Fake: SBI ಬ್ಯಾಂಕ್ನಲ್ಲಿ AePS ಪದ್ಧತಿ ವ್ಯವಹಾರ ಸ್ಥಗಿತಗೊಂಡಿಲ್ಲ
ದೆಹಲಿ, ಏಪ್ರಿಲ್ 13: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ ಎಇಪಿಎಸ್ ವಿಧಾನದ (AePS-Aadhar enabled Payment System) ವ್ಯವಹಾರ ಸ್ಥಗಿತಗೊಳಿಸಲಾಗಿದೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಆದರೆ, ಈ ಸುದ್ದಿ ಸುಳ್ಳು. ಇಂತಹ ಯಾವುದೇ ಹೊಸ ಬದಲಾವಣೆಯಲ್ಲಿ ಬ್ಯಾಂಕ್ ತಂದಿಲ್ಲ.
ಏಪ್ರಿಲ್ 14ರ ವರೆಗೂ ಎಇಪಿಎಸ್ (AePS) ಸರ್ವರ್ ಡೌನ್ ಇರುತ್ತೆ. ಹಾಗಾಗಿ, ಈ ಪದ್ಧತಿಯಲ್ಲಿ ವ್ಯವಹಾರವನ್ನು ತಾತ್ಕಲಿಕವಾಗಿ ರದ್ದುಗೊಳಿಸಲಾಗಿದೆ. ಒಂದು ವೇಳೆ ಎಇಪಿಎಸ್ ಬಳಸಿ ವ್ಯವಹಾರ ಮಾಡಿದ್ದೇ ಆದರೆ, ಆ ಹಣ ಮಂಜೂರು ಆಗುವುದಿಲ್ಲ. ಅದು ಸ್ಥಗಿತವಾಗುತ್ತೆ ಎನ್ನಲಾಗಿದೆ. ಆದರೆ ಇದು ಸುಳ್ಳು. ಆರ್ಬಿಐ ಇಂತಹ ಯಾವುದೇ ಸಲಹೆ ಸೂಚನೆಯನ್ನು ಇದುವರೆಗೂ ನೀಡಿಲ್ಲ.
ಬೆಂಗಳೂರಿನಲ್ಲಿ ಬ್ಯಾಂಕಿನಿಂದ ಗ್ರಾಹಕರ ಮನೆಗೆ ನಗದು ವಿತರಣೆ!
ಅಂದ್ಹಾಗೆ, ಗ್ರಾಮೀಣ ಪ್ರದೇಶದಲ್ಲಿ ಹೆಚ್ಚಾಗಿ ಎಇಪಿಎಸ್ ವಿಧಾನದಲ್ಲಿ ವ್ಯವಹಾರ ನಡೆಯುತ್ತೆ. ಈ ವಿಧಾನದಲ್ಲಿ ಖಾತೆ ಸಂಖ್ಯೆ ಮತ್ತು ಆಧಾರ್ ಸಂಖ್ಯೆ ನಮೂದಿಸಿದರೆ ಸಾಕು ಹಣ ವರ್ಗಾವಣೆ, ಪಾವತಿ ಸೇರಿದಂತೆ ಇನ್ನಿತರ ವ್ಯವಹಾರ ಮಾಡಬಹುದು.
ಎಇಪಿಎಸ್ ಅಂದ್ರೆ ಆಧಾರ್ ಮೂಲಕ ಬ್ಯಾಂಕಿಂಗ್ ಮತ್ತು ಹಣಕಾಸು ಸೇವೆಗಳನ್ನು ನೀಡುವುದು. ಈ ವಿಧಾನ ಬಳಸಿ ನೀವು ಹಣವನ್ನು ವರ್ಗಾಯಿಸಬಹುದು, ಪಾವತಿ ಮಾಡಬಹುದು, ಹಣವನ್ನು ಠೇವಣಿ ಮಾಡಬಹುದು, ಹಣವನ್ನು ಹಿಂಪಡೆಯಬಹುದು ಮತ್ತು ನಿಮ್ಮ ಬ್ಯಾಂಕ್ ಬ್ಯಾಲೆನ್ಸ್ ಬಗ್ಗೆ ವಿಚಾರಣೆ ಮಾಡಬಹುದು.
ಬಾಹ್ಯಾಕಾಶದ ಮೊದಲ ಅಪರಾಧ ಪ್ರಕರಣಕ್ಕೆ ಹೊಸ ಟ್ವಿಸ್ಟ್
ಲಕ್ಷಾಂತರ ಜನರು ಈ AePS ವಿಧಾನದ ಮೇಲೆ ಅವಲಂಬಿತವಾಗಿದ್ದಾರೆ. ಲಾಕ್ಡೌನ್ ಸಂದರ್ಭದಲ್ಲಿ ಇಂತಹ ಸುಳ್ಳು ಸುದ್ದಿಗಳಿಂದ ಸಾಮಾನ್ಯವಾಗಿ ಜನರು ಆತಂಕಕ್ಕೆ ಗುರಿಯಾಗಿದ್ದಾರೆ.