ಮೇ 22 ರಿಂದ ರೈಲ್ವೆ ಟಿಕೆಟ್ ಬುಕಿಂಗ್ ಕೌಂಟರ್‌ ಆರಂಭ

ನವದೆಹಲಿ, ಮೇ 21: ಮೇ 22 ರಿಂದ ರೈಲು ಟಿಕೆಟ್ ಬುಕಿಂಗ್ ಕೌಂಟರ್‌ ಸೌಲಭ್ಯ ದೇಶಾದ್ಯಂತ ಪ್ರಾರಂಭವಾಗಲಿದೆ. ಈ ವಿಷಯವನ್ನು ಟ್ವೀಟ್ ಮಾಡುವ ಮೂಲಕ ಕೇಂದ್ರ ರೈಲ್ವೆ ಸಚಿವ ಪಿಯೂಷ್ ಗೋಯಲ್ ತಿಳಿಸಿದ್ದಾರೆ.

ಅಂಚೆ ಕಚೇರಿ, ಸುವಿಧಾ ಕೇಂದ್ರ, ಐಆರ್‌ಸಿಟಿಸಿ ಅಧಿಕೃತ ಏಜೆಂಟ್‌, ಪಿಆರ್‌ಎಸ್ ಕೇಂದ್ರಗಳಲ್ಲಿ ಟಿಕೆಟ್‌ಗಳನ್ನು ಕಾಯ್ದಿರಿಸುವುದು ಹಾಗೂ ಟಿಕೆಟ್ ರದ್ದು ಮಾಡುವುದುನ್ನು ಮಾಡಬಹುದು ಎಂದು ಗೋಯಲ್ ತಿಳಿಸಿದ್ದಾರೆ.

ಜೂನ್ 1 ರಿಂದ ಎಸಿ ರೈಲುಗಳು ಹೊರತುಪಡಿಸಿ ಸಾಮಾನ್ಯ ರೈಲುಗಳು ಸಂಚಾರ ಪ್ರಾರಂಭವಾಗುತ್ತಿರುವುದರಿಂದ ರೈಲ್ವೆ ಸಚಿವಾಲಯ ಪ್ರಯಾಣಿಕರ ಅನುಕೂಲಕ್ಕೆ ಈ ಸೌಲಭ್ಯ ಕಲ್ಪಿಸಲಾಗಿದೆ ಎಂದು ತಿಳಿಸಿದ್ದಾರೆ.

ಅದಾಗ್ಯೂ ಕೊರೊನಾ ಲಾಕ್‌ಡೌನ್ ಇರುವುದರಿಂದ ಆಯಾ ರೈಲ್ವೆ ವಲಯಗಳು ಟಿಕೆಟ್ ಕೌಂಟರ್ ಆರಂಭ, ರದ್ದುಗೊಳಿಸುವ ಅಧಿಕಾರವನ್ನು ಹೊಂದಿರುತ್ತವೆ ಎಂದು ಗೋಯಲ್ ತಿಳಿಸಿದ್ದಾರೆ.

English summary

Railway Reservation Ticket Counters Across Country to Open From Tomorrow, Railway Minister Piyush Goyal confirms it.