ಶಿವಮೊಗ್ಗದ ಹೊಸ ಜೈಲಿನಲ್ಲಿ ಸೆನ್ಸರ್ ಸ್ಯಾನಿಟೈಜರ್ ಬೂತ್
ಶಿವಮೊಗ್ಗ, ಜುಲೈ 6: ನಗರದ ಮಲಗೊಪ್ಪದಲ್ಲಿರುವ ಶಿವಮೊಗ್ಗ ಹೊಸ ಜೈಲಿನಲ್ಲಿ ಸೆನ್ಸರ್ ಸ್ಯಾನಿಟೈಜರ್ ಬೂತ್ ಅನ್ನು ಅಳವಡಿಸಲಾಗಿದೆ. ಒಳಗೆ ಬರುವವರು ಈ ಬೂತ್ ಮೂಲಕ ಸಾಗಿ ಬರಬೇಕಿದೆ. ಬೂತ್ ಒಳಗೆ ಪ್ರವೇಶಿಸಿದರೆ ಸಂಪೂರ್ಣ ಸ್ಯಾನಿಟೈಜ್ ಆಗುವ ಮೂಲಕ ಕೊರೊನಾ ಸೋಂಕಿನಿಂದ ರಕ್ಷಿಸಿಕೊಳ್ಳಬಹುದಾಗಿದೆ.
ಈ ಕುರಿತು ಮಾಧ್ಯಮಗಳೊಂದಿಗೆ ಮಾತನಾಡಿದ ಕಾರಾಗೃಹದ ಮುಖ್ಯ ಅಧೀಕ್ಷಕ ಡಾ.ಪಿ. ರಂಗನಾಥ್, "ಕೋವಿಡ್-19 ವ್ಯಾಪಕವಾಗಿ ಹರಡುತ್ತಿರುವ ಹಿನ್ನೆಲೆಯಲ್ಲಿ ಈ ಬೂತ್ ಆರಂಭಿಸಿದ್ದು, ಜೈಲ್ ನ ಮುಖ್ಯದ್ವಾರದಲ್ಲಿಯೇ ಇದನ್ನು ಅಳವಡಿಸಲಾಗಿದೆ. 90 ಸಾವಿರ ರೂ.ಗಳ ವೆಚ್ಚದಲ್ಲಿ ಈ ಬೂತ್ ಅಳವಡಿಸಲಾಗಿದೆ. ಇದಕ್ಕೆ ಶುದ್ಧಿ ಬಯೋ ಆರ್ಗ್ಯಾನಿಕ್ ಮೆಡಿಸಿನ್ ಬಳಕೆ ಮಾಡಲಾಗುತ್ತಿದೆ" ಎಂದು ತಿಳಿಸಿದರು.
ಶಿವಮೊಗ್ಗದಲ್ಲಿ ಇಂದಿನಿಂದ ಕಟ್ಟುನಿಟ್ಟಿನ ಕರ್ಫ್ಯೂ ಜಾರಿ
ಯಾರೇ ಬಂದರೂ ಈ ಬೂತ್ ಒಳಗಿನಿಂದ ಬರುವುದರಿಂದ ಅವರಿಗೆ ಈ ಔಷಧ ಸಿಂಪಡನೆಯಾಗುತ್ತದೆ. ಔಷಧಿಗೆ 12 ಸಾವಿರ ರೂ. ವೆಚ್ಚ ತಗುಲಲಿದ್ದು, 30 ಲೀಟರ್ ನ ಈ ಔಷಧಿಯಲ್ಲಿ ಒಂದು ಲೀಟರ್ ಗೆ 50 ಲೀಟರ್ ನೀರು ಸೇರಿಸಬಹುದಾಗಿದೆ ಎಂದು ಮಾಹಿತಿ ನೀಡಿದರು.