ಲುಡೋ ಆಟಕ್ಕೆ ಕರೆದುಕೊಳ್ಳುತ್ತಿಲ್ಲ: ಅಕ್ಕನ ವಿರುದ್ಧ ಬಾಲಕನಿಂದ ಪೊಲೀಸ್ ದೂರು
ತಿರುವನಂತಪುರಂ, ಮೇ 14: ಲುಡೋ ಆಟ ಆಡಲು ನಿರಾಕರಣೆ ಮಾಡಿದ್ದಕ್ಕೆ ಸಹೋದರಿ ಹಾಗೂ ಸಹೋದರಿಯ ನಾಲ್ಕು ಸ್ನೇಹಿತರ ವಿರುದ್ಧ 8 ವರ್ಷದ ಬಾಲಕ ಪೊಲೀಸ್ ದೂರು ನೀಡಿರುವ ಘಟನೆ ಕೇರಳದಲ್ಲಿ ನಡೆದಿದೆ.
''ನಾನು ಹುಡುಗ ಎಂಬ ಕಾರಣಕ್ಕೆ ನನ್ನನ್ನು ಗೇಲಿ ಮಾಡುತ್ತಿದ್ದಾರೆ. ಲುಡೋ, ಶಟಲ್, ಕಳ್ಳ-ಪೊಲೀಸ್ ಆಟ ಆಡಲು ನನ್ನನ್ನು ಕರೆದುಕೊಳ್ಳುತ್ತಿಲ್ಲ. ನನ್ನ ಅಕ್ಕ ಮತ್ತು ಅವರ ಸ್ನೇಹಿತರನ್ನು ಬಂಧಿಸಿ'' ಎಂದು 8 ವರ್ಷದ ಉಮರ್ ನಿಧರ್ ಪೊಲೀಸರಿಗೆ ಬಳಿ ಮನವಿ ಮಾಡಿದ್ದಾನೆ.
ನಿಟ್ಟುಸಿರು ಬಿಟ್ಟಿದ್ದ ಗೋವಾಗೆ ಮತ್ತೆ ಕಂಟಕ: 7 ಹೊಸ ಕೇಸ್ ಪತ್ತೆ!
8 ವರ್ಷದ ಉಮರ್ ನಿಧರ್ ಅವರ ದೂರನ್ನು ತಮಾಷೆಯಾಗಿ ಸ್ವೀಕರಿಸಿದ ಪೊಲೀಸರು, ಖುದ್ದು ಅವರ ಮನೆಗೆ ಭೇಟಿ ನೀಡಿ, ಆತನನ್ನು ಆಟಕ್ಕೆ ಸೇರಿಸಿಕೊಳ್ಳಿ ಎಂದು ಇತರೆ ಮಕ್ಕಳಿಗೆ ಸಲಹೆ ನೀಡಿದ್ದಾರೆ.
ಬಾಲಕ ಉಮರ್ ನಿಧರ್ ಲಿಖಿದ ರೂಪದಲ್ಲಿ ದೂರು ನೀಡಿದ್ದು, ಇಂಗ್ಲಿಷ್ನಲ್ಲಿ ಬರೆದಿದ್ದಾನೆ. ಅಕ್ಕ ಮತ್ತು ಆಕೆಯ ಸ್ನೇಹಿತರನ್ನ ಬಂಧಿಸಿ ಎಂದು ಮನವಿ ಮಾಡಿದ್ದಾನೆ. ಈ ಸುದ್ದಿಯನ್ನು ಕೇಳಿ ಬಾಲಕನ ಸಹೋದರಿ ಹಾಗೂ ಸ್ನೇಹಿತರು ಅಚ್ಚರಿಯಾಗಿದ್ದಾರೆ. 'ಪೊಲೀಸ್ ದೂರು ನೀಡುತ್ತಾನೆ ಎಂದು ನಾವು ನಿರೀಕ್ಷೆ ಮಾಡಿರಲಿಲ್ಲ' ಎಂದು ಹೇಳಿದ್ದಾರೆ.
ಅಂದ್ಹಾಗೆ, ಕೊರೊನಾ ವೈರಸ್ ಲಾಕ್ಡೌನ್ ಹಿನ್ನೆಲೆ ಮನೆಯಲ್ಲಿ ಮಕ್ಕಳು ಲುಡೋ, ಕೇರಂ, ಚೌಕ-ಬಾರ, ಕಳ್ಳ-ಪೊಲೀಸ್ ಅಂತಹ ಆಟಗಳ ಮೊರೆ ಹೋಗಿದ್ದಾರೆ.