ತುಮಕೂರು: ಟ್ರಾಫಿಕ್ ಪೊಲೀಸ್ ಯುವಕರ ನಡುವೆ ಮಾರಾಮಾರಿ

ತುಮಕೂರು, ನವೆಂಬರ್ 22 : ಸಂಚಾರಿ ಪೊಲೀಸ್ ಮತ್ತು ಯುವಕ ಒಬ್ಬರಿಗೊಬ್ಬರು ಶರ್ಟ್ ಕಾಲರ್ ಹಿಡಿದು ಕಿತ್ತಾಡಿಕೊಂಡಿರುವ ಘಟನೆ ಬುಧವಾರ ತುಮಕೂರಿನಲ್ಲಿ ನಡೆದಿದೆ.

ರಿಯಾಜ್ ಪಾಷಾ ಹಾಗೂ ಮಹಮದ್ ಯೂಸೂಪ್ ಎಂಬ ಯುವಕರು ಹೆಲ್ಮೆಟ್ ಧರಿಸದೇ ಬೈಕ್ ಒಡಿಸುತಿದ್ದಕ್ಕೆ ಸಂಚಾರಿ ಪೂರ್ವ ಠಾಣೆಯ ಎಎಸ್ ಐ ಬಸವರಾಜು ತುಮಕೂರು ವಿಶ್ವವಿದ್ಯಾಲಯ ಬಳಿ ತಡೆದಿದ್ದಾರೆ. ಈ ವೇಳೆ ಪೊಲೀಸ್ ಹಾಗೂ ಯುವಕರ ನಡವೆ ಮಾತಿನ ಚಕಮಕಿ ನಡೆದಿದೆ.

ಯುವಕರು ದಾಖಲೆ ನೀಡದಿದ್ದಾಗ ಪೊಲೀಸರು ಅವಾಚ್ಯ ಶಬ್ದಗಳಿಂದ ಬೈದಿದಾರೆ. ಹಾಗಾಗಿ ಯುವಕರು ಮತ್ತು ಪೊಲೀಸರ ನಡುವೆ ಮಾತಿನ ಚಕಮಕಿ ನಡೆದು ಬಳಿಕ ಹೊಡೆದಾಡಿಕೊಡಿದ್ದಾರೆ ಎನ್ನಲಾಗಿದೆ.

ಈ ಘಟನೆಯಲ್ಲಿ ಯುವಕರಿಗೆ ಹಾಗೂ ಪೊಲೀಸರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಇಬ್ಬರು ಯುವಕರನ್ನು ಹೊಸಬಡಾವಣೆ ಠಾಣಾ ಪೊಲೀಸರು ಬಂಧಿಸಿದ್ದಾರೆ.

English summary

A heated argument broke out between a traffic cop and a youth in Tumakuru. The youth is seen assaulting the cop and is seen holding the collar of the inspector here. The incident happened near Tumakuru University November 22.