"ನಾನು ಇಂದಿರಾ ಗಾಂಧಿ ಅಲ್ಲ, ಆದರೆ ಆಕೆಯಂತೆಯೇ ಕೆಲಸ ಮಾಡುತ್ತೇನೆ"
Recommended Video
ಕಾನ್ಪುರ, ಏಪ್ರಿಲ್ 20: "ಇಂದಿರಾ ಜೀ ಅವರಿಗೆ ಹೋಲಿಸಿದರೆ ನಾನು ಏನೇನೂ ಅಲ್ಲ. ಅವರು ದೇಶಕ್ಕಾಗಿ ಸಾಕಷ್ಟನ್ನು ಮಾಡಿದ್ದಾರೆ. ಅವರಂತೆಯೇ ನಾನು ಎಂದು ಹೋಲಿಸಿಕೊಳ್ಳುವುದು ತಪ್ಪು. ನಾನು ಖಂಡಿತಾ ಇಂದಿರಾ ಗಾಂಧಿ ಅಲ್ಲ. ಆದರೆ ಆಕೆಯಂತೆಯೇ ಕೆಲಸ ಮಾಡುತ್ತೇನೆ ಎಂದು ಭರವಸೆ ನೀಡಬಲ್ಲೆ" ಎಂದು ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವಾದ್ರಾ ಹೇಳಿದರು.
ಲೋಕ ಸಮರ: ವಯನಾಡಿನಲ್ಲಿ ಇಂದು ಸ್ಮೃತಿ, ಪ್ರಿಯಾಂಕಾ ರೋಡ್ ಶೋ
ಉತ್ತರ ಪ್ರದೇಶದ ಕಾನ್ಪುರದಲ್ಲಿ ಕಾರ್ಯಕ್ರಮವೊಂದರಲ್ಲಿ ಮಾತನಾಡುತ್ತಿದ್ದ ಅವರು, ತಮ್ಮನ್ನು ತಮ್ಮ ಅಜ್ಜಿ, ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರಿಗೆ ಹೋಲಿಸುವ ಜನರಿಗೆ ಪ್ರತಿಕ್ರಿಯೆ ನೀಡಿದರು. "ನಮ್ಮ ಅಜ್ಜಿಗೆ ಹೋಲಿಸಿಸದರೆ ನಾವು ಏನೂ ಅಲ್ಲ. ಆದರೆ ಈ ದೇಶದ ಸೇವೆ ಮಾಡುವ ಆಸೆ ಅವರ ಹೃದಯದಲ್ಲಿದ್ದಂತೆಯೇ ನನ್ನ ಹೃದಯದಲ್ಲೂ ಇದೆ, ನನ್ನ ಅಣ್ಣ(ರಾಹುಲ್ ಗಾಂಧಿ)ನ ಹೃದಯದಲ್ಲೂ ಇದೆ" ಎಂದು ಪ್ರಿಯಾಂಕಾ ಗಾಂಧಿ ಹೇಳಿದರು.
ಲೋಕಸಭಾ ಚುನಾವಣೆ 2019 : ವಿಶೇಷ ಪುಟ | ಗ್ಯಾಲರಿ
"ಬಿಜೆಪಿ ಸರ್ಕಾರ ಎಂದಿಗೂ ತನ್ನ ಸ್ವಾರ್ಥ, ಸ್ವಹಿತಾಸಕ್ತಿಗಾಗಿ ಕೆಲಸ ಮಾಡುತ್ತದೆ. ಅದಕ್ಕೆ ದೇಶದ ಅಭಿವೃದ್ಧಿ ಬೇಕಿಲ್ಲ" ಎಂದು ಅವರು ಬಿಜೆಪಿಯನ್ನು ತರಾಟೆಗೆ ತೆಗೆದುಕೊಂಡರು.