ಮೃತ ಪತಿಯ ವೀರ್ಯಕ್ಕಾಗಿ ಬೇಡಿಕೆ ಇಟ್ಟ ಪತ್ನಿ
ನವದೆಹಲಿ, ಜುಲೈ 11: ಆಲ್ ಇಂಡಿಯಾ ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್ ನ ವೈದ್ಯರ ಮುಂದೆ ನಂಬಲಸಾಧ್ಯವಾದ ಬೇಡಿಕೆಯೊಂದು ಬಂದಿದೆ. ಮೃತ ಪತಿಯ ವೀರ್ಯ ತೆಗೆದುಕೊಡಿ ಎಂದು ಪತ್ನಿಯೊಬ್ಬರು ಮನವಿ ಮಾಡಿಕೊಂಡಿದ್ದಾರೆ.
ಇತ್ತೀಚೆಗೆ ಆಸ್ಪತ್ರೆಗೆ ತರುವಾಗ ದಾರಿಮಧ್ಯದಲ್ಲಿ ಯುವಕನೊಬ್ಬ ಮೃತಪಟ್ಟಿದ್ದ. ಸಂತಾನಭಾಗ್ಯ ಕಾಣದ ಆತನ ಪತ್ನಿ ಈಗ ತನ್ನ ಪತಿಯ ವೀರ್ಯದಿಂದಲೇ ಸಂತಾನ ಪಡೆಯಲು ಇಚ್ಛಿಸಿದ್ದಾರೆ ಎಂದು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.[Manufacturing Defect: ಪುರುಷ ನಾಶ ಸನ್ನಿಹಿತ]
ಈ ದಂಪತಿಗೆ ಮದುವೆಯಾಗಿ ಕೆಲ ವರ್ಷವಾಗಿದ್ದು, ಇನ್ನೂ ಮಕ್ಕಳಾಗಿರಲಿಲ್ಲ. ಇತ್ತೀಚೆಗೆ ಮೃತ ಪಟ್ಟ ಯುವಕನ ತಂದೆ ತಾಯಿ ಕೂಡಾ ಸೊಸೆಯ ಮನವಿಗೆ ದನಿಗೂಡಿಸಿದ್ದಾರೆ
ಹ್ಯೂಮನ್ ರಿಪ್ರೊಡಕ್ಟಿವ್ ಸೈನ್ಸಸ್ ಎಂಬ ನಿಯತಕಾಲಿಕದಲ್ಲಿ ಬರೆದ ಲೇಖನವೊಂದರಲ್ಲಿ ಈ ವಿಷಯವನ್ನು ವೈದ್ಯರು ಬಹಿರಂಗಪಡಿಸಿದ್ದಾರೆ. ಭವಿಷ್ಯದಲ್ಲಿ ಇಂಥ ಗೊಂದಲ ತಪ್ಪಿಸಲು ಸೂಕ್ತ ಮಾರ್ಗಸೂಚಿ ಸಿದ್ಧಪಡಿಸುವಂತೆ ವೈದ್ಯರು ಮನವಿ ಮಾಡಿದ್ದಾರೆ.
ಎಐಐಎಂಎಸ್ನ ವಿಧಿವಿಜ್ಞಾನ ವಿಭಾಗದ ಮುಖ್ಯಸ್ಥ ಡಾ.ಸುಧೀರ್ ಗುಪ್ತಾ ಅವರ ಪ್ರಕಾರ, ವ್ಯಕ್ತಿಯೊಬ್ಬ ಮೃತಪಟ್ಟ ಒಂದು ದಿನದವರೆಗೂ ಆತನ ವೃಷಣದಲ್ಲಿ ವೀರ್ಯ ಜೀವಂತವಿರುತ್ತದೆ. ಅದನ್ನು ಸಂಗ್ರಹಿಸುವುದು ಸುಲಭ ವಿಧಾನ. ಕೇವಲ ಐದು ನಿಮಿಷದಲ್ಲಿ ವೀರ್ಯವನ್ನು ಹೊರತೆಗೆಯಬಹುದು. ಆದರೆ, ಇದರಲ್ಲಿ ನೈತಿಕ ಹಾಗೂ ಕಾನೂನು ಸಂಕೀರ್ಣತೆಗಳಿವೆ ಎಂದಿದ್ದಾರೆ.[ಈ ದಂಪತಿಗಳಿಗೆ ಐಐಟಿ ವಿದ್ಯಾರ್ಥಿಯ ವೀರ್ಯವೇ ಬೇಕಂತೆ!]
ದೇಶದಲ್ಲಿ ಎಆರ್ಟಿ ನಿಯಮಾವಳಿಯ ಪ್ರಕಾರ, ಮೃತ ಪತಿಯ ವೀರ್ಯವನ್ನು ಕೃತಕ ಗರ್ಭಧಾರಣೆ ವಿಧಾನದ ಮೂಲಕ ಮಹಿಳೆಗೆ ಬಳಸಲು ಅವಕಾಶವಿದೆ. ಆದರೆ ಇದು ಪತಿ ಜೀವಂತವಿದ್ದಾಗ ಸಂಗ್ರಹಿಸಿದ ವೀರ್ಯವಾಗಿರಬೇಕು.