• search

ಭೋರ್ಗರೆಯುತ್ತಿದೆ ಜೋಗ, ಈ ಸೊಬಗ ನೋಡಲು ಬಾ ಬೇಗ!

Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
        ಆಹಾ..!ಸೌಂದರ್ಯಕ್ಕೆ ಮತ್ತೊಂದು ಹೆಸರು ಜೋಗ ಜಲಪಾತ..! | Oneindia Kannada

        ಶಿವಮೊಗ್ಗ, ಆಗಸ್ಟ್ 16: ಎಂತಹ ಅರಸಿಕನಲ್ಲಿಯೂ ಸೌಂದರ್ಯ ಆರಾಧನೆಯ ಭಾವ ಮೂಡಿಸುವ ಶಕ್ತಿ ಮಲೆನಾಡಿನ ಸೊಬಗಿನ ಜೋಗ ಜಲಪಾತಕ್ಕಿದೆ.

        ಬಿರು ಬೇಸಿಗೆಯಲ್ಲಿ ಸಣ್ಣ ಝರಿಯಂತೆ ನೀರು ಧುಮುಕಿದರೂ ಅದರ ಅಂದ ಪ್ರವಾಸಿಗರಿಗೆ ಮುದ ನೀಡುತ್ತದೆ. ಹೀಗಿರುವಾಗ ರಾಜ, ರಾಣಿ, ರೋರರ್ ಮತ್ತು ರಾಕೆಟ್ ಪರಸ್ಪರ ಜಿದ್ದಿಗೆ ಬಿದ್ದವರಂತೆ ತುಂಬಿಕೊಂಡು ನೋಡಿದಷ್ಟೂ ನೋಡಬೇಕೆನಿಸುವ ದೃಶ್ಯ ಮೂಡಿಸಿದೆ.

        ಧುಮ್ಮಿಕ್ಕುತ್ತಿರುವ ಜೋಗದ ವೈಭವ ನೋಡಲು ಮುಗಿಬಿದ್ದ ಪ್ರವಾಸಿಗರು

        ನಾಲ್ಕು ವರ್ಷದಲ್ಲಿ ಇದೇ ಮೊದಲ ಬಾರಿಗೆ ಜೋಗ ಜಲಪಾತ ತನ್ನ ವೈಭವವನ್ನು ಮರಳಿ ಪಡೆದುಕೊಂಡಿದೆ. ಲಿಂಗನಮಕ್ಕಿ ಜಲಾಶಯವು ಭರ್ತಿಯಾಗಿರುವುದರಿಂದ 22 ಸಾವಿರ ಕ್ಯುಸೆಕ್ಸ್ ನೀರನ್ನು ಹೊರಬಿಡಲಾಗುತ್ತಿದೆ. ಹನ್ನೊಂದು ಗೇಟ್‌ಗಳ ಪೈಕಿ ಒಂಬತ್ತು ಗೇಟುಗಳನ್ನು ತೆರೆಯಲಾಗಿದೆ.

        glory of jog falls is back after four years

        ಭಾರತದ ಅತ್ಯಂತ ಎತ್ತರದ ಜಲಪಾತ ಎಂದು ಹೆಸರಾಗಿರುವ ಜೋಗದಲ್ಲಿ ಶರಾವತಿ 830 ಅಡಿ ಎತ್ತರದಿಂದ ಮೈದುಂಬಿಕೊಂಡು ನೆಲವನ್ನು ಮುತ್ತಿಕ್ಕುತ್ತಿದ್ದಾಳೆ.

        ಜೋಗ ಭೇಟಿ ಸಮಯ ಪರಿಷ್ಕರಣೆ, ಪ್ರವಾಸಿಗರ ಆಕ್ರೋಶ

        glory of jog falls is back after four years

        'ಮುಂಗಾರು ಮಳೆ' ಚಿತ್ರದಲ್ಲಿ ಜೋಗವನ್ನು ಸೆರೆಹಿಡಿದ ಬಗೆ ಅನನ್ಯ. ಅದರಿಂದ ಪ್ರೇರಣೆಗೊಂಡ ಅನೇಕರು ವಿವಿಧ ಕೋನಗಳಿಂದ ಜೋಗದ ಜನಸಿರಿಯನ್ನು ತಮ್ಮ ಕ್ಯಾಮೆರಾ, ಮೊಬೈಲ್ ಫೋನ್‌ಗಳನ್ನು ಚಿತ್ರಿಸುತ್ತಿದ್ದಾರೆ. ಎಎನ್‌ಐ ಸುದ್ದಿ ಸಂಸ್ಥೆ ಬಿಡುಗಡೆ ಮಾಡಿರುವ ಈ ವಿಡಿಯೋ ದೇಶದಾದ್ಯಂತ ವೈರಲ್ ಆಗುತ್ತಿದೆ.

        ಲಿಂಗನಮಕ್ಕಿ ಜಲಾಶಯದ ಗರಿಷ್ಠ ಸಾಮರ್ಥ್ಯ 1819 ಅಡಿ. ಮಲೆನಾಡಿನಲ್ಲಿ ಉತ್ತರ ಮಳೆಯಾಗುತ್ತಿರುವುದರಿಂದ ಜಲಾಶಯ ತುಂಬಿಕೊಳ್ಳುತ್ತಿದ್ದು, 1815 ಅಡಿ ನೀಡು ಸಂಗ್ರಹವಾಗಿದೆ. 1964 ರಲ್ಲಿ ಅಣೆಕಟ್ಟು ನಿರ್ಮಾಣವಾದ ಬಳಿಕ ಇದುವರೆಗೂ 13 ಬಾರಿ ಮಾತ್ರ ಜಲಾಶಯ ಭರ್ತಿಯಾಗಿದ್ದು, 2014ರಲ್ಲಿ ಕೊನೆಯ ಬಾರಿ ಜಲಾಶಯದ ಒಡಲು ತುಂಬಿಕೊಂಡಿತ್ತು.

        glory of jog falls is back after four years

        ವಿಪರೀತ ಮಳೆ, ಥಂಡಿ ವಾತಾವರಣ, ರಸ್ತೆ ಸಂಪರ್ಕದ ಸಮಸ್ಯೆಗಳ ಹೊರತಾಗಿಯೂ ಜೋಗದ ವೈಭವವನ್ನು ಕಣ್ತುಂಬಿಕೊಳ್ಳಲು ಪ್ರವಾಸಿಗರ ದಂಡು ಅತ್ತ ದೌಡಾಯಿಸುತ್ತಿದೆ.

        ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

        English summary
        Jog Falls roars in full glory for the first time in 4 years. 9 out of 11 gates of Linganamakki reservoir opened, 22,000 cusecs of water have been released.

        Oneindia ಬ್ರೇಕಿಂಗ್ ನ್ಯೂಸ್,
        ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

        X
        We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more