ಉಡುಪಿ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

ಶೀರೂರು ಶ್ರೀ ಹುಟ್ಟುಹಬ್ಬದಲ್ಲಿ ಆಕರ್ಷಣೆಯ ಕೇಂದ್ರ ಬಿಂದುವಾದ ಶಿವಮಣಿ

By ಉಡುಪಿ ಪ್ರತಿನಿಧಿ
|
Google Oneindia Kannada News

ಉಡುಪಿ, ಜೂನ್.08 : ಶೀರೂರು ಶ್ರೀ ಹುಟ್ಟುಹಬ್ಬವನ್ನು ಇಂದು ವಿಶಿಷ್ಟ ರೀತಿಯಲ್ಲಿ ಆಚರಿಸಲಾಯಿತು. ಉಡುಪಿಯ ಹಿರಿಯಡ್ಕದ ಮೂಲಮಠದಲ್ಲಿ ಅಂತಾರಾಷ್ಟ್ರೀಯ ಡ್ರಮ್ಮರ್ ಶಿವಮಣಿ ಕಾರ್ಯಕ್ರಮ ನೀಡುವ ಮೂಲಕ ಸ್ವಾಮೀಜಿಗಳ ಹುಟ್ಟುಹಬ್ಬವನ್ನು ಆಚರಿಸಲಾಯಿತು.

ಶೀರೂರು ಮೂಲಮಠದ ಆಂಜನೇಯ ಸನ್ನಿಧಿಯಲ್ಲಿ ಡ್ರಮ್ಸ್ ಸೇವೆ ಮಾಡುವ ಮೂಲಕ ಶಿವಮಣಿ ಸಂಗೀತ ರಸಿಕರನ್ನು ರಂಜಿಸಿದರು. ವಿಶ್ವದ ಪ್ರಮುಖ ಡ್ರಮ್ಮರ್ ಗಳ ಸಾಲಿನಲ್ಲಿ ಶಿವಮಣಿ ಪ್ರಮುಖರು. ಶಿವಮಣಿ ಕಾರ್ಯಕ್ರಮ ಆಯೋಜನೆ ಮಾಡಬೇಕಂದ್ರೆ ವರ್ಷಗಟ್ಟಲೆ ಕಾಯಬೇಕು.

ಶೀರೂರು ಶ್ರೀಗಳಿಗೆ ಸ್ಪರ್ಧಿಸದಂತೆ ಹೇಳಿದ್ದು ಕೋಲದ ದೈವ !ಶೀರೂರು ಶ್ರೀಗಳಿಗೆ ಸ್ಪರ್ಧಿಸದಂತೆ ಹೇಳಿದ್ದು ಕೋಲದ ದೈವ !

ಅಷ್ಟು ಸುಲಭದಲ್ಲಿ ಡ್ರಮ್ಮರ್ ಶಿವಮಣಿ ಯಾರ ಕೈಗೂ ಸಿಗೋದಿಲ್ಲ. ಆದರೆ ಶಿವಮಣಿ ಮನಸ್ಸು ಮಾಡಿದರೆ ಉಚಿತವಾಗಿ ಕಾರ್ಯಕ್ರಮ ಕೊಡ್ತಾರೆ. ಮುಂದೆ ಓದಿ...

 ಮಂತ್ರಮುಗ್ಧರಾದ ಸಂಗೀತ ಪ್ರೇಮಿಗಳು

ಮಂತ್ರಮುಗ್ಧರಾದ ಸಂಗೀತ ಪ್ರೇಮಿಗಳು

ಉಡುಪಿಯ ಶ್ರೀಕೃಷ್ಣನ ಭಕ್ತ ಈ ಡ್ರಮ್ಮರ್. ಹೀಗಾಗಿ ಉಡುಪಿಗೆ ಭೇಟಿ ಕೊಡುತ್ತಲೇ ಇರುತ್ತಾರೆ. ಅದರಲ್ಲೂ ಸಂಗೀತ ಪ್ರೇಮಿ ಶೀರೂರು ಶ್ರೀ ಮತ್ತು ಶಿವಮಣಿ ಆತ್ಮೀಯರು.ಆಗಾಗ ಶೀರೂರು ಮಠಕ್ಕೆ ಬಂದು ಕಾರ್ಯಕ್ರಮ ನೀಡುತ್ತಿರುತ್ತಾರೆ. ಇವತ್ತು ಶೀರೂರು ಶ್ರೀಗಳ ಜನ್ಮನಕ್ಷತ್ರ.

ಈ ಪ್ರಯುಕ್ತ ಶೀರೂರು ಮೂಲಮಠಕ್ಕೆ ಆಗಮಿಸಿದ ಶಿವಮಣಿ ಅರ್ಧ ತಾಸು ಡ್ರಮ್ ಬಾರಿಸುವ ಮೂಲಕ ಸಂಗೀತ ಪ್ರೇಮಿಗಳನ್ನು ಮಂತ್ರಮುಗ್ಧರನ್ನಾಗಿಸಿದ್ರು.

 ಖುಷಿಪಟ್ಟರು ಶ್ರೀಗಳು

ಖುಷಿಪಟ್ಟರು ಶ್ರೀಗಳು

ಶೀರೂರು ಶ್ರೀಗಳು ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಸದಾ ಮುಂದು. ಸ್ವತಃ ಡ್ರಮ್ಮರ್ ಆಗಿರೋ ಶ್ರೀಗಳು, ಶಿವಮಣಿ ಡ್ರಮ್ಸ್ ಬಾರಿಸುವಾಗ ತಾವೂ ಜೊತೆಯಾದ್ರು. ತಮ್ಮ ಇಷ್ಟದ ಶೈಲಿಯನ್ನು ಶಿವಮಣಿಯವರಿಗೆ ಹೇಳಿ ಬಾರಿಸಿ ಖುಷಿಪಟ್ರು.

 ಸಂಗೀತ ಶಾಲೆಯ ಶಂಕು ಸ್ಥಾಪನೆ

ಸಂಗೀತ ಶಾಲೆಯ ಶಂಕು ಸ್ಥಾಪನೆ

ಇದಕ್ಕೂ ಮುನ್ನ ಶಿವಮಣಿಯವರು ಶೀರೂರು ಮಠದ ವತಿಯಿಂದ ಸ್ಥಾಪನೆಗೊಳ್ಳುವ ಶಾಲೆಯ ಶಿಲಾನ್ಯಾಸದಲ್ಲಿ ಪಾಲ್ಗೊಂಡ್ರು. ಜೊತೆಗೆ ಶಿವಮಣಿ ಇಲ್ಲಿ ಸ್ಥಾಪಿಸಲು ಉದ್ದೇಶಿಸಿರುವ ಸಂಗೀತ ಶಾಲೆಯ ಶಂಕುಸ್ಥಾಪನೆಯೂ ಇವತ್ತು ನೆರವೇರಿತು.

 ಆಕರ್ಷಣೆಯ ಕೇಂದ್ರ ಬಿಂದು ಶಿವಮಣಿ

ಆಕರ್ಷಣೆಯ ಕೇಂದ್ರ ಬಿಂದು ಶಿವಮಣಿ

ಶೀರೂರು ಶ್ರೀಗಳ ಜನ್ಮನಕ್ಷತ್ರದ ಪ್ರಯುಕ್ತ ಇಂದು ಮಠಕ್ಕೆ ಸಾಕಷ್ಟು ಸಂಖ್ಯೆಯಲ್ಲಿ ಭಕ್ತಾದಿಗಳು ಆಗಮಿಸಿದ್ದರು. ಆದರೆ. ಅಲ್ಲಿ ಆಕರ್ಷಣೆಯ ಕೇಂದ್ರ ಬಿಂದುವಾಗಿದ್ದು ಮಾತ್ರ ಶಿವಮಣಿ. ಬೇರೆ ಬೇರೆ ರಾಜ್ಯದ ಡ್ರಮ್ ಶೈಲಿಯನ್ನು ತಮ್ಮ ಕೈಚಳಕದ ಮೂಲಕ ಪ್ರದರ್ಶಿಸಿದ ಶಿವಮಣಿ , ನೆರೆದ ಭಕ್ತಾದಿಗಳ ಮೆಚ್ಚುಗೆಗೆ ಪಾತ್ರರಾದರು.

English summary
Shiroor's birthday is celebrated very specially today. Swamiji's birthday was celebrated by the international drummer Shivamani program.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X