ಹೈದರಾಬಾದ್ನಲ್ಲಿ ಬಟ್ಟೆ ಖರೀದಿಗೆ ಮುಗಿಬಿದ್ದ ಜನ: ಅಸಲಿ ಕಥೆಯೇನು?
ದೆಹಲಿ, ಮೇ 22: ಕೊರೊನಾ ವೈರಸ್ ಹರಡುವ ಭೀತಿ ಇಲ್ಲದೇ ನೂರಾರು ಜನ ಮಾರುಕಟ್ಟೆಯಲ್ಲಿ ಜಮಾಯಿಸಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಹೈದರಾಬಾದಿನ ಮದೀನಾ ಮಾರ್ಕೆಟ್ ವಿಡಿಯೋ ಎನ್ನಲಾಗುತ್ತಿದೆ.
Recommended Video
ಸಾಲಾಗಿ ಬಟ್ಟೆ ಅಂಗಡಿಗಳಿದ್ದು, ಪ್ರತಿ ಅಂಗಡಿ ಮುಂದೆಯೂ ಜನ ತುಂಬಿದ್ದಾರೆ. ಯಾವುದೇ ಹಬ್ಬಕ್ಕೆ ಅಥವಾ ಸಮಾರಂಭಕ್ಕೆ ಬಟ್ಟೆ ಖರೀದಿಸುವಂತೆ ಜನ ಮುಗಿಬಿದ್ದಾರೆ. ಲಾಕ್ಡೌನ್ ಜಾರಿಯಲ್ಲಿದ್ದರೂ ಯಾವುದೇ ಅಂಜಿಕೆ ಇಲ್ಲದೆ ಹೈದರಾಬಾದ್ ಜನ ಮಾರುಕಟ್ಟೆಯಲ್ಲಿ ಸೇರಿದ್ದಾರೆ ಎಂಬ ಟೀಕೆ ವ್ಯಕ್ತವಾಗಿತ್ತು.
Fake: ಲಾಕ್ಡೌನ್ನಿಂದ ರೈಲು ಬೋಗಿ ನಡುವೆ ಕುಳಿತು ಮಹಿಳೆ ಪ್ರಯಾಣ
ಆದರೆ, ಈ ವಿಡಿಯೋ ಹೈದರಾಬಾದ್ ಮಾರ್ಕೆಟ್ ಅಲ್ಲ, ಇದು ಪಾಕಿಸ್ತಾನ ವಿಡಿಯೋ ಎಂದು ಖಚಿತವಾಗಿದೆ. ಪಾಕಿಸ್ತಾನಿ ಸುದ್ದಿ ವಾಹಿನಿಯ ಪತ್ರಕರ್ತರೊಬ್ಬರು ಈ ವಿಡಿಯೋ ಹಂಚಿಕೊಂಡಿದ್ದು, ಈದ್ ಹಬ್ಬಕ್ಕೆ ಪಾಕಿಸ್ತಾನದಲ್ಲಿ ಜನರು ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ' ಎಂದು ವಿವರಿಸಿದ್ದಾರೆ.
While the rest of the world is hunkering down, this is one scene in Pakistan.
— Muhammad Lila (@MuhammadLila) May 20, 2020
Stores opening up, with a mad rush to stock up ahead of Eid.
It's not happening everywhere, but enough to make you 🤦pic.twitter.com/yn003WnfWw
ದೇಶದಲ್ಲಿ ಲಾಕ್ಡೌನ್ ವಿನಾಯಿತಿ ನೀಡಿದ ಮೇಲೆ ಜನರು ಈದ್ ಹಬ್ಬಕ್ಕೆ ತಯಾರಾಗುತ್ತಿದ್ದಾರೆ ಎಂದು ಟ್ವಿಟ್ಟರ್ನಲ್ಲಿ ವಿಡಿಯೋ ಶೇರ್ ಮಾಡಿದ್ದಾರೆ. ಈ ವಿಡಿಯೋವನ್ನು ಮೇ 20ರಂದೇ ಪೋಸ್ಟ್ ಮಾಡಿದ್ದಾರೆ.
ಮುಂದಿನ ವಾರದಲ್ಲಿ ರಂಜಾನ್ ಹಬ್ಬವಿದೆ. ಕೊರೊನಾ ಭೀತಿಯಲ್ಲೂ ಹಬ್ಬದ ಆಚರಣೆಗೆ ಪಾಕಿಸ್ತಾನ ಮುಂದಾಗಿದೆ. ಈವರೆಗೂ ಪಾಕಿಸ್ತಾನದಲ್ಲಿ 50,694 ಜನರಿಗೆ ಕೊರೊನಾ ಸೋಂಕು ತಗುಲಿದೆ. 1067 ಜನರು ಸೋಂಕಿನಿಂದ ಮೃತಪಟ್ಟಿರುವ ಬಗ್ಗೆ ವರದಿಯಾಗಿದೆ.