ಭಾರತ ಯುದ್ಧನೌಕೆಗಳ ಮೇಲೆ ದಾಳಿಗೆ ತಂತ್ರ ರೂಪಿಸಿದೆ ಪಾಕ್ ಉಗ್ರಸಂಘಟನೆ

ನವದೆಹಲಿ, ಜುಲೈ 19: ಭಾರತ ಯುದ್ಧನೌಕೆಗಳ ಮೇಲೆ ದಾಳಿಕೆ ಪಾಕ್‌ನ ಉಗ್ರ ಸಂಘಟನೆ ಜೈಷೆ-ಇ-ಮೊಹಮ್ಮದ್ ಭಾರಿ ತಂತ್ರವನ್ನೇ ರೂಪಿಸಿದೆ.

ಗುಪ್ತಚರ ಇಲಾಖೆ ವರದಿ ಪ್ರಕಾರ ಜೈಷೆ-ಇ-ಮೊಹಮ್ಮದ್ ಉಗ್ರ ಸಂಘಟನೆಯು ಭಾರತದ ಯುದ್ಧ ನೌಕೆಗಳನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸಲೆಂದೇ ತನ್ನ ಭಯೋತ್ಪಾದಕರಿಗೆ ಆಳ ಸಮುದ್ರದ ಮುಳುಗು ತರಬೇತಿ ನೀಡುತ್ತಿದೆ.

ಪಾಕಿಸ್ತಾನದ ಬಹುವಲ್ಪುರ ಬಳಿ ಸಮುದ್ರದಲ್ಲಿ ಈ ತರಬೇತಿಯನ್ನು ಉಗ್ರರಿಗೆ ನೀಡಲಾಗುತ್ತಿದ್ದು, ಆಳ ಸಮುದ್ರದಲ್ಲಿ ಈಜುವುದು, ದಾಳಿ ಸಾಮಗ್ರಿಗಳನ್ನು ಹೊತ್ತೊಯ್ಯುವುದು ಇದೇ ಮೊದಲಾದ ಪಿತೂರಿಗಳು ತರಬೇತಿಯ ಭಾಗವಾಗಿವೆ.

ಗುಪ್ತಚರ ಇಲಾಖೆಯ ಎಚ್ಚರಿಕೆಯನ್ನು ಭಾರತೀಯ ಜಲ ಸೇನೆ ಗಂಭಿರವಾಗಿ ಪರಿಗಣಿಸಿದ್ದು, ಭಯತ್ಪಾದಕರ ದಾಳಿಯನ್ನು ವಿಫಲಗೊಳಿಸಲು ಹಾಗೂ ದಾಳಿಯನ್ನು ಎದುರಿಸಲು ಸರ್ವ ರೀತಿಯಲ್ಲಿ ಸಜ್ಜಾಗಿದೆ.

ಉಗ್ರರು ಭಾರತೀಯ ಸಬ್‌ಮೆರಿನ್‌ಗಳು, ಯುದ್ಧನೌಕೆಗಳು, ಕ್ಷಿಪಣಿ ಉಡಾಯನಾ ನೌಕೆಗಳನ್ನು ಗುರಿಯಾಗಿಸಿಕೊಳ್ಳಲು ಪ್ರಮುಖ ಕಾರಣ ತಿಳಿದಿಲ್ಲ, ಆದರೆ ತಜ್ಞರು ಇದೊಂದು ಪಾಕ್ ಮಿಲಿಟರಿ ಪ್ರೇರಿತ ತಂತ್ರ ಇರಬಹುದೆಂಬ ಲೆಕ್ಕಾಚಾರ ಹಾಕಿದ್ದಾರೆ.

English summary

Jaish-e-Mohammad terrorists being trained in Pakistan to attack on Indian Navy. Terrorists were getting trained about deep see swimming.