'ಭವಿಷ್ಯ' ಹೇಳುವ ಹಸುವಿನ ವಿಡಿಯೋ ಹಂಚಿದ ರಾಬರ್ಟ್ ವಾದ್ರಾ
ನವದೆಹಲಿ, ಜುಲೈ 28: ಭವಿಷ್ಯ ಹೇಳುವ ಹಸುವಿನ ಚಿತ್ರ, ವಿಡಿಯೋವೊಂದನ್ನು ಉದ್ಯಮಿ, ಪ್ರಿಯಾಂಕಾ ಗಾಂಧಿ ಪತಿ ರಾಬರ್ಟ್ ವಾದ್ರಾ ಭಾನುವಾರದಂದು ಹಂಚಿಕೊಂಡಿದ್ದಾರೆ.
ರಸ್ತೆಯಲ್ಲಿ ಹೋಗುವಾಗ 'ಭವಿಷ್ಯ' ತಿಳಿಸುವ ಹಸುವೊಂದನ್ನು ಕಂಡಿದ್ದಾಗಿ ವಾದ್ರಾ ಹೇಳಿಕೊಂಡಿದ್ದಾರೆ.
ಸೋನಿಯಾ ಅಳಿಯ ವಾದ್ರಾಗೆ ಅನಾರೋಗ್ಯ; ಆರು ವಾರಗಳ ಕಾಲ ವಿದೇಶದಲ್ಲಿ ಚಿಕಿತ್ಸೆಗೆ ದೆಹಲಿ ಕೋರ್ಟ್ ಅನುಮತಿ
"ರಸ್ತೆಗಿಳಿದರೆ ಕಲಿಯಲು ಸಾಕಷ್ಟು ವಿಷಯಗಳು ನಿಮ್ಮ ಕಣ್ಮುಂದೆ ಸಿಗುತ್ತವೆ, ಜನರಿಗೆ ನೆರವಾಗುವುದು, ಅವರ ನಿಷ್ಕಲ್ಮಶ ನಗು, ಧನ್ಯವಾದ ರೂಪದಲ್ಲಿ ಸಿಗುವ ರೋಜಾ ಹೂವು..ನಿಮ್ಮ ಭವಿಷ್ಯವನ್ನು ತಿಳಿಸುವ ಹಸು ಕೂಡಾ ನೋಡಬಹುದು, ನಿಮ್ಮ ಮನದ ಇಂಗಿತ ಅರಿತು, ನೀವು ಅಂದುಕೊಂಡಿದ್ದು ಆಗುವುದೋ ಇಲ್ಲವೋ ಎಂಬುದನ್ನು ತಲೆ ಅಲ್ಲಾಡಿಸುವುದರ ಮೂಲಕ ಹಸುಗಳು ತಿಳಿಸುತ್ತವೆ" ಎಂದು ವಾದ್ರಾ ತಮ್ಮ ಸಾಮಾಜಿಕ ಜಾಲ ತಾಣ ಖಾತೆಗಳಲ್ಲಿ ತಮಾಷೆಯಾಗಿ ಬರೆದುಕೊಂಡಿದ್ದಾರೆ.
ವಿವಿಧ ಸ್ಥಳಗಳಿಗೆ ಭೇಟಿ ನೀಡಿದ್ದರ ಬಗ್ಗೆ ಮಾಹಿತಿ ಹಂಚಿಕೊಳ್ಳುವ ವಾದ್ರಾ ಅವರು ವಿದೇಶ ಪ್ರಯಾಣ ಮಾಡಲು ಅನುಮತಿ ಪಡೆದುಕೊಂಡಿದ್ದಾರೆ. ಮನಿಲಾಂಡ್ರಿಂಗ್ ಕೇಸಿನ ಆರೋಪಿಯಾಗಿರುವ ರಾಬರ್ಟ್ ಅವರಿಗೆ 6 ವಾರಗಳ ಕಾಲ ಆರೋಗ್ಯ ತಪಾಸಣೆಗಾಗಿ ವಿದೇಶಕ್ಕೆ ತೆರಳಲು ಜೂನ್ 03ರಂದು ದೆಹಲಿ ಕೋರ್ಟ್ ಅನುಮತಿ ನೀಡಿದೆ.
Love India for its diversity/ versatility!U can go out in the streets & learn so much. Help people & see d appreciation in their genuine smiles/get roses in return. Interesting that u can know ur future by a sacred cow who nods its head in agreement. Love being part of my nation pic.twitter.com/S54XMOQz3t
— Robert Vadra (@irobertvadra) July 28, 2019
ಹಸುವಿನ ಬಗ್ಗೆ ಈ ನಡುವೆ ಸಾಮಾಜಿಕ ಜಾಲ ತಾಣದಲ್ಲಿ ಭಾರಿ ಚರ್ಚೆಯಾಗುತ್ತಿದೆ. ಉತ್ತರಾಖಂಡ್ ಮುಖ್ಯಮಂತ್ರಿ ತ್ರಿವೇಂದ್ರ ಸಿಂಗ್ ರಾವತ್ ಅವರು ಇತ್ತೀಚಿಗೆ ನೀಡಿದ ಹೇಳಿಕೆ ಸಾಕಷ್ಟು ಟ್ರಾಲ್ ಗಳಿಗೆ ಆಹಾರ ಒದಗಿಸಿತ್ತು. "ಹಸುಗಳು ಮಾತ್ರ ಉಸಿರು ಹೊರಬಿಟ್ಟಾಗ ಆಮ್ಲಜನಕ ಬರುತ್ತದೆ" ಎಂದಿದ್ದನ್ನು ಇಲ್ಲಿ ಸ್ಮರಿಸಬಹುದು.