ಕೋಳಾಲ: ಬೇಕರಿಗೆ ನುಗ್ಗಿದ ಖಾಸಗಿ ಬಸ್, 2 ಸಾವು
ಕೋಲಾಳದಲ್ಲಿ ಬೇಕರಿಗೆ ಬಸ್ ನುಗ್ಗಿ ಎರಡು ಸಾವು. ಬ್ರೇಕ್ ವಿಫಲವಾಗಿದ್ದರಿಂದ ಅಪಘಾತ.
ಕೊರಟಗೆರೆ (ತುಮಕೂರು), ಜುಲೈ 31: ಕೊರಟಗೆರೆ ತಾಲೂಕಿನ ಕೋಳಾಲದಲ್ಲಿನ ರಸ್ತೆ ಬದಿಯ ಬೇಕರಿಗೆ ಖಾಸಗಿ ಬಸ್ಸೊಂದು ಹಠಾತ್ತಾಗಿ ನುಗ್ಗಿದ ಪರಿಣಾಮ ಬಸ್ ನಲ್ಲಿದ್ದ ಲಕ್ಷ್ಮಮ್ಮ (50) ಹಾಗೂ ಬೇಕರಿ ಮಾಲೀಕ ಕುಮಾರ್ ಎಂಬುವರು ಸಾವಿಗೀಡಾಗಿದ್ದಾರೆ.
ಬಸ್ ನ ಬ್ರೇಕ್ ವಿಫಲವಾಗಿದ್ದರಿಂದಾಗಿ, ಬಸ್ ಬನಶಂಕರಿ ಬೇಕರಿಯೊಳಕ್ಕೆ ನುಗ್ಗಿತು ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ. ಈ ಬಸ್ ಕೋಳಾಲದಿಂದ ಬೆಂಗಳೂರಿಗೆ ಹೊರಟಿತ್ತೆಂದು ಹೇಳಲಾಗಿದೆ.
ಅಪಘಾತದ ವೇಳೆ, ಲಕ್ಷ್ಮಮ್ಮ ಅವರು ಸ್ಥಳದಲ್ಲೇ ಅಸುನೀಗಿದರೆ, ತೀವ್ರವಾಗಿ ಗಾಯಗೊಂಡಿದ್ದ ಕುಮಾರ್, ಆಸ್ಪತ್ರೆಗೆ ಸಾಗಿಸುವ ಮಧ್ಯೆ ಕೊನೆಯುಸಿರೆಳೆದಿದ್ದಾರೆ. ಕೋಳಾಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Comments
English summary
Private bus ramps into a Bekery in Kolala of Koratagere Taluk (Tumkur) deading two deaths. Lakshmamma (50) who was in the Bus and owner of the Bakery are the victims.