• search
  • Live TV
ರಾಮನಗರ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಜೆಡಿಎಸ್ ತೊರೆದ ಮತ್ತೊಬ್ಬ ನಾಯಕ; ಡಿ.10ಕ್ಕೆ ಬಿಜೆಪಿ ಸೇರ್ಪಡೆ!

|
Google Oneindia Kannada News

ರಾಮನಗರ, ಡಿಸೆಂಬರ್ 07: ಜೆಡಿಎಸ್ ನಾಯಕ ಮತ್ತು ರಾಮನಗರ ಜಿಲ್ಲೆಯ ಮಾಗಡಿಯಲ್ಲಿ ಪಕ್ಷ ಸಂಘಟನೆಯಲ್ಲಿ ತೊಡಗಿದ್ದ ಜೇಡರಹಳ್ಳಿ ಕೃಷ್ಣಪ್ಪ ಬಿಜೆಪಿ ಸೇರಲಿದ್ದಾರೆ. ಮತ್ತೊಬ್ಬ ನಾಯಕರ ಜೆಡಿಎಸ್ ಬಿಟ್ಟು ಹೊರಟು ನಿಂತಿದ್ದಾರೆ.

ಸಮಾಜ ಸೇವಕ ಹೆಚ್. ಎಂ. ಕೃಷ್ಣಮೂರ್ತಿ (ಜೇಡರಹಳ್ಳಿ ಕೃಷ್ಣಪ್ಪ) ಜೆಡಿಎಸ್‌ ಪಕ್ಷಕ್ಕೆ ರಾಜೀನಾಮೆ ನೀಡಲಿದ್ದಾರೆ. ಡಿಸೆಂಬರ್ 10ರಂದು ಅವರು ಬಿಜೆಪಿ ಸೇರಲಿದ್ದಾರೆ. ಈ ಕುರಿತು ಅವರೇ ಮಾಧ್ಯಮಗಳಿಗೆ ಹೇಳಿಕೆ ನೀಡಿದ್ದಾರೆ.

ಜೆಡಿಎಸ್ ಪಕ್ಷ ಬಿಡುವ ಕುರಿತು ದೇವೇಗೌಡರ ಸ್ಪಷ್ಟನೆ ಜೆಡಿಎಸ್ ಪಕ್ಷ ಬಿಡುವ ಕುರಿತು ದೇವೇಗೌಡರ ಸ್ಪಷ್ಟನೆ

"ಮಾಗಡಿ ಶಾಸಕ ಎ. ಮಂಜು ಕಳೆದ ಚುನಾವಣೆಯಲ್ಲಿ ಗೆಲ್ಲಬೇಕಾದರೆ ಸಾಕಷ್ಟು ಕೆಲಸ ಮಾಡಿದ್ದೇನೆ. ಆದರೆ, ನನಗೆ ಪಕ್ಷದಲ್ಲಿ ಗೌರವವಿಲ್ಲ. ಯಾವುದೇ ಸ್ಥಾನಮಾನವಿಲ್ಲ" ಎಂದು ಹೆಚ್. ಎಂ. ಕೃಷ್ಣಮೂರ್ತಿ ಬೇಸರ ವ್ಯಕ್ತಪಡಿಸಿದ್ದಾರೆ.

ಜೆಡಿಎಸ್‌ನಲ್ಲಿ ನಾಯಕತ್ವ ಬದಲಾವಣೆ; ಕುಮಾರಸ್ವಾಮಿ ರಾಜೀನಾಮೆ? ಜೆಡಿಎಸ್‌ನಲ್ಲಿ ನಾಯಕತ್ವ ಬದಲಾವಣೆ; ಕುಮಾರಸ್ವಾಮಿ ರಾಜೀನಾಮೆ?

"ಡಿಸೆಂಬರ್ 10ರಂದು ನಾನು ಬಿಜೆಪಿ ಸೇರಲಿದ್ದೇನೆ. ಮಾಗಡಿಯಲ್ಲಿ ಪಕ್ಷಕ್ಕೆ ಬಲ ತುಂಬುವ ಕೆಲಸವನ್ನು ಮಾಡಲಿದ್ದೇನೆ. ಪಕ್ಷ ಅವಕಾಶ ನೀಡಿದರೆ ಮುಂದಿನ ಚುನಾವಣೆಯಲ್ಲಿ ಅಭ್ಯರ್ಥಿಯಾಗಲು ಸಿದ್ಧ" ಎಂದು ಹೆಚ್. ಎಂ. ಕೃಷ್ಣಮೂರ್ತಿ ಸ್ಪಷ್ಟಪಡಿಸಿದರು.

ಬೆಂಬಲಿಗನ ಬರ್ತ್ ಡೇ ಆಚರಿಸಿದ ಮಾಗಡಿ ಶಾಸಕ ಎ.ಮಂಜುನಾಥ್ ವಿರುದ್ಧ ವ್ಯಾಪಕ ಟೀಕೆ ಬೆಂಬಲಿಗನ ಬರ್ತ್ ಡೇ ಆಚರಿಸಿದ ಮಾಗಡಿ ಶಾಸಕ ಎ.ಮಂಜುನಾಥ್ ವಿರುದ್ಧ ವ್ಯಾಪಕ ಟೀಕೆ

ಪಕ್ಷದ ನಾಯಕರು ಗಮನ ಹರಿಸಿಲ್ಲ

ಪಕ್ಷದ ನಾಯಕರು ಗಮನ ಹರಿಸಿಲ್ಲ

"ಮಾಗಡಿಯಲ್ಲಿ ನನಗೆ ಪಕ್ಷದ ಯಾವುದೇ ಕಾರ್ಯಕ್ರಮಗಳಿಗೆ ಆಹ್ವಾನ ನೀಡುವುದಿಲ್ಲ. ಈ ವಿಚಾರಗಳು ಪಕ್ಷದ ನಾಯಕರಿಗೆ ತಿಳಿದಿದ್ದರೂ ಗಮನ ಹರಿಸುವುದಿಲ್ಲ. ಆದ್ದರಿಂದ, ಜೆಡಿಎಸ್ ಪಕ್ಷಕ್ಕೆ ರಾಜೀನಾಮೆ ನೀಡಿ ನಾನು ಬಿಜೆಪಿ ಸೇರಲಿದ್ದೇನೆ" ಎಂದು ಹೆಚ್. ಎಂ. ಕೃಷ್ಣಮೂರ್ತಿ ಹೇಳಿದ್ದಾರೆ.

ದೇವೇಗೌಡರೇ ನನಗೆ ಹೇಳಿದ್ದರು

ದೇವೇಗೌಡರೇ ನನಗೆ ಹೇಳಿದ್ದರು

"2018ರ ಚುನಾವಣೆಯಲ್ಲಿ ಮಾಗಡಿಯಲ್ಲಿ ಬಾಲಕೃಷ್ಣ ಸೋಲಿಸಲು ನಿಮ್ಮ ಅವಶ್ಯಕತೆ ಇದೆ ಎಂದು ಎಚ್. ಡಿ. ದೇವೇಗೌಡರೇ ನನಗೆ ಹೇಳಿದ್ದರು. ಜೆಡಿಎಸ್ ಸೇರಿ ಎ. ಮಂಜು ಪರವಾಗಿ ಕೆಲಸ ಮಾಡಿದ್ದೆ. ಚುನಾವಣೆಯಲ್ಲಿ ಅವರು ಗೆದ್ದರು. ಚುನಾವಣೆ ಬಳಿಕ ನನ್ನ ಕಡೆ ಗಮನ ಕೊಡಲಿಲ್ಲ" ಎಂದು ಹೆಚ್. ಎಂ. ಕೃಷ್ಣಮೂರ್ತಿ ದೂರಿದರು.

ಬಿಜೆಪಿ ಬೆಳೆಸುತ್ತೇನೆ

ಬಿಜೆಪಿ ಬೆಳೆಸುತ್ತೇನೆ

"ಡಿಸೆಂಬರ್ 10ರಂದು ನಾನು ಬಿಜೆಪಿ ಸೇರಲಿದ್ದೇನೆ. ಭವಿಷ್ಯದ ದಿನಗಳಲ್ಲಿ ನಾನು ಮಾಗಡಿಯಲ್ಲಿ ಬಿಜೆಪಿ ಬೆಳೆಸುತ್ತೇನೆ. ಪಕ್ಷ ಅವಕಾಶ ಮಾಡಿಕೊಟ್ಟರೆ ಮುಂದಿನ ಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿಯಾಗಲು ಸಿದ್ಧ" ಎಂದು ಹೆಚ್. ಎಂ. ಕೃಷ್ಣಮೂರ್ತಿ ಹೇಳಿದರು.

    Kohli ನಾಯಕತ್ವ ಹಾಗು ಫೀಲ್ಡಿಂಗ್ ಬಗ್ಗೆ ಅಸಮಾಧಾನ | Oneindia Kannada
    ರಾಜಾಜಿನಗರದಲ್ಲಿ ಕಣಕ್ಕಿಳಿದಿದ್ದರು

    ರಾಜಾಜಿನಗರದಲ್ಲಿ ಕಣಕ್ಕಿಳಿದಿದ್ದರು

    ಹೆಚ್. ಎಂ. ಕೃಷ್ಣಮೂರ್ತಿ 2018ರ ಚುನಾವಣೆಯಲ್ಲಿ ಬೆಂಗಳೂರಿನ ರಾಜಾಜಿನಗರದಲ್ಲಿ ಜೆಡಿಎಸ್ ಅಭ್ಯರ್ಥಿಗಯಾಗಿ ಕಣಕ್ಕಿಳಿದಿದ್ದರು. 13,637 ಮತಗಳನ್ನು ಪಡೆದು 3ನೇ ಸ್ಥಾನ ಪಡೆದಿದ್ದರು. ಬಿಜೆಪಿಯ ಎಸ್. ಸುರೇಶ್ ಕುಮಾರ್ ಗೆಲುವು ಸಾಧಿಸಿದ್ದಾರೆ.

    English summary
    Magadi based Jedarahalli Krishnappa alias H. M. Krishna Murthy all set to quit JD(S). I will join BJP on December 10 said Jedarahalli Krishnappa.
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X