ಕೊನೆಗೂ ಸಾಕುನಾಯಿ ಪತ್ತೆ! ಸಂಬಂಧವಿಲ್ಲ ಎಂದ ಜೊಮ್ಯಾಟೋ
ಪುಣೆ, ಅಕ್ಟೋಬರ್ 11: ಪುಣೆಯಲ್ಲಿ ಜೊಮ್ಯಾಟೊದಿಂದ ಫುಡ್ ಡೆಲಿವರಿ ಮಾಡಲು ಬಂದ ವ್ಯಕ್ತಿಯೊಬ್ಬ ಸಾಕುನಾಯಿಯನ್ನು ಅಪಹರಿಸಿದ್ದಾನೆ ಎಂಬ ವರದಿಗೆ ಸಂಬಂಧಿಸಿದಂತೆ ಪ್ರತಿಕ್ರಿಯೆ ನೀಡಿದ ಫುಡ್ ಡೆಲಿವರಿ app ಜೊಮ್ಯಾಟೊ ಈ ಸುದ್ದಿಯನ್ನು ತಳ್ಳಿಹಾಕಿದೆ.
ಈಗಾಗಲೇ ಸಾಕುನಾಯಿ 'ಡೊಟ್ಟು'ವನ್ನು ಅದರ ಮಾಲೀಕರಿಗೆ ಹಿಂದಿರುಗಿಸಲಾಗಿದ್ದು, ಈ ಘಟನೆಯಲ್ಲಿ ತನ್ನ ಯಾವುದೇ ಸಿಬ್ಬಂದಿಯ ಪಾತ್ರವಿಲ್ಲ ಎಂದು ಜೊಮ್ಯಾಟೋ ಹೇಳಿದೆ. ನಾಪತ್ತೆಯಾಗಿದ್ದ 52 ಗಂಟೆಗಳ ನಂತರ ಕೊನೆಗೂ ನಾಯಿ ತನ್ನ ಮಾಲೀಕರನ್ನು ಸೇರಿದೆ.
ಫುಡ್ ಡೆಲಿವರಿಗೆಂದು ಬಂದು ಮುದ್ದಿನ ನಾಯಿಯನ್ನೇ ಕದ್ದ ಜೊಮ್ಯಾಟೋ ಸಿಬ್ಬಂದಿ!
ಅಕ್ಟೋಬರ್ 7 ರಂದು ಪುಣೆಯ ವಂದನಾ ಶಾ ಅವರ ಮನೆಯ ಸಾಕು ನಾಯಿ ನಾಪತ್ತೆಯಾಗಿತ್ತು. ಆ ನಾಯಿಯನ್ನು ಜೊಮ್ಯಾಟೋ ಸಿಬ್ಬಂದಿಯೊಬ್ಬ ಕದ್ದೊಯ್ದಿದ್ದನ್ನು ನೋಡಿದ್ದಾಗಿ ಇನ್ನೊಬ್ಬ ಸಿಬ್ಬದಿಯೇ ಹೇಳಿದ್ದ.
ನಂತರ ನಾಯಿಯನ್ನು ಕದ್ದಿದ್ದಾನೆ ಎನ್ನಲಾದ ಜೊಮ್ಯಾಟೋ ಸಿಬ್ಬಂದಿಗೆ ವಂದನಾ ಶಾ ಅವರು ಫೋನ್ ಮಾಡಿದರೆ, 'ತಾನು ನಾಯಿಯನ್ನು ಕದ್ದಿದ್ದಾಗಿ ತಿಳಿಸಿ, ಅದನ್ನು ದೂರದ ಊರಿಗೆ ಕಳಿಸಿಬಿಟ್ಟಿದ್ದೇನೆ. ತನಗೆ ಆ ನಾಯಿ ತುಂಬಾ ಹಿಡಿಸಿತ್ತು' ಎಂದಿದ್ದಾನೆ.
ನಂತರ ಈ ಕುರಿತು ನಾಯಿಯ ಮಾಲೀಕರು ಪೊಲೀಸರಿಗೂ ದೂರು ನೀಡಿದ್ದರು.