ಉಡುಪಿಯಲ್ಲಿ ಮಾಜಿ ಶಾಸಕಿ ವಿನ್ನಿಫ್ರಡ್ ಫರ್ನಾಂಡಿಸ್ ನಿಧನ

ಉಡುಪಿ, ಏಪ್ರಿಲ್ 28: ಮಾಜಿ ಶಾಸಕಿ ವಿನ್ನಿಫ್ರಡ್ ಫರ್ನಾಂಡಿಸ್ ಇಂದು ನಿಧನ ಹೊಂದಿದ್ದಾರೆ. ಉಡುಪಿ ಜಿಲ್ಲೆಯ ಕುಂದಾಪುರದ ಚರ್ಚ್‌ ರಸ್ತೆಯ ತಮ್ಮ ಸ್ವಗ್ರಹದಲ್ಲಿ ಇಂದು ವಿಧಿವಶರಾದರು.

ಅವರಿಗೆ ತೊಂಬತ್ತೆರಡು ವರ್ಷ ವಯಸ್ಸಾಗಿತ್ತು. ಮೂವರು ಪುತ್ರಿಯರು ಮತ್ತು ಮೂವರು ಪುತ್ರರನ್ನು ಮಾಜಿ ಶಾಸಕಿ ಅಗಲಿದ್ದಾರೆ. ಇವರು ಪ್ರಜಾ ಸೋಶಿಯಲಿಸ್ಟ್ ಪಕ್ಷದ ಮೂಲಕ ರಾಜಕೀಯ ರಂಗ ಪ್ರವೇಶಿಸಿದ್ದರು.

ಬಳಿಕ ಕಾಂಗ್ರೆಸ್ ಪಕ್ಷದಿಂದ ಸ್ವರ್ಧಿಸಿ ಎರಡು ಬಾರಿ ಕುಂದಾಪುರ ಕ್ಷೇತ್ರದ ಶಾಸಕಿ ಆಗಿ ಸೇವೆ ಸಲ್ಲಿಸಿದ ಹೆಗ್ಗಳಿಕೆ ಇವರದ್ದು. ಮಾತ್ರವಲ್ಲ, ವಿಧಾನಪರಿಷತ್ ಸದಸ್ಯೆಯಾಗಿಯೂ ಇವರು ಸೇವೆ ಸಲ್ಲಿಸಿದ್ದಾರೆ. ಕುಂದಾಪುರದಲ್ಲಿ ಮಹಿಳಾ ಪೊಲೀಸ್ ಠಾಣೆ ಆರಂಭಿಸಲು ಕಾರಣರಾದ ವಿನ್ನಿಪ್ರೆಡ್ ಫರ್ನಾಂಡಿಸ್ ಹಲವು ಜನಾನುರಾಗಿ ಕಾರ್ಯ ಮಾಡಿದವರು. ಅವರ ನಿಧನಕ್ಕೆ ಹಲವು ನಾಯಕರು ಸಂತಾಪ ಸೂಚಿಸಿದ್ದಾರೆ.

English summary

Former legislator Winnifred Fernandez died today. at her home in Kundapur, Udupi district.