ಸೌದಿ ಅರೇಬಿಯಾದಿಂದ ಭಾರತಕ್ಕೆ ಸಿಗಲಿದೆ ಹೆಚ್ಚುವರಿ ತೈಲ
ನವದೆಹಲಿ, ಅಕ್ಟೋಬರ್ 10: ಇರಾನ್ ಮೇಲಿನ ಅಮೆರಿದಕ ನಿರ್ಬಂಧ ನವೆಂಬರ್ನಲ್ಲಿ ಜಾರಿಯಾಗಲಿರುವುದರಿಂದ ತೀವ್ರ ತೈಲ ಬಿಕ್ಕಟ್ಟಿಗೆ ಒಳಗಾಗಲಿರುವ ಭಾರತಕ್ಕೆ ಜಗತ್ತಿನ ಅತಿ ದೊಡ್ಡ ತೈಲ ರಫ್ತುದಾರ ಸೌದಿ ಅರೇಬಿಯಾ ನೆರವು ನೀಡಲಿದೆ ಎಂದು ವರದಿಗಳು ತಿಳಿಸಿವೆ.
ನವೆಂಬರ್ ತಿಂಗಳಿನಲ್ಲಿ ಭಾರತದ ತೈಲ ಖರೀದಿದಾರ ಸಂಸ್ಥೆಗಳಿಗೆ ಹೆಚ್ಚುವರಿಯಾಗಿ ನಾಲ್ಕು ಮಿಲಿಯನ್ ಬ್ಯಾರೆಲ್ ಕಚ್ಚಾ ತೈಲವನ್ನು ಸೌದಿ ಪೂರೈಕೆ ಮಾಡಲಿದೆ ಎನ್ನಲಾಗಿದೆ.
ಪೆಟ್ರೋಲ್ ಬೆಲೆ ಇಳಿಕೆ ಸುತ್ತ; ದೊರೆ ಮಾಡಿದ ತಪ್ಪಿಗೆ ದಂಡನೆ ಇಲ್ಲ!
ನವೆಂಬರ್ 4ರಂದು ಇರಾನ್ ಮೇಲಿನ ನಿರ್ಬಂಧ ಜಾರಿಯಾಗುತ್ತಿದ್ದಂತೆಯೇ ಭಾರತಕ್ಕೆ ರಫ್ತಾಗುತ್ತಿರುವ ಕಚ್ಚಾ ತೈಲದ ಪೂರೈಕೆಗೆ ಹೊಡೆತ ಬೀಳಲಿದೆ. ಹೀಗಾಗಿ ಭಾರತಕ್ಕೆ ನೆರವಾಗಲು ಸೌದಿ ಹೆಚ್ಚುವರಿ ಸರಕು ಸಾಗಣೆ ಹಡಗನ್ನು ಸಿದ್ಧಗೊಳಿಸುತ್ತಿದೆ.
ಇರಾನ್ನಿಂದ ಚೀನಾ ಅತಿ ಹೆಚ್ಚು ಪ್ರಮಾಣದಲ್ಲಿ ತೈಲ ಆಮದು ಮಾಡಿಕೊಳ್ಳುತ್ತಿದ್ದು, ಭಾರತ ಎರಡನೆಯ ಸ್ಥಾನದಲ್ಲಿದೆ. ನಿರ್ಬಂಧ ಜಾರಿಯಾಗಲಿರುವುದರಿಂದ ಅನೇಕ ತೈಲ ಸಂಸ್ಥೆಗಳು ಇರಾನ್ನಿಂದ ತೈಲ ಖರೀದಿಯನ್ನು ಸ್ಥಗಿತಗೊಳಿಸುವ ಸೂಚನೆ ನೀಡಿವೆ.
ಅತಿ ಕಡಿಮೆ ಬೆಲೆಗೆ ಪೆಟ್ರೋಲ್, ಡೀಸೆಲ್ ಅನ್ನು ವಿದೇಶಕ್ಕೆ ಮಾರುತ್ತಿದೆ ಕೇಂದ್ರ ಸರ್ಕಾರ!
ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್, ಹಿಂದುಸ್ತಾನ್ ಪೆಟ್ರೋಲಿಯಂ, ಭಾರತ್ ಪೆಟ್ರೋಲಿಯಂ ಮತ್ತು ಮಂಗಳೂರು ರಿಫೈನರಿ ಪೆಟ್ರೋಕೆಮಿಕಲ್ ಲಿಮಿಟೆಡ್ ಸಂಸ್ಥೆಗಳು ಸೌದಿ ಅರೇಬಿಯಾದಿಂದ ತಲಾ ಒಂದು ಮಿಲಿಯನ್ ಹೆಚ್ಚುವರಿ ಬ್ಯಾರೆಲ್ ನಿರೀಕ್ಷಿಸಿವೆ.
ಇರಾನ್ನಿಂದ ತೈಲ ಖರೀದಿ ನಿಲ್ಲಿಸಲು ಭಾರತಕ್ಕೆ ಹೆಚ್ಚುವರಿ ಕಾಲಾವಕಾಶ: ಅಮೆರಿಕ
ಇರಾನ್ ತೈಲ ಪೂರೈಕೆ ಮೇಲೆ ಹೆಚ್ಚಿನ ಅವಲಂಬನೆ ಹೊಂದಿರುವ ತೈಲ ಕಂಪೆನಿಗಳು ನಿರ್ಬಂಧ ಜಾರಿಯಾದರೆ ಉಂಟಾಗುವ ನಷ್ಟದ ಬಗ್ಗೆ ಕಳವಳ ವ್ಯಕ್ತಪಡಿಸಿವೆ. ಏಕೆಂದರೆ, ದೇಶದ ತೈಲ ರಿಫೈನರಿಗಳು ಇರಾನ್ನಿಂದ ನವೆಂಬರ್ನಲ್ಲಿ ಸುಮಾರು 9 ಮಿಲಿಯನ್ ಬ್ಯಾರೆಲ್ಗೆ ಬೇಡಿಕೆ ಇಟ್ಟಿದ್ದವು.