Click it and Unblock the Notifications
Just In
-
-
-
Don't Miss
-
ಮಾನ್ವಿತಾ ಮದುವೆಯಾಗ್ತಿರೋ ಆ ಅದೃಷ್ಟವಂತ ಇವ್ರೇ; ಟಗರು ಪುಟ್ಟಿ ಲೈಫ್ ಪಾರ್ಟನರ್ ಫುಲ್ ಡೀಟೆಲ್ಸ್ -
IPL 2024: ಆರ್ಸಿಬಿಗೆ ವಿರಾಟ್, ಪಾಟಿದಾರ್ ಆಸರೆ: ಹೈದರಾಬಾದ್ಗೆ ಸವಾಲಿನ ಟಾರ್ಗೆಟ್ -
ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು -
Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು -
Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ -
ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರವಾಸಿಗರನ್ನು ಕೈ ಬೀಸಿ ಕರೆಯುತಿದೆ ಹಾಲ್ನೊರೆಯ ಅರ್ಬಿಫಾಲ್ಸ್
Recommended Video
ಉಡುಪಿ, ಜುಲೈ.04: ಮುಂಗಾರು ಮಳೆ ಧರೆಗೆ ಮುತ್ತಿಡುತ್ತಿದ್ದಂತೆ ಪರಿಸರವೆಲ್ಲ ಹೊಚ್ಚ ಹೊಸ ಕಳೆ ಪಡೆಯುತ್ತಿದೆ. ಸೊರಗಿ ಹೋಗಿದ್ದ ಗಿಡ, ಮರಗಂಟಿಗಳು ಹಚ್ಚ ಹಸಿರಿನಿಂದ ನಳನಳಿಸುತ್ತಿದೆ. ನದಿ-ಕೆರೆಗಳು ಉಕ್ಕಿ ಹರಿಯುತ್ತಿವೆ. ಜಲಪಾತಗಳು ಕವಲೊಡೆದು ಧುಮ್ಮಿಕ್ಕಿ ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತಿವೆ.
ಮಲೆನಾಡಿನ ಹಾಗೆಯೇ ಕರಾವಳಿಯಲ್ಲೂ ಕಿರುಜಲಪಾತಗಳು ಹರಿದು ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತಿವೆ. ಸದ್ಯ ಸೃಷ್ಟಿಯಾಗಿರುವ ಈ ಕಿರು ಜಲಪಾತ ನಿಮಗೆ ಮುದ ನೀಡುವುದಷ್ಟೇ ಅಲ್ಲ, ಮನಸ್ಸನ್ನು ಪ್ರಫುಲ್ಲಗೊಳಿಸುತ್ತದೆ.
ನಿಮಗೂ ಈ ಕಿರು ಜಲಪಾತದ ವೈಭವವನ್ನು ಕಣ್ತುಂಬಿಕೊಳ್ಳಬೇಕು ಎನಿಸಿದರೆ, ಮತ್ತೇಕೆ ತಡ ಈಗಲೇ ಹೊರಟು ಬನ್ನಿ. ಅದಕ್ಕೂ ಮುನ್ನ ಆ ಕಿರುಜಲಪಾತ ಎಲ್ಲಿದೆ? ಹೇಗೆ ಹೊರಡುವುದು ಎಂಬಿತ್ಯಾದಿ ವಿವರಗಳಿಗೆ ಇಲ್ಲೊಮ್ಮೆ ಕಣ್ಣುಹಾಯಿಸಿ...
ಇಡೀ ಮಣಿಪಾಲಕ್ಕೆ ಕಳೆ
ಮುಂಗಾರು ಮಳೆ ಪ್ರವೇಶ ಪಡೆದು, ಸುಮಾರು ದಿನಗಳೇ ಕಳೆದಿದ್ದು, ಕರಾವಳಿಯಲ್ಲಿ ಉತ್ತಮ ಮಳೆ ಆಗುತ್ತಿದೆ. ಉಡುಪಿಯ ಶಿಕ್ಷಣ ನಗರಿ, ವಿದ್ಯಾಕಾಶಿ ಅಂತಲೇ ಗುರುತಿಸಿಕೊಂಡಿರುವ ಮಣಿಪಾಲದಲ್ಲೂ ಒಂದು ಕಿರು ಜಲಪಾತ ಸೃಷ್ಟಿಯಾಗಿದೆ.
ಮೊನ್ನೆ ಮೊನ್ನೆವರೆಗೂ ಮಣಿಪಾಲವೆಂದರೆ ಬರೇ ಬಿಲ್ಡಿಂಗ್, ಕಾಲೇಜು ಮಾತ್ರ ನೆನಪಾಗುತ್ತಿತ್ತು. ಆದರೆ ಈಗಿಲ್ಲಿ ಸೃಷ್ಟಿಯಾಗಿರುವ ಮಿನಿ ಜಲಪಾತ ಮಣಿಪಾಲಕ್ಕೆ ಬೇರೆಯದೇ ಕಳೆ ತಂದುಕೊಟ್ಟಿದೆ.
ಗುಡ್ಡದೊಳಗೆ ಹೋಗಿ
ಮಣಿಪಾಲದಿಂದ ನಾಲ್ಕು ಕಿ.ಮೀ ಅರ್ಬಿಕೋಡಿ ಕಡೆ ಸಾಗಿದರೆ ಕಾಣ ಸಿಗುವುದೇ ಈ ಕಿರುಜಲಪಾತ. ಅದರ ಹೆಸರು ಅರ್ಬಿ ಫಾಲ್ಸ್. ಗುಡ್ಡದ ಮೇಲೆ ನಿಂತು ನೋಡಿದರೆ ಹಚ್ಚಹಸಿರಿನಿಂದ ಕೂಡಿರೋ ಗುಡ್ಡೆಯಂತೆ ಕಾಣುತ್ತದೆ.
ಇದೀಗ ಅರ್ಬಿಫಾಲ್ಸ್ ಮಣಿಪಾಲ ಕಾಲೇಜಿನ ವಿದ್ಯಾರ್ಥಿಗಳಿಗೆ ಹಾಟ್ ಫೇವರಿಟ್ ತಾಣವಾಗಿದೆ. ವೀಕೆಂಡ್ ಗಳಲ್ಲಂತೂ ಈ ಫಾಲ್ಸ್ ಪ್ರವಾಸಿಗರಿಂದ ತುಂಬಿ ತುಳುಕುತ್ತದೆ. ಅಷ್ಟೇ ಅಲ್ಲ, ಪ್ರವಾಸಿಗರು ಇಲ್ಲಿಗೆ ಬಂದು ನಿರ್ಭಿಡೆಯಿಂದ ಸಮಯ ಕಳೆಯುವುದು ಸಾಮಾನ್ಯವಾಗಿದೆ.
ಊರಿನಿಂದ ಬಂತು ಈ ಹೆಸರು
ಅರ್ಬಿಕೋಡಿ ಎನ್ನುವ ಊರಿನ ಬಳಿ ಈ ಕಿರುಜಲಪಾತ ಇರುವುದರಿಂದ ಕಿರುಜಲಪಾತಕ್ಕೆ ಅದೇ ಹೆಸರಿಡಲಾಗಿದೆ. ಮಳೆಗಾಲ ಆರಂಭವಾಗುತ್ತಿದ್ದಂತೆ ಈ ಕಿರುಜಲಪಾತ ಉಕ್ಕಿ ಹರಿಯತೊಡಗುತ್ತದೆ.
ಹಾಲ್ನೊರೆಯಂತೆ ಉಕ್ಕಿ ಬರೋ ಜಲಪಾತ ನೋಡಲು ಹಿರಿಯರು, ಕಿರಿಯರೆನ್ನದೇ ತಮ್ಮ ಕುಟುಂಬ ಪರಿವಾರ ಸಮೇತ ಬಂದು ಸಮಯ ಕಳೆಯುತ್ತಾರೆ. ಮಕ್ಕಳು ನೀರಲ್ಲಿ ಆಟವಾಡಿ ಖುಷಿ ಪಡುವ ಆ ಸೊಗಸೇ ಬೇರೆ.
ಅಪಾಯಕಾರಿಯಲ್ಲದ ಸ್ಥಳ
ನಿಜ ಹೇಳಬೇಕೆಂದರೆ ಈ ಜಲಪಾತ ಅಷ್ಟೇನೂ ಅಪಾಯಕಾರಿ ಅಲ್ಲ. ಇಲ್ಲಿರೋ ಬಂಡೆಕಲ್ಲುಗಳು ಅಷ್ಟು ಸುಲಭಕ್ಕೆ ಜಾರುವುದಿಲ್ಲ. ಗುಡ್ಡೆಯ ತುದಿಯಿಂದ ಇಳಿಮುಖವಾಗಿ ಹರಿದುಬರುವ ನೀರು ಬಂಡೆಕಲ್ಲಿಗೆ ಬಡಿದು ಚಿತ್ತಾರವಾಗಿ ಮೂಡಿ ಬರುತ್ತದೆ.
ಇಳಿಮುಖವಾಗಿದ್ದರೂ ನೀರಿನ ರಭಸವನ್ನು ಬಂಡೆಕಲ್ಲುಗಳು ತಡೆಯುತ್ತವೆ. ಅಲ್ಲದೇ ಜಲಪಾತದ ಕೆಳಭಾಗದಲ್ಲಿ ಹೆಚ್ಚೇನೂ ಆಳವಿಲ್ಲ. ಮಕ್ಕಳನ್ನು ಸಹ ಆರಾಮಾಗಿ ನೀರಿನಲ್ಲಿ ಆಟವಾಡಲು ಬಿಡಬಹುದು.
