ಉಡುಪಿ: 1 ರುಪಾಯಿಗಾಗಿ ಟೋಲ್ ಗೇಟ್ ನಲ್ಲಿ ಯುವಕರ ಗಲಾಟೆ ವಿಡಿಯೋ ವೈರಲ್
ಉಡುಪಿ, ಜುಲೈ 6: ಉಡುಪಿ ಜಿಲ್ಲೆಯ ಬ್ರಹ್ಮಾವರ ಸಮೀಪದ ಸಾಸ್ತಾನ ಟೋಲ್ ಗೇಟ್ ನಲ್ಲಿ ಒಂದು ರುಪಾಯಿಗಾಗಿ ಯುವಕರು ಸಾಮಾಜಿಕ ಅಂತರ ಮರೆತು ಗಲಾಟೆ ಮಾಡಿದ ವಿಡಿಯೋ ಇದೀಗ ವೈರಲ್ ಆಗಿದೆ.
Recommended Video
5 ರುಪಾಯಿ ಚಿಲ್ಲರೆ ಬದಲಿಗೆ 4 ರುಪಾಯಿ ನೀಡಿದ್ದ ಟೋಲ್ ಸಿಬ್ಬಂದಿಯ ವಿರುದ್ಧ ಕಿಡಿಗೇಡಿ ಯುವಕರು ಏರಿ ಹೋಗಿದ್ದಾರೆ. ಒಂದು ರುಪಾಯಿ ನೀಡಿಲ್ಲ ಎನ್ನುವ ಕಾರಣಕ್ಕೆ ಪ್ರಾರಂಭವಾದ ಗಲಾಟೆಯು ಘರ್ಷಣೆಯ ರೂಪ ಪಡೆದುಕೊಂಡಿದೆ.
ಉಡುಪಿಯಲ್ಲಿ ಮಳೆಯಿಂದ ತಗ್ಗು ಪ್ರದೇಶಗಳು ಜಲಾವೃತ; ಆರೆಂಜ್ ಅಲರ್ಟ್ ಘೋಷಣೆ
ಮಹಾಮಾರಿ ಕೊರೊನಾ ವೈರಸ್ ಸೋಂಕಿನ ಸಮಯದಲ್ಲೂ ಯುವಕರ ಮುಖದಲ್ಲಿ ಮಾಸ್ಕ್ ಕೂಡ ಇಲ್ಲ, ಸಾಮಾಜಿಕ ಅಂತರವೂ ಇಲ್ಲ. ಕೊನೆಗೆ ಈ ಒಂದು ರುಪಾಯಿ ಗಲಾಟೆ ತಳ್ಳಾಟ, ಹೊಡೆದಾಟದ ತನಕವೂ ತಲುಪಿದೆ.
ಟೋಲ್ ಸಿಬ್ಬಂದಿ ಮತ್ತು ಯುವಕರ ತಂಡ ಅಕ್ಷರಶಃ ಗುಂಪುಗೂಡಿ ಘರ್ಷಣೆಗಿಳಿದಿದೆ. ಟೋಲ್ ಗೇಟ್ ನಲ್ಲಿ ಪೊಲೀಸ್ ಸಿಬ್ಬಂದಿಯೂ ಇರಲಿಲ್ಲ. ಸದ್ಯ ಈ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಪ್ರಜ್ಞಾವಂತರ ಜಿಲ್ಲೆಯಲ್ಲಿ ನಡೆದಿರುವ ಈ ಗಲಾಟೆ ಸಾಕಷ್ಟು ಆಕ್ರೋಶಕ್ಕೆ ಕಾರಣವಾಗುತ್ತಿದೆ.