• search
  • Live TV
ನವದೆಹಲಿ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಸ್ಪುಟ್ನಿಕ್ ವಿ ಲಸಿಕೆ ಭಾರತಕ್ಕೆ ಬಂದು 2 ವಾರಗಳಾದರೂ, ಬಳಕೆಗೆ ಲಭ್ಯವಿಲ್ಲ ಯಾಕೆ?

|

ನವದೆಹಲಿ, ಮೇ 14: ರಷ್ಯಾದ ಸ್ಪುಟ್ನಿಕ್ ವಿ ಲಸಿಕೆಗಳು ಮೇ 1 ರಂದೇ ಭಾರತದ ಹೈದರಾಬಾದ್‌ಗೆ ಬಂದಿವೆ. ಈಗಾಗಲೇ 14 ದಿನಗಳಾದರೂ ಇಲ್ಲಿಯವರೆಗೂ ಲಸಿಕೆ ಲಭ್ಯವಾಗಿಲ್ಲ ಮತ್ತು ಲಸಿಕೆಗಳು ಎಲ್ಲಿವೆ ಮತ್ತು ಅವು ಯಾವಾಗ ಬಳಕೆಗೆ ಸಿದ್ಧವಾಗುತ್ತವೆ ಎಂಬುದರ ಬಗ್ಗೆ ಸ್ಪಷ್ಟತೆ ಇಲ್ಲ. ಭಾರತದಲ್ಲಿ ಪ್ರತಿದಿನ 3 ಲಕ್ಷಕ್ಕೂ ಹೆಚ್ಚು ಕೋವಿಡ್ -19 ಹೊಸ ಪ್ರಕರಣಗಳು ವರದಿಯಾಗುತ್ತಿರುವ ಮತ್ತು ಲಸಿಕೆಗಾಗಿ ಅನೇಕ ರಾಜ್ಯಗಳು ಹೆಣಗಾಡುತ್ತಿರುವ ಸಂದರ್ಭದಲ್ಲಿ ಸ್ಪುಟ್ನಿಕ್ ವಿ ಲಸಿಕೆ ಸಿಗದಂತಾಗಿದೆ.

      Sputnik V ಲಸಿಕೆ ಕೊಡೋಕೆ ಸರ್ಕಾರ ಹಿಂದೇಟು ಹಾಕುತ್ತಿರುವುದು ಏಕೆ | Oneidndia Kannada

      ಮೂಲಗಳ ಪ್ರಕಾರ, ರಷ್ಯಾದಿಂದ ಭಾರತಕ್ಕೆ ಆಗಮಿಸಿದ 1,50,000 ಸ್ಪುಟ್ನಿಕ್ ವಿ ಲಸಿಕೆಗಳ ಮೊದಲ ಬ್ಯಾಚ್ ಅನ್ನು ಶಿಷ್ಟಾಚಾರದ ಪ್ರಕಾರ, ರಷ್ಯಾದ ಲಸಿಕೆಯ 100 ಮಾದರಿಗಳ ಬ್ಯಾಚ್ ಅನ್ನು ಪರೀಕ್ಷೆಗೆ ಹಿಮಾಚಲ ಪ್ರದೇಶದ ಕಸೌಲಿ ಮೂಲದ ಕೇಂದ್ರ ಔಷಧ ಪ್ರಯೋಗಾಲಯಕ್ಕೆ (ಸಿಡಿಎಲ್) ಕಳುಹಿಸಲಾಗಿದೆ. ಈಗಾಗಲೇ 14 ದಿನಗಳು ಕಳೆದಿದ್ದರೂ ಸ್ಕ್ರೀನಿಂಗ್ ಇನ್ನೂ ಪೂರ್ಣಗೊಂಡಿಲ್ಲ.

      ಲಸಿಕೆಗಳನ್ನು ಪರೀಕ್ಷಿಸಲಾಗುತ್ತಿದೆ ಏಕೆ?

      ಲಸಿಕೆಗಳನ್ನು ಪರೀಕ್ಷಿಸಲಾಗುತ್ತಿದೆ ಏಕೆ?

      ಆಮದು ಮಾಡಿಕೊಳ್ಳುವ ಲಸಿಕೆಗಳನ್ನು ಪರೀಕ್ಷಿಸುವುದು ಶಿಷ್ಟಾಚಾರ ಎಂದು ಸರ್ಕಾರದ ಮೂಲಗಳು ಬಹಿರಂಗಪಡಿಸಿದ್ದು, ಸಿಡಿಎಲ್ ಕಾರ್ಯನಿರ್ವಹಿಸುವ ಡ್ರಗ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ (ಡಿಸಿಜಿಐ) ಈ ಶಿಷ್ಟಾಚಾರವನ್ನು ನಿಗದಿಪಡಿಸಿದೆ. "ರಾಷ್ಟ್ರೀಯ ಕೋವಿಡ್ -19 ವ್ಯಾಕ್ಸಿನೇಷನ್ ಕಾರ್ಯಕ್ರಮದ ಅಡಿಯಲ್ಲಿ ಬಳಸುವ ಮೊದಲು, ತಯಾರಕ ಲಸಿಕೆಯ ಪ್ರತಿ ಬ್ಯಾಚ್ ಅನ್ನು ಸಿಡಿಎಲ್, ಕಸೌಲಿಯಲ್ಲಿ ಪರೀಕ್ಷಿಸಲು ಅಗತ್ಯವಾಗಿರುತ್ತದೆ ಎಂದು ನೀತಿ ದಾಖಲೆಯಲ್ಲಿ ತಿಳಿಸಲಾಗಿದೆ.

      ಲಸಿಕೆಗಳ ಬ್ಯಾಚ್-ಪರೀಕ್ಷೆಯು ಇತರ ಅಂಶಗಳ ನಡುವೆ ಸಂತಾನಹೀನತೆ, ವಿಷತ್ವ, ಪರಿಣಾಮಕಾರಿತ್ವ ಅಥವಾ ಲಸಿಕೆ ಬ್ಯಾಚ್‌ನ ಯಾವುದೇ ರೀತಿಯ ಹಾನಿಕಾರಕದ ಬಗ್ಗೆ ಪರೀಕ್ಷೆ ಒಳಗೊಂಡಿರುತ್ತದೆ.

      ಸ್ಪುಟ್ನಿಕ್ ವಿ: WHO ಅನುಮೋದಿಸಿಲ್ಲವೇ?

      ಸ್ಪುಟ್ನಿಕ್ ವಿ: WHO ಅನುಮೋದಿಸಿಲ್ಲವೇ?

      ಲಸಿಕೆ ಬ್ಯಾಚ್-ಪರೀಕ್ಷಾ ಪ್ರಕ್ರಿಯೆಯ ಫಲಿತಾಂಶ ನೀಡಲು ಕನಿಷ್ಠ 10 ದಿನಗಳನ್ನು ತೆಗೆದುಕೊಳ್ಳುತ್ತದೆ. ಲಸಿಕೆಗಳ ತೆರವು ತ್ವರಿತಗೊಳಿಸಲು, ಲಸಿಕೆಗಳನ್ನು ಪರೀಕ್ಷಿಸಲು ಕನಿಷ್ಠ ಸಮಯವನ್ನು 28 ದಿನಗಳಿಂದ 10 ದಿನಗಳವರೆಗೆ ಕಡಿಮೆ ಮಾಡಲಾಗಿದೆ ಎಂದು ಕೇಂದ್ರ ಸರ್ಕಾರದ ಮೂಲಗಳು ತಿಳಿಸಿವೆ.

      ಆದಾಗ್ಯೂ, ಯುಎಸ್ ನ FDA ಅಥವಾ ಡಬ್ಲ್ಯುಎಚ್ಒ ಅಥವಾ ಯುರೋಪಿಯನ್ ಡ್ರಗ್ ರೆಗ್ಯುಲೇಟರ್ ನಂತಹ ಹೆಚ್ಚು ವಿಶ್ವಾಸಾರ್ಹ ಔಷಧ ನಿಯಂತ್ರಕಗಳಿಂದ ಸ್ಪುಟ್ನಿಕ್ ವಿ ಲಸಿಕೆಯನ್ನು ಇನ್ನೂ ಅನುಮೋದಿಸಲಾಗಿಲ್ಲ. ಬ್ಯಾಚ್ ವಿತರಿಸುವ ಮೊದಲು ಅದನ್ನು ಪರೀಕ್ಷಿಸಲು ಭಾರತ ಮೂಲ ಶಿಷ್ಟಾಚಾರವನ್ನು ಅನುಸರಿಸುತ್ತಿದೆ. ಈ ಪ್ರಕ್ರಿಯೆಯು ಈಗ ಭಾರತದಲ್ಲಿ ಬಳಕೆಯ ಅನಿರ್ದಿಷ್ಟ ವಿಳಂಬಕ್ಕೆ ಕಾರಣವಾಗಿದೆ.

      ಪ್ರತಿ ಡೋಸ್‌ಗೆ ಬೆಲೆ ಏನೆಂದು ಸ್ಪಷ್ಟವಿಲ್ಲ

      ಪ್ರತಿ ಡೋಸ್‌ಗೆ ಬೆಲೆ ಏನೆಂದು ಸ್ಪಷ್ಟವಿಲ್ಲ

      ದೆಹಲಿಯಲ್ಲಿ ಯಾವಾಗ ಸ್ಪುಟ್ನಿಕ್ ವಿ ಲಸಿಕೆಗಳನ್ನು ಬಳಸಲಾಗುತ್ತದೆ ಎಂದು ದೆಹಲಿ ಸರ್ಕಾರಕ್ಕೆ ತಿಳಿದಿಲ್ಲ ಎಂದು ದೆಹಲಿ ಆರೋಗ್ಯ ಸಚಿವ ಸತ್ಯೇಂದರ್ ಜೈನ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. "ನಮಗೆ ಇನ್ನೂ ಏನನ್ನೂ ತಿಳಿಸಿಲ್ಲ ಅಥವಾ ಸ್ಪುಟ್ನಿಕ್ ವಿಯ ಯಾವುದೇ ಡೋಸ್ ಅನ್ನು ಪೂರೈಸಲಾಗಿಲ್ಲ' ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ. ದರಗಳನ್ನು ಸಾರ್ವಜನಿಕವಾಗಿ ಪ್ರಕಟಿಸದ ಕಾರಣ ಪ್ರತಿ ಡೋಸ್‌ಗೆ ಬೆಲೆ ಏನೆಂದು ಇನ್ನೂ ಸ್ಪಷ್ಟವಾಗಿಲ್ಲ ಎಂದರು.

      ಮುಂದಿನ ವಾರ ಮಾರುಕಟ್ಟೆಯಲ್ಲಿ ಲಭ್ಯ

      ಮುಂದಿನ ವಾರ ಮಾರುಕಟ್ಟೆಯಲ್ಲಿ ಲಭ್ಯ

      ಅದೇ ರೀತಿ ಗುರುವಾರ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ನೀತಿ ಆಯೋಗದ ಸದಸ್ಯ ಡಾ.ವಿ.ಕೆ ಪೌಲ್ ಅವರು, ಮುಂದಿನ ವಾರದಲ್ಲಿ ಲಸಿಕೆ ಮಾರುಕಟ್ಟೆಗೆ ಬರಲಿದೆ ಎಂಬ ಭರವಸೆ ಇದೆ. "ಸ್ಪುಟ್ನಿಕ್ ವಿ ಲಸಿಕೆ ಭಾರತಕ್ಕೆ ಬಂದಿದೆ. ಮುಂದಿನ ವಾರ ಇದು ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದೆ ಎಂದು ಹೇಳಲು ನನಗೆ ಸಂತೋಷವಾಗಿದೆ. ಅಲ್ಲಿಂದ (ರಷ್ಯಾ) ಬಂದಿರುವ ಸೀಮಿತ ಪೂರೈಕೆಯ ಮಾರಾಟ ಮುಂದಿನ ವಾರದಿಂದ ಪ್ರಾರಂಭವಾಗಲಿದೆ ಎಂದು ನಾವು ಭಾವಿಸುತ್ತೇವೆ" ಎಂದು ಅವರು ಹೇಳಿದರು.

      English summary
      Russian Sputnik V vaccines have arrived in Hyderabad on May 1. but the vaccine has not been available for use.
      ತಾಜಾ ಸುದ್ದಿ ತಕ್ಷಣ ಪಡೆಯಿರಿ
      Enable
      x
      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X