ಶಿವಮೊಗ್ಗದಲ್ಲಿ 2 ಕೊರೊನಾ ಶಂಕಿತ ಪ್ರಕರಣಗಳು ಪತ್ತೆ?
ಶಿವಮೊಗ್ಗ, ಮಾರ್ಚ್ 19: ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಯಲ್ಲಿರುವ ಐಸೋಲೇಷನ್ ವಾರ್ಡ್ ನಲ್ಲಿ ಇಬ್ಬರು ಮಕ್ಕಳಲ್ಲಿ ಕೊರೊನಾ ವೈರಸ್ ಇರುವ ಶಂಕೆ ಹಿನ್ನೆಲೆಯಲ್ಲಿ ದಾಖಲಿಸಲಾಗಿದೆ.
ಶಿವಮೊಗ್ಗ ನಗರದ 11 ವರ್ಷದ ಹೆಣ್ಣು ಮಗುವಿಗೆ ಐಸೋಲೇಷನ್ ನಲ್ಲಿ ನಿಗಾ ಇಡಲಾಗಿದ್ದು, ಈ ಮಗು ಪಾಲಕರೊಂದಿಗೆ 9 ದಿನದ ಹಿಂದೆ ಮೆಕ್ಕಾಗೆ ಹೋಗಿ ಬಂದಿತ್ತು. ಈ ಮಗುವಿನಲ್ಲಿ ಕೊರೊನಾ ವೈರಸ್ ಲಕ್ಷಣ ಕಂಡು ಬಂದಿರುವ ಹಿನ್ನೆಲೆಯಲ್ಲಿ ನಿಗಾ ವಹಿಸಲಾಗಿದೆ.
ಕೊರೊನೊ ವೈರಸ್ ವೈದ್ಯಕೀಯ ವೈದ್ಯಕೀಯ ತಪಾಸಣೆಯ ಮಾರ್ಗಸೂಚಿ
ಬಿಹಾರ ಮೂಲದ 11 ತಿಂಗಳ ಮಗುವಿನಲ್ಲೂ ಕೊರೊನಾ ವೈರಸ್ ಲಕ್ಷಣ ಈ ಮಗುವಿನ ಪಾಲಕರು ಕನ್ಸ್ ಸ್ಟ್ರಕ್ಷನ್ ಕೆಲಸಕ್ಕಾಗಿ ಶಿವಮೊಗ್ಗಕ್ಕೆ ಆಗಮಿಸಿದ್ದರು ಎನ್ನಲಾಗಿದ್ದು, ಈ ಮಗುವಿನಲ್ಲೂ ಕೊರೊನಾ ಲಕ್ಷಣ ಕಂಡು ಬಂದ ಹಿನ್ನೆಲೆಯಲ್ಲಿ ಕೊರೊನಾ ವಾರ್ಡ್ ನಲ್ಲಿ ನಿಗಾದಲ್ಲಿಡಲಾಗಿದೆ.
ಈ ಮಗುವಿನ ಪಾಲಕರು ಕೊರೊನಾ ಪೀಡಿದ ರಾಜ್ಯಗಳಲ್ಲಿ ಓಡಾಡಿರುವುದರಿಂದ ಪಾಲಕರನ್ನೂ ಐಸೋಲೇಷನ್ ನಲ್ಲಿ ಇಡಲಾಗಿದೆ. ಇಬ್ಬರು ಮಕ್ಕಳ ರಿಪೋರ್ಟ್ ಗಾಗಿ ಆರೋಗ್ಯ ಇಲಾಖೆ ಅಧಿಕಾರಿಗಳು ಕಾಯುತ್ತಿದ್ದಾರೆ.