• search
  • Live TV
ತುಮಕೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಅಂದು ಸಂಸದರ ಅವಮಾನಿಸಿದ ಜನರೇ ಇಂದು ಹಾರ ಹಾಕಿ ಸ್ವಾಗತಿಸಿದರು

|
      ಅಂದು ಅವಮಾನಿಸಿದ ಜನರೇ ಇಂದು ಹಾರ ಹಾಕಿ ಸ್ವಾಗತಿಸಿದರು | A Narayana Swamy

      ಪಾವಗಡ, ಸೆಪ್ಟೆಂಬರ್ 23: ಕೆಲವೇ ದಿನಗಳ ಹಿಂದೆ ಬಿಜೆಪಿ ಸಂಸದ ಎ.ನಾರಾಯಣಸ್ವಾಮಿ ಅವರು ತಮ್ಮ ಹಟ್ಟಿ ಪ್ರವೇಶಿಸಬಾರದೆಂದು ಅಡ್ಡಗಟ್ಟಿದ್ದ ಗೊಲ್ಲರಹಟ್ಟಿಯ ಜನ ಇಂದು ಅದೇ ಸಂಸದರನ್ನು ಹಾರ ಹಾಕಿ ಅದ್ಧೂರಿಯಾಗಿ ಸ್ವಾಗತ ಮಾಡಿದ್ದಾರೆ.

      ಕಳೆದ ಸೋಮವಾರ (ಸೆಪ್ಟೆಂಬರ್ 16) ರಂದು ಸಂಸದ ಎ.ನಾರಾಯಣಸ್ವಾಮಿ ಅವರು ತುಮಕೂರು ಜಿಲ್ಲೆ ಪಾವಗಡ ತಾಲ್ಲೂಕಿನ ಪೆಮ್ಮನಹಳ್ಳಿ ಗೊಲ್ಲರ ಹಟ್ಟಿಗೆ ತೆರಳಿದ್ದರು. ಆದರೆ ಅವರನ್ನು ಹಟ್ಟಿಯ ಬಾಗಿಲಲ್ಲೇ ತಡೆದ ಜನ, ನಾರಾಯಣಸ್ವಾಮಿ ದಲಿತರಾಗಿದ್ದು ಅವರು ಊರ ಒಳಕ್ಕೆ ಬರಬಾರದು ಎಂದು ತಡೆದಿದ್ದರು. ಈ ಪ್ರಕರಣ ರಾಜ್ಯದ ಗಮನ ಸೆಳೆದಿತ್ತು.

      ಗೊಲ್ಲರಹಟ್ಟಿಯೊಳಗೆ ಬರದಂತೆ ದಲಿತ ಸಂಸದನ ತಡೆದ ಗ್ರಾಮಸ್ಥರು

      ಆದರೆ ಇಂದು ಅದೇ ಗೊಲ್ಲರಹಟ್ಟಿಯ ಜನ ಅದೇ ದಲಿತ ಸಂಸದ ನಾರಾಯಣಸ್ವಾಮಿ ಅವರನ್ನು ಹಾರ ಹಾಕಿ, ಪೂರ್ಣ ಕುಂಭ ಸ್ವಾಗತವನ್ನು ನೀಡಿ ಹಟ್ಟಿಯ ಒಳಕ್ಕೆ ಕರೆತಂದಿದ್ದಾರೆ.

      ಭಾರಿ ಫ್ಲೆಕ್ಸ್‌, ಬ್ಯಾನರ್‌ಗಳನ್ನು ಹಾಕಿ, ರಸ್ತೆಗೆ ರಂಗೋಲಿ ಬಿಡಿಸಿ, ರಸ್ತೆಗೆ ಹೂವಿನ ತೋರಣಗಳನ್ನು ಕಟ್ಟಿ ಸಂಸದ ಎ.ನಾರಾಯಣಸ್ವಾಮಿ ಅವರನ್ನು ಗೊಲ್ಲರ ಹಟ್ಟಿಯ ಜನ ಇಂದು ಸ್ವಾಗತಿಸಿದ್ದಾರೆ.

      ದಲಿತ ಸಂಸದನ ತಡೆದ ಗ್ರಾಮಸ್ಥರು; ಕ್ಷಮೆ ಕೋರಿದ ಶಾಸಕಿ ಪೂರ್ಣಿಮಾ ಶ್ರೀನಿವಾಸ್

      ಸಂಸದ ನಾರಾಯಣಸ್ವಾಮಿ ಅವರು ಇನ್ನೂ ಕೆಲವು ಸ್ವಾಮೀಜಿಗಳ ಜೊತೆ ಇಂದು ಬೆಳಿಗ್ಗೆ ಗೊಲ್ಲರಹಟ್ಟಿಗೆ ಬಂದರು. ಈ ಸಮಯದಲ್ಲಿ ಅವರ ಮೇಲೆ ಹೂಗಳನ್ನು ಚೆಲ್ಲಿ, ಜಯಘೋಷಣೆಗಳನ್ನು ಕೂಗುವ ಮೂಲಕ ಅವರನ್ನು ಸ್ವಾಗತಿಸಲಾಯಿತು.

      ಯುವತಿ ವಿಚಾರಕ್ಕೆ ದಲಿತ ಯುವಕನಿಗೆ ಬೆಂಕಿ ಹೊತ್ತಿಸಿ ಹತ್ಯೆ

      ಕಳೆದ ಸೋಮವಾರ ಸಂಸದರನ್ನು ಹಟ್ಟಿಗೆ ಪ್ರವೇಶಿಸದಂತೆ ತಡೆದ ಘಟನೆ ಭಾರಿ ಆಕ್ರೋಶಕ್ಕೆ ಗುರಿಯಾಗಿತ್ತು, ಘಟನೆ ನಡೆದ ನಂತರ ಹಟ್ಟಿ ಜನರಿಗೆ ಬುದ್ಧಿವಾದ ಹೇಳುವ ಕಾರ್ಯ ಮಾಡಲಾಗಿತ್ತು. ಅದರ ಪರಿಣಾಮವಾಗಿಯೇ ಇಂದು ಸಂಸದ ನಾರಾಯಣಸ್ವಾಮಿ ಅವರಿಗೆ ಅದ್ಧೂರಿ ಸ್ವಾಗತ ನೀಡಲಾಗಿದೆ.

      ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

      English summary
      MP A Narayan Swamy welcomed by Gollara Hatti people in Pavgada today. Last Monday Gollara Hatti people denied entry of MP Narayana Swamy to their place by saying MP Narayan Swamy is a Dalit.
      ತಾಜಾ ಸುದ್ದಿ ತಕ್ಷಣ ಪಡೆಯಿರಿ
      Enable
      x
      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more