿ ನಡುವೆ ಸಂಚಾರ ನಡೆಸಲಿದೆ. ಜನವರಿ 11ರಂದು ಹುಬ್ಬಳ್ಳಿಯಿಂದ ರೈಲು ಹೊರಡಲಿದ್ದು, ಜನವರಿ 12ರಿಂದ ಎರಡೂ ನಗರಗಳಿಂದ ಈ ರೈಲು ಸಂಚಾರ ನಡೆಸಲಿದೆ ಎಂದು ನೈಋತ್ಯ ರೈಲ್ವೆ ಪ್ರಕಟಣೆ ತಿಳಿಸಿದೆ.

ಸಂಕ್ರಾಂತಿ, ಶಬರಿಮಲೆ ಯಾತ್ರೆ: ಬೆಂಗಳೂರು- ಬೆಳಗಾವಿ ಮಧ್ಯೆ ವಿಶೇಷ ರೈಲುಸಂಕ್ರಾಂತಿ, ಶಬರಿಮಲೆ ಯಾತ್ರೆ: ಬೆಂಗಳೂರು- ಬೆಳಗಾವಿ ಮಧ್ಯೆ ವಿಶೇಷ ರೈಲು

ಈ ರೈಲು ಐದು ಎರಡನೇ ದರ್ಜೆ ಸ್ಲೀಪರ್ ಬೋಗಿ, ಆರು ಸಾಮಾನ್ಯ ಬೋಗಿ, ಎರಡು ಲಗೇಜ್ ಸೇರಿ 13 ಬೋಗಿಗಳನ್ನು ಒಳಗೊಂಡಿದೆ. ಹುಬ್ಬಳ್ಳಿ ರೈಲ್ವೆ ಪ್ರಯಾಣಿಕರ ವೇದಿಕೆ ಸಹ ಈ ರೈಲು ಸಂಚಾರ ಆರಂಭಕ್ಕೆ ಹರ್ಷ ವ್ಯಕ್ತಪಡಿಸಿದೆ.

ಸಂಕ್ರಾಂತಿ ವಿಶೇಷ; ಬೆಂಗಳೂರಿನಿಂದ ಸೂಪರ್ ಫಾಸ್ಟ್ ರೈಲು ಸಂಚಾರಸಂಕ್ರಾಂತಿ ವಿಶೇಷ; ಬೆಂಗಳೂರಿನಿಂದ ಸೂಪರ್ ಫಾಸ್ಟ್ ರೈಲು ಸಂಚಾರ

Vijayapura Hubballi Intercity Train From January 11 Schedule

ರೈಲು ವೇಳಾಪಟ್ಟಿ; ವಿಜಯಪುರದಿಂದ ಬೆಳಗ್ಗೆ 5.45ಕ್ಕೆ ಹೊರಡುವ ರೈಲು ಹುಬ್ಬಳ್ಳಿಗೆ ಬೆಳಗ್ಗೆ 10ಕ್ಕೆ ತಲುಪಲಿದೆ. ಸಂಜೆ 4.45ಕ್ಕೆ ಹುಬ್ಬಳ್ಳಿಯಿಂದ ಹೊರಡುವ ರೈಲು ವಿಜಯಪುರಕ್ಕೆ ರಾತ್ರಿ 10.10ಕ್ಕೆ ತಲುಪಲಿದೆ.

ಕರ್ನಾಟಕದಲ್ಲಿ ವಿಸ್ಟಾಡೋಮ್ ರೈಲು; ಮಾರ್ಗ, ದರಪಟ್ಟಿ ಕರ್ನಾಟಕದಲ್ಲಿ ವಿಸ್ಟಾಡೋಮ್ ರೈಲು; ಮಾರ್ಗ, ದರಪಟ್ಟಿ

ವಿಜಯಪುರದಿಂದ ಹೊರಡುವ ರೈಲು ಇಬ್ರಾಹಿಂಪುರ ಗೇಟ್ (5.53), ಬಸವನಬಾಗೇವಾಡಿ ರೋಡ್ (6.25), ಆಲಮಟ್ಟಿ (6.44), ಬಾಗಲಕೋಟೆ (7.23), ಗುಳೇದಗುಡ್ಡ ರೋಡ್ (7.36), ಬಾದಾಮಿ (7.50), ಹೊಳೆಆಲೂರ (8.09), ಮಲ್ಲಾಪುರ (8.27), ಗದಗ (9.20)ಕ್ಕೆ ಆಗಮಿಸಲಿದೆ.

ಹುಬ್ಬಳ್ಳಿಯಿಂದ ಹೊರಡು ರೈಲು ಗದಗ (5.55), ಮಲ್ಲಾಪುರ (6.30), ಹೊಳೆ ಆಲೂರ (6.47), ಬಾದಾಮಿ (7.09), ಗುಳೇದಗುಡ್ಡ ರೋಡ್ (7.22), ಬಾಗಲಕೋಟೆ (7.40), ಆಲಮಟ್ಟಿ (8.14), ಬಸವನಬಾಗೇವಾಡಿ ರೋಡ್ (9.20)ಕ್ಕೆ ತಲುಪಲಿದೆ.

ನಕಲಿ ಜಾಹೀರಾತು ಬಗ್ಗೆ ಎಚ್ಚರಿಕೆ; ರೈಲ್ವೆ ರಕ್ಷಣಾ ಪಡೆ ನೇಮಕಾತಿ ಕುರಿತು ಹರಿದಾಡುತ್ತಿರುವ ಸುದ್ದಿಗಳ ಬಗ್ಗೆ ನೈಋತ್ಯ ರೈಲ್ವೆ ಪ್ರಕಟಣೆ ಮೂಲಕ ಸ್ಪಷ್ಟನೆ ನೀಡಿದೆ.

ಕೆಲವು ಸಾಮಾಜಿಕ ಜಾಲತಾಣಗಳು ಭಾರತೀಯ ರೈಲ್ವೆಯ ರೈಲ್ವೆ ರಕ್ಷಣಾ ಪಡೆಯು 2022ರ ಕಾನ್ಸ್‌ಟೇಬಲ್ ಹುದ್ದೆಯ ನೇಮಕಾತಿ ಪರೀಕ್ಷೆಗೆ ಅರ್ಜಿಗಳನ್ನು ಕರೆದಿದೆ ಎಂದು ನಕಲಿ ಜಾಹೀರಾತು ಪ್ರಕಟಿಸಿವೆ.

Recommended Video

Jammu and Kashmir: ಹಿಮಪಾತದ ನಡುವೆ ಗರ್ಭಿಣಿಯ ರಕ್ಷಣೆಗಾಗಿ ಭಾರತೀಯ ಸೇನೆ ಮಾಡಿದ ಕೆಲಸ ನೋಡಿ | Oneindia Kannada

ರೈಲ್ವೆ ಸಚಿವಾಲಯ ಈ ಬಗೆಯ ನೇಮಕಾರಿ ಕುರಿತಾಗಿ ಯಾವುದೇ ರೀತಿಯ ಅಧಿಸೂಚನೆಯನ್ನು ಹೊರಡಿಸಿಲ್ಲ ಎಂದು ಈ ಮೂಲಕ ತಿಳಿಸಲಾಗುತ್ತದೆ.

ಸಾರ್ವಜನಿಕರು ಈ ಬಗೆಯ ಯಾವುದೇ ರೀತಿಯ ವಂಚನೆಯ ಜಾಹೀರಾತುಗಳಿಗೆ ಬಲಿಯಾಗದೇ ಉದ್ಯೋಗ ನೇಮಕಾತಿಯ ಪ್ರಕಟಣೆ ಅಥವ ಮಾಹಿತಿಗಾಗಿ ರೈಲ್ವೆ ನೇಮಕಾತಿ ಮಂಡಳಿಯ ಅಧಿಕೃತ ಜಾಲತಾಣದ ಮೂಲಕ ಪರಿಶೀಲಿಸಬೇಕೆಂದು ಕೋರಲಾಗಿದೆ.

English summary
South western railway to run Vijayapura-Hubballi intercity train from January 11, 2022. Here are the schedule.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X