ಮೈಮೇಲೆ ಮೆಟ್ರೋ ರೈಲು ಹರಿದರೂ ಯುವತಿ ಪವಾಡದಂತೆ ಪಾರು
ನವದೆಹಲಿ, ಮಾರ್ಚ್ 13: ಮೈಮೇಲೆ ಮೆಟ್ರೋ ರೈಲು ಹರಿದರೂ ಯುವತಿ ಪವಾಡದಂತೆ ಬದುಕಿ ಬಂದಿರುವ ಘಟನೆ ನವದೆಹಲಿಯಲ್ಲಿ ನಡೆದಿದೆ.
ಕೈ ತಪ್ಪಿ ಹಳಿಯ ಮೇಲೆ ಬಿದ್ದಿರುವ 2 ಸಾವಿರ ರೂವನ್ನು ಎತ್ತಿಕೊಳ್ಳಲು ಕೆಳಗಿಳಿದಿದ್ದ ಯುವತಿ ಮೇಲೆ ಮೆಟ್ರೋ ಹರಿದಿದೆ.ಆದರೆ ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಆಕೆ ಪಾರಾಗಿದ್ದಾಳೆ.
ಮೆಟ್ರೋ ರೈಲು ಇನ್ನುಮುಂದೆ ಪ್ರತಿ 8 ನಿಮಿಷಕ್ಕೊಂದು ಸಂಚರಿಸಲಿದೆ
ಬೆಳಗ್ಗೆ 10.30 ಸುಮಾರಿಗೆ ಫ್ಲ್ಯಾಟ್ಫಾರ್ಮ್ ಮೇಲೆ ನಿಂತಿದ್ದ ಯುವತಿಯೊಬ್ಬಳು ನೀಲಿ ಲೈನ್ನಲ್ಲಿ ಸಂಚರಿಸುವ ಮೆಟ್ರೊಗಾಗಿ ಕಾಯುತ್ತಿದ್ದಳು.
ಆಕೆಯ ಕೈಯಲ್ಲಿದ್ದ 2000 ರೂಪಾಯಿ ನೋಟೊಂದು ಹಾರಿ ಹಳಿಯ ಮೇಲೆ ಬಿದ್ದಿದೆ. ಅಷ್ಟರಲ್ಲಿ ಮೆಟ್ರೊ ಕೂಡ ಬಂದಿದೆ. ಆದರೆ ನೋಟನ್ನು ಎತ್ತಿಕೊಳ್ಳುವ ಭರದಲ್ಲಾಕೆ ಮೆಟ್ರೋ ಬರುತ್ತಿರುವುದು ನೋಡದೆ ಕೆಳಗೆ ಹಾರಿದ್ದಾಳೆ.
ಆರು ಬೋಗಿ ಮೆಟ್ರೋ ಸೇವಾವಧಿ ಒಂದು ಗಂಟೆ ವಿಸ್ತರಣೆ
ಮೆಟ್ರೊ ಬರುತ್ತಿರುವುದು ಆಕೆಯ ಗಮನಕ್ಕೆ ಬಂದಿದೆ. ಹೀಗಾಗಿ ಪ್ರಾಣ ಕಾಪಾಡಿಕೊಳ್ಳಲು ಹಳಿಯ ಮಧ್ಯೆ ಮಲಗಿ ಬಿಟ್ಟಿದ್ದಾರೆ. ಅಲ್ಲಿದ್ದವರೆಲ್ಲ ಯುವತಿ ಸತ್ತಿದ್ದಾಳೆ ಎಂಬ ಆತಂಕದಿಂದ ನೋಡುತ್ತಿರುವಾಗ ಆಕೆ ಕೈಯಲ್ಲಿ 2ಸಾವಿರ ರೂಪಾಯಿ ನೋಟು ಹಿಡಿದುಕೊಂಡು ಎದ್ದು ಬಂದಿದ್ದಾಳೆ. ಸಣ್ಣಪುಟ್ಟ ಗಾಯಗಳನ್ನು ಬಿಟ್ಟರೆ ಆಕೆ ಸುರಕ್ಷಿತವಾಗಿದ್ದಾಳೆ ಎಂದು ತಿಳಿದುಬಂದಿದೆ.