"ನಾಪತ್ತೆ ಪಟ್ಟಿಯಲ್ಲಿ ರಾಹುಲ್ ಹೆಸರು. ಇದೇ ಸಂಸದರ ಸಾಧನೆ!" ಬಿಜೆಪಿ ವ್ಯಂಗ್ಯ

ನವದೆಹಲಿ, ಅಕ್ಟೋಬರ್ 09: "ರಾಹುಲ್ ಗಾಂಧಿ ಗುಜರಾತಿಗೆ ಭೇಟಿ ನೀಡಿದ್ದರಿಂದ ಯಾವ ಪ್ರಯೋಜನವೂ ಆಗಿಲ್ಲ. ಕಾಂಗ್ರೆಸ್ ಶಾಸಕ, ಸಂಸದರ ಕೆಲವು ಕ್ಷೇತ್ರಗಳಲ್ಲೇ, ನಾಪತ್ತೆಯಾದವರ ಪಟ್ಟಿಯಲ್ಲಿ ರಾಹುಲ್ ಗಾಂಧಿ ಹೆಸರನ್ನು ಸೇರಿಸಿರುವುದೇ ಅವರ ಜನಪ್ರಿಯತೆ ಏನು ಎಂಬುದಕ್ಕೆ ಸಾಕ್ಷಿ" ಎಂದು ಬಿಜೆಪಿ ನಾಯಕ ಸಯ್ಯದ್ ಜಾಪರ್ ಇಸ್ಲಾಂ ಹೇಳಿದ್ದಾರೆ.

ಗುಜರಾತಿನಲ್ಲಿ ಓಡಾಡುವಾಗ ಹಲವು ಕಡೆಗಳಲ್ಲಿ 'ಮಿಸ್ಸಿಂಗ್' ಪಟ್ಟಿಯಲ್ಲಿ ರಾಹುಲ್ ಗಾಂಧಿಯವರ ಹೆಸರು ನೋಡಿದ್ದೇನೆ. ಒಬ್ಬ ಸಂಸದರ ಸಾಧನೆ ಏನು ಎಂಬುದಕ್ಕೆ ಇದೇ ಸಾಕ್ಷಿ ಎಂದು ಅವರು ವ್ಯಂಗ್ಯವಾಗಿ ಹೇಳಿದ್ದಾರೆ.

ರಾಹುಲ್ ಗಾಂಧಿ ಎಲ್ಲಿಗೇ ಹೋದರೂ, ಲಿಖಿತ ಭಾಷಣವನ್ನು ಓದಿಬರುತ್ತಾರೆ. ಅದರ ಅರ್ಥವೂ ಅವರಿಗೆ ತಿಳಿದಿರುವುದಿಲ್ಲ. ಅವರೇ ಸದಾ ಗೊಂದಲದಲ್ಲಿರುತ್ತಾರೆ. ಹೀಗಿರುವಾಗ ಅವರ ಪಕ್ಷದ ಸದಸ್ಯರಿಗೆ ಮಾರ್ಗದರ್ಶನ ನೀಡಲು ಹೇಗೆ ಸಾಧ್ಯ ಎಂದು ಅವರು ಪ್ರಶ್ನಿಸಿದ್ದಾರೆ.

English summary

The Bharatiya Janata Party (BJP) on Monday mocked Congress vice-president Rahul Gandhi over his visit to Gujarat, stating that it is not going to make much of a difference.