• search
  • Live TV
ತಿರುವನಂತಪುರಂ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಕೇರಳದ ಈ ಊರಿನ ಆ ಫ್ಲಾಟಿನ ನಲ್ಲಿಯಲ್ಲಿ ನೊರೆ ನೊರೆ ಮದ್ಯ!

|

ತ್ರಿಶೂರ್, ಫೆಬ್ರವರಿ 05: ಕೇರಳದಲ್ಲಿ ಮದ್ಯಪಾನ ನಿಷೇಧ, ವಾರಾಂತ್ಯದಲ್ಲಿ ಮದ್ಯಪೂರೈಕೆ, ಸ್ಟಾರ್ ಹೋಟೆಲ್, ಬಾರ್ ನಲ್ಲಿ ನಿರ್ಬಂಧಿತ ಮದ್ಯಪಾನ ಹೀಗೆ ವಿವಿಧ ನೀತಿ, ನಿಯಮಗಳ ನಡುವೆ ಒಂದೂರಿನ ಒಂದು ಫ್ಲಾಟಿನಲ್ಲಿ ಮನೆ ಮನೆಗೂ ನಲ್ಲಿಯಲ್ಲಿ ಮದ್ಯ ಪೂರೈಕೆಯಾಗಿರುವ ಘಟನೆ ನಡೆದಿದೆ.

ತ್ರಿಶೂರ್ ಜಿಲ್ಲೆಯ ಸೋಲೊಮನ್ ಅವಿನ್ಯೂ ಫ್ಲಾಟಿನ ಮನೆಗಳು ಪಬ್ ಗಳಾಗಿ ಪರಿವರ್ತನೆಗೊಂಡಿವೆ. ಮನೆಯ ನಲ್ಲಿ ಗಳಲ್ಲಿ ಬಂದ ಬುರ್ ಬುರ್ ನೊರೆಯುಳ್ಳ ನೀರು, ಅದು ಬರಿಯ ನೀರಲ್ಲ, ಆಲ್ಕೋಹಾಲ್ ಎಂದು ತಿಳಿಯುವುದಕ್ಕೆ ಹೆಚ್ಚು ಸಮಯ ಹಿಡಿಯಲಿಲ್ಲ. ಮೊದಲೇ ಬಾಯಾರಿದ್ದ ಕೇರಳಿಗರ ಬಾಯಿಗೆ ಮದ್ಯ ತಾನಾಗೇ ಹರಿದು ಬಂದರೆ ಬೇಡ ಅನ್ನುವವರುಂಟೆ, ಬಯಸದೇ ಬಂದ ಭಾಗ್ಯವನ್ನು ಕೈ ಚಾಚಿ ಬಳಸಿಕೊಂಡಿದ್ದಾರೆ.

ಕೇರಳ ಮಾದರಿಯಲ್ಲಿ ಕರ್ನಾಟಕದಲ್ಲೂ ಮದ್ಯ ನಿಷೇಧಿಸಿ!

ಫ್ಲಾಟಿನ 18 ಕುಟುಂಬದವರ ಮನೆಗಳಲ್ಲಿ ಆಲ್ಕೋಹಾಲ್ ಮಿಶ್ರಿತ ನೀರು ಬಂದಿದೆ. ಇದಕ್ಕೆ ಏನು ಕಾರಣ ಎಂದು ಪರಿಶೀಲನೆ ನಡೆಸಿದ ಅಬಕಾರಿ ಇಲಾಖೆಯವರಿಗೆ ಸತ್ಯ ತಿಳಿದು ಆಘಾತವಾಗಿದೆ.

ಇಲಾಖೆಯಿಂದ ಜಪ್ತಿಯಾದ ಮದ್ಯವನ್ನು ನಾಶಪಡಿಸುವ ನಡೆದ ಅಚಾತುರ್ಯದ ಫಲ ಇದಾಗಿದೆ.

ಆರು ವರ್ಷಗಳ ಹಿಂದೆ ರಚನಾ ಎಂಬ ಹೆಸರಿನ ಬಾರ್ ಈ ವಸತಿ ಸಮುಚ್ಚಯದ ಸಮೀಪದಲ್ಲಿ ತಲೆ ಎತ್ತಿತ್ತು. ಆದರೆ, ಲೈಸನ್ ರದ್ದಾಗಿದ್ದರಿಂದ ಬಾರ್ ನಲ್ಲಿದ್ದ ಅಕ್ರಮ ಮದ್ಯವನ್ನು ವಶಪಡಿಸಿಕೊಳ್ಳಲಾಯಿತು. ಸುಮಾರು 6,000 ಲೀಟರ್ ಮದ್ಯ ವಶವಾಗಿತ್ತು.

ಕೇರಳದ ಕುಡುಕರಿಗೆ ಚಿಯರ್ಸ್! ಸ್ಟಾರ್ ಹೋಟೆಲ್ ಗಳಲ್ಲಿ ಮದ್ಯ ಲಭ್ಯ!

ನಂತರ ಅಕ್ರಮ ಮದ್ಯವನ್ನು ನಾಶಪಡಿಸುವಂತೆ ಇಲಾಖೆಗೆ ಕೋರ್ಟ್ ಸೂಚಿಸಿತ್ತು. ಸುಮಾರು 6,000 ಲೀಟರ್ ಮದ್ಯವನ್ನು ನಾಶ ಪಡಿಸಲು 6 ಗಂಟೆಗಳ ಕಾಲ ತೆಗೆದುಕೊಂಡ ಅಧಿಕಾರಿಗಳು ಎಲ್ಲವೂ ಮುಗಿಯಿತು ಎಂದು ಕೊಂಡು ವರದಿ ಕೊಟ್ಟಿದ್ದರು.

ಆದರೆ, ಭೂಮಿಯ ಆಳಕ್ಕಿಳಿದ ಮದ್ಯ, ನೀರಿನ ಜೊತೆ ಸೇರಿಕೊಂಡು ಆಲ್ಕೋಹಾಲ್ ಮಿಶ್ರಿತ ನೀರಾಗಿ ಪರಿವರ್ತನೆಗೊಂಡಿದೆ. ಇದು ನಂತರ ನಲ್ಲಿಗಳ ಮೂಲಕ ಮನೆ ಮನೆ ಸೇರಿದೆ.

ನಲ್ಲಿಯಲ್ಲಿ ಬಂದ ನೀರು ಕುಡಿದು ಕೆಲವರು ಟೈಟ್ ಆದರೆ, ಇನ್ನು ಕೆಲವರು ಗರಂ ಆಗಿ ಛಾಲಕುಡಿ ಮುನ್ಸಿಪಾಲ್ ಕಾರ್ಯದರ್ಶಿ ಹಾಗೂ ಆರೋಗ್ಯ ಇಲಾಖೆಗೆ ದೂರು ನೀಡಿದ್ದಾರೆ. ಅಬಕಾರಿ ಇಲಾಖೆ ಅಧಿಕಾರಿಗಳ ನಿರ್ಲಕ್ಷ್ಯದಿಂದ ಈ ಅನಾಹುತ ಸಂಬಂಧಿಸಿದೆ ಎಂದು ದೂರಿನಲ್ಲಿ ಹೇಳಲಾಗಿದೆ.

English summary
Bizarre! A resident of Solomon's Avenue Flat in Kerala's Thrissur district was in astonished and shocked after their houses turned into overnight pubs as the water taps installed in their homes served them the liquor they hadn't ordered.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X