14 ಲಕ್ಷ ರುಪಾಯಿ ದಂಡ ಹಾಕಿ, ಗಿಲಾನಿಗೆ 'ಫೆಮಾ' ಕೇಸು ಜಡಿದ ಇಡಿ
ಜಮ್ಮು ಮತ್ತು ಕಾಶ್ಮೀರ ಮೂಲದ ಪ್ರತ್ಯೇಕತಾವಾದಿ ಸೈಯದ್ ಆಲಿ ಷಾ ಗಿಲಾನಿಗೆ ಜಾರಿ ನಿರ್ದೇಶನಾಲಯವು (ಇಡಿ) 14.40 ಲಕ್ಷ ರುಪಾಯಿ ದಂಡ ವಿಧಿಸಿದೆ. 'ಫೆಮಾ' ಕಾಯ್ದೆಯನ್ನು ಉಲ್ಲಂಘಿಸಿ, $ 10000 (ಅಂದಾಜು 6.8 ಲಕ್ಷ ರುಪಾಯಿ) ಇಟ್ಟುಕೊಂಡಿದ್ದಕ್ಕಾಗಿ ಶುಕ್ರವಾರ ಪ್ರಕರಣ ದಾಖಲಿಸಲಾಗಿದೆ.
ಕಾಶ್ಮೀರ ಪ್ರತ್ಯೇಕತಾವಾದಿಗಳಿಗೆ ಕೇಂದ್ರ ಮರ್ಮಾಘಾತ, ಜೆಕೆಎಲ್ಎಫ್ ಗೆ ನಿಷೇಧ
ಕಾನೂನು ಬಾಹಿರವಾಗಿ ವಿದೇಶಿ ವಿನಿಮಯವನ್ನು ಇರಿಸಿಕೊಳ್ಳಲಾಗಿತ್ತು. ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆ (ಫೆಮಾ) ಅಡಿಯಲ್ಲಿ ಈ ಬಗ್ಗೆ ಜಾರಿ ನಿರ್ದೇಶನಾಲಯವು ತನಿಖೆ ನಡೆಸಲಿದೆ. ತನಿಖೆ ಪೂರ್ತಿಯಾದ ಮೇಲೆ, ವಿಚಾರಣೆ ಮುಂದಕ್ಕೆ ಹೋದ ಮೇಲೆ ಜಾರಿ ನಿರ್ದೇಶನಾಲಯವು ಮಾರ್ಚ್ 20ರಂದು ಫೆಮಾ ಅಡಿಯಲ್ಲಿ 14.40 ಲಕ್ಷ ರುಪಾಯಿ ದಂಡ ವಿಧಿಸಲಾಗಿದೆ.
$10000 ಅನ್ನು ಗಿಲಾನಿಯಿಂದ ವಶಪಡಿಸಿಕೊಳ್ಳಲಾಗಿದೆ ಎಂದು ತಿಳಿಸಲಾಗಿದೆ. ಆದಾಯ ತೆರಿಗೆ ಇಲಾಖೆಯಿಂದ ದೂರು ಬಂದ ಹಿನ್ನೆಲೆಯಲ್ಲಿ ಜಾರಿ ನಿರ್ದೇಶನಾಲಯದಿಂದ ಪ್ರಕರಣ ಕೈಗೆತ್ತಿಕೊಳ್ಳಲಾಗಿದೆ. ಇಂಥದ್ದೇ ವಿಚಾರಣೆಯು ಜಮ್ಮು-ಕಾಶ್ಮೀರ ಲಿಬರೇಷನ್ ಫ್ರಂಟ್ ನ ಮಾಜಿ ಅಧ್ಯಕ್ಷ, ಪ್ರತ್ಯೇಕವಾದಿ ಯಾಸಿನ್ ಮಲಿಕ್ ನ ವಿರುದ್ಧ ಕೂಡ ನಡೆಯುತ್ತಿದೆ.