Click it and Unblock the Notifications
Just In
-
-
-
Don't Miss
-
ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು! -
Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV -
ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ -
Neha Murder Case: ನೇಹಾ ಹತ್ಯೆ ಅಪರಾಧಿಗೆ ಅತ್ಯುಗ್ರ ಶಿಕ್ಷೆ ನೀಡಬೇಕು ಎಂದು ಸಿನಿಮಾ ತಾರೆಯರ ಆಗ್ರಹ -
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತುಮಕೂರು ನಗರದ ರಸ್ತೆಗಳನ್ನು ಏಕೆ ಅಗೆದಿದ್ದಾರೋ? ಬಲ್ಲವರು ತಿಳಿಸಿ
ತುಮಕೂರು, ಜನವರಿ 31: ನಗರ ವ್ಯಾಪ್ತಿಯಲ್ಲಿ ಒಟ್ಟಿಗೆ ಅದೆಂಥ ಕಾಮಗಾರಿ ನಡೆಯುತ್ತಿದೆ ಎಂಬುದೇ ಅರ್ಥವಾಗದೆ ಜನರು ಕಷ್ಟ ಪಡುವಂತಾಗಿದೆ. ಒಂದು ಬಡಾವಣೆಯಲ್ಲಿ ಒಂದೊಂದಾಗಿ ರಸ್ತೆ ಕಾಮಗಾರಿ ಪೂರ್ಣಗೊಳಿಸುತ್ತಾ ಬರುವುದು ಒಂದು ಬಗೆ ಅಥವಾ ಕೆಲಸ ಮಾಡುವ ವಿಧಾನ ಅದೇ ತಾನೆ? ಆದರೆ ಎಲ್ಲ ರಸ್ತೆಗಳನ್ನು ಏಕಾಏಕಿ ಅಗೆದಿಟ್ಟರೆ ಪರಿಸ್ಥಿತಿ ಏನಾಗಬೇಕು?
ಸೋಮೇಶ್ವರ ಪುರಂ (ಎಸ್.ಎಸ್.ಪುರಂ), ಎಸ್ ಐಟಿ, ಜಯನಗರ ಹೀಗೆ ನಾನಾ ಬಡಾವಣೆಗಳಲ್ಲಿ ಅಗೆಯಲಾಗಿದ್ದು, ಏಕೆ ಎಂಬ ಪ್ರಶ್ನೆ ಮಾಡಿದರೆ, ಸಿಲಿಂಡರ್ ಸಂಪರ್ಕ ತೆಗೆದು, ನೇರವಾಗಿ ಮನೆಗೆ ಅಡುಗೆ ಅನಿಲ ಪೂರೈಸಲು ಎಂಬ ಉತ್ತರ ನೀಡುತ್ತಾರೆ. ಆದರೆ ಹಲವು ಕಡೆ ಆ ಕಾಮಗಾರಿ ಕೂಡ ಪೂರ್ತಿಗೊಂಡಿದೆ. ಮತ್ತಿನ್ಯಾವ ಕಾರಣಕ್ಕೆ ಎಂಬುದಕ್ಕೆ ಉತ್ತರವೇ ಸಿಗುವುದಿಲ್ಲ.
ಕಾರುಗಳಿರಲಿ, ಮನೆಯಿಂದ ದ್ವಿಚಕ್ರ ವಾಹನ ತೆಗೆಯುವುದಕ್ಕೂ ಸಮಸ್ಯೆಯಾಗಿದೆ. ಇನ್ನು ಆಗ ತಾನೇ ನೀರಿನಿಂದ ತೊಳೆದು, ಸ್ವಚ್ಛ ಮಾಡಿ ನಿಲ್ಲಿಸಿದರೆ ಒಂದು ಗಂಟೆಯೊಳಗೆ ಪೂರ್ತಿಯಾಗಿ ಧೂಳು ತುಂಬಿಕೊಂಡಿರುತ್ತದೆ. ಪಾಲಿಕೆಗಾದರೂ ಈ ಸಮಸ್ಯೆ ಬಗ್ಗೆ ಮಾಹಿತಿ ಇದೆಯೋ ಇಲ್ಲವೋ ತಿಳಿದಿಲ್ಲ. ಆದರೆ ತುಮಕೂರು ನಗರ ವ್ಯಾಪ್ತಿಯಲ್ಲಿ ಜನರು ತೊಂದರೆ ಅನುಭವಿಸುತ್ತಿರುವುದು ಸುಳ್ಳಲ್ಲ.
ಇನ್ನು ರಾತ್ರಿ ವೇಲೆ ವಿದ್ಯುತ್ ಕಡಿತ ಆಗಿಬಿಟ್ಟರಂತೂ ಮತ್ತೂ ಸಮಸ್ಯೆ. ಎಲ್ಲಿ ಹಳ್ಳ-ಕೊಳ್ಳ ಇದೆ ಎಂಬುದೇ ತಿಳಿಯುವುದಿಲ್ಲ. ಕಾರು-ಬೈಕ್ ಗಳಲ್ಲಿ ಬರುವಾಗ ಜೀವ ಕೈಲಿ ಹಿಡಿದು ಬರಬೇಕು. ಶೀಘ್ರವಾಗಿ ಕಾಮಗಾರಿಗಳನ್ನು ಪೂರ್ಣಗೊಳಿಸಿ, ರಸ್ತೆಯಲ್ಲಿ ಅಗೆದ ಗುಂಡಿಗಳನ್ನು ಮುಚ್ಚುವುದು ಉತ್ತಮ. ಏನೋ ಅನಾಹುತ ಆದ ನಂತರ ಇಲ್ಲದ ಸಬೂಬು ಹೇಳಿದರೆ ಪ್ರಯೋಜನ ಇಲ್ಲ.
