ಕೇರಳದ ಮುತುಂಗಾದಲ್ಲಿ ಬೆನ್ನಟ್ಟಿ ಬಂದ ಹುಲಿಯ ವಿಡಿಯೋ ವೈರಲ್
ಕೇರಳ ರಾಜ್ಯದ ವಯನಾಡಿನಲ್ಲಿ ಇರುವ ಮುತುಂಗಾ ವನ್ಯಜೀವಿ ಧಾಮದಲ್ಲಿ ಬೈಕ್ ನಲ್ಲಿ ತೆರಳುವ ವೇಳೆ ವಿಡಿಯೋವೊಂದು ಸೆರೆ ಹಿಡಿದಿದ್ದು, ಅದೀಗ ಭಾರೀ ವೈರಲ್ ಆಗಿದೆ. ಅದಕ್ಕೆ ಕಾರಣ ಏನು ಗೊತ್ತೆ? ಆ ವಿಡಿಯೋದಲ್ಲಿ ಭಯ ಹುಟ್ಟಿಸುವಂಥ ದೃಶ್ಯ ಸೆರೆಯಾಗಿದೆ. ಅಂದ ಹಾಗೆ ಆ ವಿಡಿಯೋದಲ್ಲಿ ಏನಿದೆ ಗೊತ್ತೆ?
ವನ್ಯಜೀವಿ ಧಾಮದಲ್ಲಿ ಇಬ್ಬರು ಬೈಕ್ ನಲ್ಲಿ ತೆರಳುವಾಗ ತಮ್ಮನ್ನು ಹುಲಿಯೊಂದು ಬೆನ್ನಟ್ಟಿ ಬರುತ್ತಿದೆ ಎಂಬುದನ್ನು ಒಬ್ಬಾತ ಗುರುತಿಸಿದ್ದಾರೆ. ಆ ಹುಲಿ ಕಾಡಿನೊಳಗೆ ಕಣ್ಮರೆಯಾಗುವ ಕೆಲವೇ ಕ್ಷಣಗಳ ಮುನ್ನ ಬೈಕ್ ಅನ್ನು ಬೆನ್ನಟ್ಟಿದೆ. ಅದರ ವಿಡಿಯೋ ಮಾಡಲಾಗಿದ್ದು, ಅರಣ್ಯ್ ಹಾಗೂ ವನ್ಯಜೀವಿ ಸಂರಕ್ಷಣಾ ಸೊಸೈಟಿಯಿಂದ ಈ ವಿಡಿಯೋ ಅನ್ನು ಫೇಸ್ ಬುಕ್ ನಲ್ಲಿ ಹಂಚಿಕೊಳ್ಳಲಾಗಿದೆ.
Tiger chasing Bikers at wayanad, kerela, India. The bikers miraculously escaped. pic.twitter.com/qWdzSO62SW
— Bhaskar Gogoi (@gogoibhaskar82) 29 June 2019
ಬಹಳ ಮಂದಿಗೆ ಈ ವಿಡಿಯೋದ ಹಿನ್ನೆಲೆ ಗೊತ್ತಿಲ್ಲ. ಆದರೆ ಮಾಧ್ಯಮವೊಂದರ ಜತೆಗೆ ಸೊಸೈಟಿಯವರು ಮಾತನಾಡಿದ್ದಾರೆ. ಅವರು ಹೇಳುವ ಪ್ರಕಾರ, ಬೈಕ್ ನಲ್ಲಿ ತೆರಳುತ್ತಿದ್ದವರು ಅರಣ್ಯ ಇಲಾಖೆ ಅಧಿಕಾರಿಗಳು. ಹುಲಿ ಕಾಣಿಸಿಕೊಂಡಿದೆ ಎಂಬ ಮಾಹಿತಿ ಸಿಕ್ಕಿದ್ದರಿಂದ ಆ ಪ್ರದೇಶದಲ್ಲಿ ಪಹರೆಗಾಗಿ ತೆರಳಿದ್ದರು ಎನ್ನಲಾಗಿದೆ.
ಇತರ ಸಾಮಾಜಿಕ ಮಾಧ್ಯಮಗಳಲ್ಲೂ ಹುಲಿ ಬೆನ್ನಟ್ಟಿ ಬರುವ ವಿಡಿಯೋ ವೈರಲ್ ಆಗಿದೆ. ಕೆಲವರು ತಮ್ಮ ಆತಂಕ ವ್ಯಕ್ತಪಡಿಸಿದ್ದರೆ, ಮತ್ತೂ ಕೆಲವರು ತಮಾಷೆಯ ಕಾಮೆಂಟ್ ಹಾಕಿದ್ದಾರೆ.