Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕರ್ನಾಟಕ ಅಚೀವರ್ಸ್‌ ಬುಕ್‌ ಸೇರಿದ ಕನಕಪುರದ ಪೋರಿ!
ರಾಮನಗರ, ಜುಲೈ 11; ಶಾಲೆಯ ಮೆಟ್ಟಿಲು ಹತ್ತದ 4 ವರ್ಷದ ಪುಟ್ಟ ಪೋರಿ ಕರ್ನಾಟಕ ಅಚೀವರ್ಸ್‌ ಬುಕ್‌ ಆಫ್ ರೆಕಾರ್ಡ್ಸ್‌ ಸೇರಿದ್ದಾಳೆ. ಕನಕಪುರ ತಾಲೂಕಿನ ಮರಳವಾಡಿ ಹೋಬಳಿಯ ಮಲ್ಲಿಗೆ ಮೆಟ್ಟಿಲು ಗ್ರಾಮದ ಮಹದೇವ ಮತ್ತು ಮಮತಾ ದಂಪತಿ ಪುತ್ರಿ ಧ್ವನಿ ಎಂ. ಗೌಡ ಈ ಸಾಧನೆ ಮಾಡಿದ ಬಾಲಕಿ.
ಧ್ವನಿ ಶಾಲೆಗೆ ಅಲ್ಲ ಇದುವರೆಗೂ ಅಂಗನವಾಡಿ ಮುಖವನ್ನು ಕಂಡಿಲ್ಲ. ಆದರೆ ರಾಷ್ಟ್ರೀಯ ಚಿಹ್ನೆಗಳು, ರಾಜಕೀಯ ವ್ಯಕ್ತಿಗಳು, ಅವರ ವೃತ್ತಿ ಹಾಗೂ ಕಾರ್ಯವೈಖರಿ, ದಿನಗಳ ಹೆಸರು, ಪ್ರಾಣಿಗಳ ಹೆಸರು, ಜ್ಞಾನಪೀಠ ವಿಜೇತ ವ್ಯಕ್ತಿಗಳ ಹೆಸರು, ಕ್ರೀಡಾಪಟುಗಳ ಹೆಸರು ಹೀಗೆ ಎಲ್ಲವನ್ನು ಅಚ್ಚುಕಟ್ಟಾಗಿ ಹೇಳುತ್ತಾಳೆ.
ನೃತ್ಯ, ಹಾಡುಗಾರಿಕೆ, ನಟನೆ ಸಹ ಮಾಡುತ್ತಾಳೆ. ಬೆಳೆಯುವ ಸಿರಿ ಮೊಳಕೆಯಲ್ಲಿ ಎಂಬಂತೆ ಚಿಕ್ಕವಯಸ್ಸಿನಲ್ಲಿಯೇ ಧ್ವನಿಯ ಸಾಧನೆ ಕರ್ನಾಟಕ ಅಚೀವರ್ಸ್‌ ಬುಕ್‌ ಆಫ್ ರೆಕಾರ್ಡ್ಸ್‌ನಲ್ಲಿ ದಾಖಲಾಗಿದೆ.
ತಾಯಿ ಮಮತಾ ದಿನಪತ್ರಿಕೆಯಲ್ಲಿ ಮಗುವೊಂದು ಸಾಧನೆ ಮಾಡಿರುವುದನ್ನು ಕಂಡು ಪ್ರೇರೇಪಣೆಗೊಂಡು ತಮ್ಮ ಮಗುವೂ ಈ ರೀತಿ ಸಾಧನೆ ಮಾಡಬೇಕು ಎಂಬ ಆಸೆ ಹೊಂದಿದ್ದರು. ಧ್ವನಿ 2 ವರ್ಷದ ಮಗುವಾಗಿದ್ದಾಗಲೇ ತಾಯಿ ಹೇಳಿಕೊಡುತ್ತಿದ್ದ ಪ್ರಾಣಿಗಳ ಹೆಸರು, ಹಣ್ಣು, 1 ರಿಂದ 10ವರೆಗಿನ ಅಂಕಿಗಳು, ಕನ್ನಡ ಹಾಗೂ ಆಂಗ್ಲ ವರ್ಣಮಾಲೆ, ತರಕಾರಿಗಳ ಹೆಸರನ್ನು ನೆನಪಿಟ್ಟುಕೊಂಡು ಹೇಳಲಾರಂಭಿಸಿದ್ದಳು.
ಕಳೆದ ವರ್ಷ ಮಗುವನ್ನು ಎಲ್‌ಕೆಜಿಗೆ ದಾಖಲು ಮಾಡಬೇಕು ಎಂದುಕೊಂಡಿದ್ದರು. ಆದರೆ, ಕೋವಿಡ್‌ನಿಂದ ಬಾಲಕಿ ಮನೆಯಲ್ಲಿಯೇ ಉಳಿದಳು. ಕೊರೊನಾ ಸಂದರ್ಭವನ್ನು ಸರಿಯಾಗಿ ಬಳಸಿಕೊಂಡ ತಾಯಿ ಮಮತಾ, ಬಾಲಕಿಗೆ ಶ್ರದ್ಧೆಯಿಂದ ಹೇಳುವುದನ್ನು ವಿಡಿಯೋ ಮಾಡಿ ಕರ್ನಾಟಕ ಅಚೀವರ್ಸ್‌ ಬುಕ್‌ ಆಫ್ ರೆಕಾರ್ಡ್‌ ಸಂಸ್ಥೆಗೆ ಕಳುಹಿಸಿ ಕೊಟ್ಟಿದ್ದರು.
ಮಗುವಿನ ವಿಡಿಯೋ ಪರಿಶೀಲನೆ ಮಾಡಿದ ಬಳಿಕ ಸಂಸ್ಥೆಯ ಅಧಿಕಾರಿಗಳು ಆನ್‌ಲೈನ್‌ನಲ್ಲಿ ಪರೀಕ್ಷೆ ನಡೆಸಿ ಮಗುವಿನ ಕಲಿಕಾ ಸಮರ್ಥ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅಲ್ಲದೇ ಸಂಸ್ಥೆಯಿಂದ ಒಂದು ಬ್ಯಾಡ್ಜ್, ಒಂದು ಶೀಲ್ಡ್‌, ಗುರುತಿನ ಚೀಟಿಯನ್ನು ಅಂಚೆ ಮೂಲಕ ಕಳುಹಿಸಿದ್ದಾರೆ.
"ನಾನು ಪದವಿ ತನಕ ವ್ಯಾಸಂಗ ಮಾಡಿದ್ದೇನೆ. ಮದುವೆ ನಂತರ ಮಗು ನೋಡಿಕೊಂಡು ಮನೆಯಲ್ಲೇ ಇದ್ದೇ. ಮಗಳು ಎರಡು ವರ್ಷದವಳಿದ್ದಾಗ ಅಕೆಯ ಆಸಕ್ತಿಯನ್ನು ಗಮನಿಸಿ ಅಂದಿನಿಂದ ಅಭ್ಯಾಸ ಮಾಡಿಸಲು ಮುಂದಾದೆ. ಹೇಳಿಕೊಟ್ಟ ಪ್ರತಿ ಮಾತನ್ನು ಧ್ವನಿ ಶ್ರದ್ಧೆಯಿಂದ ಕೇಳಿಸಿಕೊಳ್ಳುವ ಗುಣ ಕಂಡು ನನಗೆ ಖುಷಿಯಾಗುತ್ತಿತ್ತು. ಇಂದಿನ ಸಾಧನೆ ನನಗೆ ಹೆಮ್ಮೆ ಎನಿಸುತ್ತಿದೆ" ಎನ್ನುತ್ತಾರೆ ಮಮತಾ.
ಧ್ವನಿ ತಂದೆ ಮಹದೇವ್ ಲಾರಿ ಚಾಲಕರಾಗಿದ್ದು ಎಸ್. ಎಸ್. ಎಲ್. ಸಿ ತನಕ ಓದಿದ್ದಾರೆ. ತಮ್ಮ ಮಗಳು ಶಾಲೆಗೆ ಹೋಗದೇ ಮಾಡಿರುವ ಸಾಧನೆಗೆ ಸಂತಸ ವ್ಯಕ್ತಪಡಿಸುವ ಜೊತೆಗೆ ಮುಂದಿನ ಎಲ್ಲಾ ಮಗಳ ಆಸಕ್ತಿ ಬೆನ್ನುಲುಬಾಗಿ ನಿಲ್ಲುವುದಾಗಿ ಹೇಳಿದ್ದಾರೆ.
Recommended Video
ಮಗುವಿಗೆ ಡಿಕೆಶಿ ಅಭಿನಂದನೆ; ಶಾಲೆಗೆ ಹೋಗದೆ ಅದರಲ್ಲೂ ಗ್ರಾಮೀಣ ಭಾಗದಲ್ಲಿ ಕೇವಲ ತಾಯಿ ಹೇಳಿಕೊಟ್ಟ ಪಾಠವನ್ನು ಕೇಳಿ ಬಾಲ್ಯದಲ್ಲೇ ಸಾಧನೆ ಮಾಡಿರುವ ಪುಟ್ಟ ಪೋರಿ ಧ್ವನಿಗೆ ಕೆಪಿಸಿಸಿ ಅಧ್ಯಕ್ಷ ಡಿ. ಕೆ. ಶಿವಕುಮಾರ್‌ ಅಭಿನಂದನೆ ಸಲ್ಲಿಸಿದ್ದಾರೆ. ಮಗುವಿಗೆ ಉನ್ನತ ಶಿಕ್ಷಣ ಕೊಡಿಸಿ ಇನ್ನು ಹೆಚ್ಚಿನ ಸಾಧನೆ ಮಾಡಲಿ ಎಂದು ಶುಭ ಹಾರೈಸಿದ್ದಾರೆ.
