Breaking: ನೇಣು ಬಿಗಿದುಕೊಂಡು ಮಲಯಾಳಂ ನಟ ಆತ್ಮಹತ್ಯೆ
ತಿರುವನಂತಪುರಂ, ಜೂನ್ 27: ಮಲಯಾಳಂ ಚಲನಚಿತ್ರ ರಂಗದ ಜನಪ್ರಿಯ ನಟ ಎನ್. ಡಿ ಪ್ರಸಾದ್ ಮೃತಪಟ್ಟಿದ್ದಾರೆ. ನಟ ಪ್ರಸಾದ್ ತಮ್ಮ ಮನೆಯಲ್ಲಿ ನೇಣುಬಿಗಿದ ಸ್ಥಿತಿಯಲ್ಲಿ ಕಂಡು ಬಂದಿದ್ದಾರೆ. ಪ್ರಸಾದ್ ಶವ ಕಂಡ ಅವರ ಮಕ್ಕಳು ನೆರೆಮನೆಯವರಿಗೆ ವಿಷಯ ತಿಳಿಸಿದ್ದಾರೆ.
ಇಬ್ಬರು ಮಕ್ಕಳು ಹಾಗೂ ಪತ್ನಿಯನ್ನು ಅಗಲಿರುವ ಪ್ರಸಾದ್ ಅವರ ಆತ್ಮಹತ್ಯೆಗೆ ನಿಖರ ಕಾರಣ ತಿಳಿದು ಬಂದಿಲ್ಲ. ಘಟನೆ ಬಗ್ಗೆ ತಿಳಿದ ಕೂಡಲೇ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಮಹಜರು ನಡೆಸಿ, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ನೆರೆಮನೆಯವರ ಹೇಳಿಕೆ ಪಡೆದುಕೊಂಡಿದ್ದು, ಪ್ರಾಥಮಿಕ ತನಿಖೆಯಂತೆ ಅಸಹಜ ಸಾವು ಪ್ರಕರಣ ದಾಖಲಿಸಿಕೊಂಡು, ತನಿಖೆ ಕೈಗೊಂಡಿದ್ದಾರೆ. ಜೂನ್ 25ರಂದು ಎನ್ ಡಿ ಪ್ರಸಾದ್ ಮೃತಪಟ್ಟಿದ್ದು, ಘಟನೆ ಬಗ್ಗೆ ವಿವರಗಳು ತಡವಾಗಿ ಬೆಳಕಿಗೆ ಬಂದಿದೆ.
43 ವರ್ಷ ವಯಸ್ಸಿನ ಪ್ರಸಾದ್ ಜೂನ್ 25 ರಂದು ಕೊಚ್ಚಿ ಬಳಿಯ ಕಲಮಚ್ಚೇರಿಯಲ್ಲಿರುವ ತಮ್ಮ ಮನೆಯ ಹೊರಗಿನ ಮರಕ್ಕೆ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು. ಎನ್ಡಿ ಪ್ರಸಾದ್ ಅನೇಕ ಮಲಯಾಳಂ ಚಿತ್ರಗಳಲ್ಲಿ ನಟಿಸಿದ್ದರೂ ಆಕ್ಷನ್ ಹೀರೋ ಬಿಜು ಚಿತ್ರದಲ್ಲಿನ ಅವರ ಅಭಿನಯವು ಜನಪ್ರಿಯತೆ ತಂದುಕೊಟ್ಟಿತ್ತು.
ನ್ಯೂ ಇಂಡಿಯನ್ ಎಕ್ಸ್ಪ್ರೆಸ್ನ ವರದಿಯ ಪ್ರಕಾರ, ಕೌಟುಂಬಿಕ ಸಮಸ್ಯೆಗಳು ಪ್ರಸಾದ್ ಅವರನ್ನು ಕಾಡುತ್ತಿದ್ದು, ಇದೇ ಕಾರಣಕ್ಕೆ ಆತ್ಮಹತ್ಯೆ ಮಾಡಿಕೊಂಡಿರಬಹುದು. "ಕೆಲ ತಿಂಗಳಿಂದ ಪತ್ನಿಯೂ ದೂರ ಉಳಿದಿದ್ದರು ಹೀಗಾಗಿ, ಮಾನಸಿಕವಾಗಿ ಕುಗ್ಗಿ ಹೋಗಿದ್ದರು ಎಂದು ತಿಳಿದು ಬಂದಿದೆ'' ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
2021ರಲ್ಲಿ
ಬಂಧನಕ್ಕೊಳಗಾಗಿದ್ದ
ಪ್ರಸಾದ್:
ಈ
ಹಿಂದೆ
ಪ್ರಸಾದ್
ಮಾದಕ
ದ್ರವ್ಯ
ಸೇವನೆ
ಆರೋಪ
ಹೊತ್ತಿದ್ದರು.
2021ರಲ್ಲಿ
ಸಿಂಥೆಟಿಕ್
ಡ್ರಗ್ಸ್
(2.5
ಗ್ರಾಂ
ಹ್ಯಾಶಿಶ್
ಆಯಿಲ್
ಮತ್ತು
15
ಗ್ರಾಂ
ಗಾಂಜಾ)
ಹೊಂದಿದ್ದ
ಕಾರಣಕ್ಕೆ
ಅಬಕಾರಿ
ಇಲಾಖೆ
ಅಧಿಕಾರಿಗಳು
ಪ್ರಸಾದ್
ಅವರನ್ನು
ಬಂಧಿಸಿತ್ತು.
ಜತೆಗೆ
ಶಸ್ತ್ರಾಸ್ತ್ರಗಳನ್ನು
ವಶಪಡಿಸಿಕೊಳ್ಳಲಾಗಿತ್ತು.
ಎನ್ಡಿ ಪ್ರಸಾದ್ ಅವರ ಪಾರ್ಥಿವ ಶರೀರವನ್ನು ಜೂನ್ 26 ರಂದು ವೈದ್ಯರು ಶವಪರೀಕ್ಷೆ ನಡೆಸಿದ ನಂತರ ಅವರ ಕುಟುಂಬ ಸದಸ್ಯರಿಗೆ ಹಸ್ತಾಂತರಿಸಲಾಗಿದೆ. ಎನ್ಡಿ ಪ್ರಸಾದ್ ಅವರು ಇಬಾ ಮತ್ತು ಕರ್ಮಣಿಯಂತಹ ಚಿತ್ರಗಳಲ್ಲಿ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ನಿವಿನ್ ಪೌಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಆಕ್ಷನ್ ಹೀರೋ ಬಿಜು ಚಿತ್ರದಲ್ಲಿ ನೆಗಟಿವ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.