ಶಬರಿಮಲೆ ದೇವಳದ ಆದಾಯದಲ್ಲಿ 60 ಕೋಟಿ ಇಳಿಕೆ, ಇದು ಬರೀ 39 ದಿನದ ಲೆಕ್ಕ
ತಿರುವನಂತಪುರಂ, ಡಿಸೆಂಬರ್ 27: ಸದ್ಯಕ್ಕೆ ಶಬರಿಮಲೆಯಲ್ಲಿ ವಾರ್ಷಿಕ ಯಾತ್ರೆ ನಡೆಯುತ್ತಿದೆ. ಆದರೆ ಸರಾಸರಿ ಆದಾಯದ ಲೆಕ್ಕದಲ್ಲಿ ಹೇಳಬೇಕು ಅಂದರೆ 39 ದಿನಗಳಲ್ಲಿ 60 ಕೋಟಿ ಆದಾಯ ಇಳಿಕೆ ಆಗಿದ್ದು, 105 ಕೋಟಿ ರುಪಾಯಿ ತಲುಪಿದೆ. ಈ ಬಗ್ಗೆ ತಿರುವಾಂಕೂರ್ ದೇವಸ್ವಂ ಮಂಡಳಿ ಅಧ್ಯಕ್ಷ ಎ.ಪದ್ಮಕುಮಾರ್ ಮಾಹಿತಿ ನೀಡಿದ್ದಾರೆ.
ಇದೇ ಅವಧಿಯಲ್ಲಿ ಕಳೆದ ಬಾರಿ ಅರವಣ ಪ್ರಸಾದದ ಮಾರಾಟದಿಂದ 70.68 ಕೋಟಿ ರುಪಾಯಿ ಸಂಗ್ರಹವಾಗಿತ್ತು. ಆದರೆ ಈ ಬಾರಿ ಆ ಮೊತ್ತ 40.99 ಕೋಟಿಗೆ ಕುಸಿದಿದೆ. ಇನ್ನು ಹುಂಡಿಗೆ ಬಂದ ಹಣದ ಮೊತ್ತದ ವಿಚಾರಕ್ಕೆ ಬಂದರೆ, ಕಳೆದ ವರ್ಷ ಇದೇ ಅವಧಿಯಲ್ಲಿ 59.69 ಕೋಟಿ ಸಂಗ್ರಹವಾಗಿದ್ದರೆ, ಈ ಬಾರಿ 42.33 ಕೋಟಿಯಷ್ಟೇ ಆಗಿದೆ ಎಂದು ಅವರು ತಿಳಿಸಿದ್ದಾರೆ.
ಅಯ್ಯಪ್ಪ ಭಕ್ತರು ಬೆಚ್ಚಿ ಬೀಳಿಸುವ ಕೇರಳದ ಗುಪ್ತಚರ ಇಲಾಖೆ ವರದಿ
ಅಪ್ಪಮ್ ಪ್ರಸಾದದ ಮಾರಾಟದ ಮೊತ್ತವು ಕಳೆದ ಅವಧಿಯಲ್ಲಿ 12.19 ಕೋಟಿ ರುಪಾಯಿ ಆಗಿತ್ತು. ಈ ಸಲ 3.88 ಕೋಟಿ ರುಪಾಯಿ ಮಾತ್ರ ಆಗಿದೆ. ಸದ್ಯಕ್ಕೆ ನಡೆಯುತ್ತಿರುವ ಆರಾಧನೆಯ ಈ 59 ದಿನಗಳಲ್ಲಿ 30 ಲಕ್ಷ ಭಕ್ತರು ದರ್ಶನ ಪಡೆದಿದ್ದಾರೆ. ಆದರೆ ಇದೇ ಅವಧಿಯಲ್ಲಿ ಕಳೆದ ಬಾರಿ 68 ಲಕ್ಷ ಭಕ್ತರು ಭೇಟಿ ನೀಡಿದ್ದರು ಎಂದು ಪದ್ಮಕುಮಾರ್ ತಿಳಿಸಿದ್ದಾರೆ.