ಉಡುಪಿ: ಪ್ಲಿಫ್ ಕಾರ್ಟ್ ನಲ್ಲಿ ಆರ್ಡರ್ ಮಾಡಿದ್ದು ಕುಕ್ಕರ್, ಮನೆಗೆ ಬಂದಿದ್ದು ಇಟ್ಟಿಗೆ!
ಉಡುಪಿ, ನವೆಂಬರ್ 25: ಕೊರೊನಾ ಬಳಿಕವಂತೂ ಜನರು ಮನೆಯಲ್ಲೇ ಕೂತು ಮೊಬೈಲ್ ಮೂಲಕ ಆನ್ ಲೈನ್ ನಲ್ಲಿ ಆರ್ಡರ್ ಮಾಡುವ ಹವ್ಯಾಸವನ್ನು ರೂಢಿಸಿಕೊಂಡಿದ್ದಾರೆ.
ಕೆಲವು ಜನರಂತೂ ಅಂಗಡಿ-ಮುಂಗಟ್ಟುಗಳ ಕಡೆಗೆ ಮುಖ ಮಾಡುವುದನ್ನೇ ಮರೆತುಬಿಟ್ಟಿದ್ದಾರೆ. ಆದರೆ ಕೆಲವೊಮ್ಮೆ ಈ ಆನ್ಲೈನ್ ಆರ್ಡರ್ ಮೂಲಕ ಮೋಸ ಕೂಡ ಹೋಗುತ್ತಾರೆ ಅನ್ನುವುದಕ್ಕೆ ಮಣಿಪಾಲ ಮಹಿಳೆಯೊಬ್ಬರಿಗೆ ಆದ ವಂಚನೆಯೇ ಸಾಕ್ಷಿ.
ಉಡುಪಿ: ವಿಕಲಚೇತನ ಯುವತಿಗೆ ಬಾಳ ಸಂಗಾತಿಯಾದ ಯುವಕ
ಆನ್ಲೈನ್ ಕಂಪನಿಗಳ ಮೂಲಕ ಜನ ಹೆಚ್ಚು ಹೆಚ್ಚು ವಸ್ತುಗಳನ್ನು ಖರೀದಿಸುತ್ತಿದ್ದರೂ, ಮೋಸ ಹೋಗುವ ಬಗೆ ಮಾತ್ರ ಇನ್ನೂ ಪೂರ್ತಿಯಾಗಿ ನಿಂತಿಲ್ಲ. ಮಣಿಪಾಲದ ಸುಲೋಚನಾ ಎಂಬ ಮಹಿಳೆ ಪ್ಲಿಫ್ ಕಾರ್ಟ್ ನಲ್ಲಿ ಕುಕ್ಕರ್ ಆರ್ಡರ್ ಮಾಡಿದ್ದಾರೆ, ಅವರಿಗೆ ಆನ್ ಲೈನ್ ನಲ್ಲಿ ಇಟ್ಟಿಗೆ ಪಾರ್ಸೆಲ್ ಬಂದು, ಮೋಸ ಹೋದ ಮಹಿಳೆ ದಿಕ್ಕು ತೋಚದಂತಾದ ಘಟನೆ ಮಣಿಪಾಲದಲ್ಲಿ ನಡೆದಿದೆ.
ಈ ಮಹಿಳೆ ಮೂರು ಸಾವಿರ ರೂಪಾಯಿ ಕೊಟ್ಟು ಕುಕ್ಕರ್ ಖರೀದಿ ಮಾಡಿದ್ದರು. ಆದರೆ ಪಾರ್ಸೆಲ್ ತೆರೆದು ನೋಡುವಾಗ ಅಲ್ಲಿ ಕುಕ್ಕರ್ ಬದಲು ಇಟ್ಟಿಗೆ ಇತ್ತು. ಇದರಿಂದ ದಿಗಿಲುಗೊಂಡ ಸುಲೋಚನಾ ಪ್ಲಿಫ್ ಕಾರ್ಟ್ ಕಂಪನಿ ಮೇಲೆ ಕಂಪ್ಲೇಂಟ್ ಮಾಡಿದ್ದಾರೆ.
Recommended Video
ಈ ಮಹಿಳೆಗೆ ಪ್ಲಿಫ್ ಕಾರ್ಟ್ ಕಂಪನಿಯಿಂದ ಮೋಸ ಆಗಿದೆಯಾ ಅಥವಾ ಕೋರಿಯರ್ ಹುಡುಗರ ಕಡೆಯಿಂದ ಏನಾದರೂ ಮೋಸ ನಡೆದಿದೆಯಾ ಎಂಬ ಕುರಿತು ಇನ್ನಷ್ಟೇ ಗೊತ್ತಾಗಬೇಕಿದೆ.