Click it and Unblock the Notifications
Just In
-
-
-
Don't Miss
-
ಈ ಎರಡು ದೇಶಗಳಿಗೆ ತಲಾ 10,000 ಟನ್ ಈರುಳ್ಳಿ ರಫ್ತು ಮಾಡಲು ಭಾರತ ಅನುಮತಿ -
ಶ್ರೀರಾಮನ ಸ್ಮರ್ಶಿಸಿದ ಸೂರ್ಯ ರಶ್ಮಿ..! 'ಸೂರ್ಯ ತಿಲಕ'ದ ಪ್ರಯೋಗ ಯಶಸ್ವಿ -
ರಾಯಲ್ ಎನ್ಫೀಲ್ಡ್ ಬೈಕಿಗೆ ನಡುಕ ಹುಟ್ಟುಸಿದ ಹೀರೋ ಬೈಕ್ ವಿತರಣೆ ಪ್ರಾರಂಭ: ರಸ್ತೆಗಿಳಿದು ಅಬ್ಬರಿಸುತ್ತಾ? -
ರೋಹಿತ್ ಮಾತನ್ನು ಗಂಭೀರವಾಗಿ ತೆಗೆದುಕೊಂಡ ದಿನೇಶ್ ಕಾರ್ತಿಕ್; ಟಿ20 ವಿಶ್ವಕಪ್ಗೆ ಆಯ್ಕೆ ಪಕ್ಕಾನಾ? -
ಅಂತೂ ಬಿಡುಗಡೆ ಆಯ್ತು ಮೊಟೊ G64 5G ಫೋನ್!..ಅಚ್ಚರಿ ಬೆಲೆ, ಆಕರ್ಷಕ ಫೀಚರ್ಸ್! -
ಚಂದನವನದಲ್ಲಿ ತ್ರಿವಿಕ್ರಮನಾಗಿ ಬೆಳೆದ ಹುಣಸೂರಿನ ವಾಮನಮೂರ್ತಿ ದ್ವಾರಕೀಶ್ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರಧಾನಿ ಮೋದಿ ಮುಖ "ಮಿಣಿ ಮಿಣಿ' ಮಿಂಚಲು ಕಾರಣ ಇದು..!
ನವದೆಹಲಿ, ಜನವರಿ 25: ಪ್ರಧಾನಿ ನರೇಂದ್ರ ಮೋದಿ ಅವರು ದಿನದ 18 ತಾಸು ಕೆಲಸ ಮಾಡುತ್ತಾರೆ. ತಪ್ಪದೇ ಯೋಗ ಮಾಡುತ್ತಾರೆ, ಸದಾ ದೇಶಕ್ಕಾಗಿ ಯೋಚಿಸುತ್ತಾ ಕ್ರಿಯಾಶೀಲರಾಗಿರುತ್ತಾರೆ ಎಂಬ ಮಾತು ಜನಜನಿತ.
ಮೋದಿ ಅವರು ಫಳಫಳನೇ ಹೊಳೆಯುವ ಕುರ್ತಾ ಪೈಜಾಮಿನಲ್ಲಿ ಮಿಂಚುವುಕ್ಕಿಂತ, ಬಿಳಿ ಗಡ್ಡದಲ್ಲಿ ಅವರ ಆಕರ್ಷಕ ಮುಖಕಾಂತಿ ಹೆಚ್ಚು ಹೊಳೆಯುತ್ತದೆ ಎಂದು ಹಲವರು ಹೇಳುತ್ತಾರೆ. ಮೋದಿ ಮುಖಕಾಂತಿ ಕೂಡ ಅವರ ಟೀಕಾಕಾರರಿಗೆ ಹಲವು ಬಾರಿ ಆಹಾರವಾಗಿದೆ. ಆದರೆ, ಮೋದಿ ಅವರ ಮುಖಕಾಂತಿಗೆ ಅಸಲಿ ಕಾರಣ ಏನು? ಎಂಬುದನ್ನು ಸ್ವತಃ ಮೋದಿ ಅವರೇ ಬಹಿರಂಗಪಡಿಸಿದ್ದಾರೆ.
ಶುಕ್ರವಾರ ನವದೆಹಲಿಯಲ್ಲಿ ನಡೆದ ಪ್ರಧಾನಮಂತ್ರಿ ರಾಷ್ಟ್ರೀಯ ಬಾಲ ಪುರಸ್ಕಾರ ಕಾರ್ಯಕ್ರಮದಲ್ಲಿ ತಮ್ಮ ಹೊಳೆಯುವ ಮುಖಕಾಂತಿಯ ರಹಸ್ಯವನ್ನು ಮೋದಿ ಬಹಿರಂಗಪಡಿಸಿದ್ದಾರೆ.
ಬೆವರಿನಲ್ಲಿಯೇ ಮುಖ ಮಸಾಜ್ ಮಾಡಿಕೊಳ್ಳುತ್ತೇನೆ
ಮೋದಿ ಅವರು ಬಾಲ ಪುರಸ್ಕಾರ ಸಮಾರಂಭದಲ್ಲಿ ಮಕ್ಕಳನ್ನುದ್ದೇಶಿಸಿ ಮಾತನಾಡುತ್ತಾ, ""ಹಲವು ವರ್ಷಗಳ ಹಿಂದೆ ಯಾರೋ ಒಬ್ಬರು ನನ್ನ ಬಳಿ ಕೇಳಿದ್ದರು. ನಿಮ್ಮ ಮುಖ ಇಷ್ಟೊಂದು ಕಾಂತಿಯುಕ್ತವಾಗಿರಲು ಕಾರಣ ಏನು ಎಂದು. ಆಗ ನಾನು ತುಂಬ ಸರಳವಾಗಿ ಅವರಿಗೆ ಉತ್ತರಿಸಿದ್ದೆ. ನಾನು ಕಷ್ಟಪಟ್ಟು ಕೆಲಸ ಮಾಡುತ್ತೇನೆ. ಆಗ ಮುಖದಿಂದ ಬೆವರಿಳಿಯುತ್ತದೆ. ಕೆಲಸ ಮಾಡಿ ಬೆವರಿನಲ್ಲಿಯೇ ನನ್ನ ಮುಖ ಮಸಾಜ್ ಮಾಡಿಕೊಳ್ಳುತ್ತೇನೆ. ಹಾಗಾಗಿಯೇ ನನ್ನ ಮುಖ ಫಳ ಫಳ ಹೊಳೆಯುತ್ತದೆ ಎಂದು ಹೇಳಿದ್ದೆ'' ಎಂದು ನರೇಂದ್ರ ಮೋದಿ ಹೇಳಿದ್ದಾರೆ.
ಮಕ್ಕಳು ದೈಹಿಕ ಶ್ರಮ ಪಡಬೇಕು
""ನೀರು ಮತ್ತು ಜ್ಯೂಸ್ ಕುಡಿದರೆ ಮಾತ್ರ ಆರೋಗ್ಯವಾಗಿರುವುದಿಲ್ಲ. ಶಾರೀರಿಕವಾಗಿ ನಾವು ದಿನನಿತ್ಯ ಚಟುವಟಿಕೆಯಿಂದಿರಬೇಕು. ಅಂದಾಗ ಮಾತ್ರ ನಮ್ಮ ಮುಖ ಇತರರಿಗೆ ಕಾಂತಿಯುಕ್ತವಾಗಿ ಕಾಣುತ್ತದೆ'' ಎಂದು ಮೋದಿ ಅವರು ಮಕ್ಕಳಿಗೆ ದೈಹಿಕ ಶ್ರಮದ ಮಹತ್ವವನ್ನು ಅರಿವು ಮಾಡಿಸಿದ್ದಾರೆ. ಪ್ರಧಾನ ಮಂತ್ರಿ ಬಾಲ ಪುರಸ್ಕಾರ ಪ್ರಶಸ್ತಿಯನ್ನು 5ರಿಂದ 18 ವರ್ಷದೊಳಗಿನ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಮಕ್ಕಳಿಗೆ ಪ್ರತಿವರ್ಷ ನೀಡಲಾಗುತ್ತದೆ. ಪ್ರಶಸ್ತಿಯು ಪದಕ, 1 ಲಕ್ಷ ರೂಪಾಯಿ ನಗದು ಮತ್ತು ಪ್ರಮಾಣಪತ್ರಗಳನ್ನು ಹೊಂದಿರುತ್ತದೆ.
ಮುಖ ಹೊಳೆಯಲು ಅಣಬೆ ತಿನ್ನುತ್ತಾರೆ
ಮೋದಿಯವರ ಹೊಳೆಯುವ ಮುಖ ಕಾಂತಿ ಬಗ್ಗೆ ಸಾಕಷ್ಟು ಚರ್ಚೆಗಳು ನಡೆದಿವೆ, ನಡೆಯುತ್ತಿವೆ. "ಮೋದಿಯವರು ತಮ್ಮ ಮುಖ ಫಳಫಳನೇ ಹೊಳೆಯಲು ಸಾಕಷ್ಟು ಖರ್ಚು ಮಾಡುತ್ತಾರೆ. ದುಬಾರಿ ಮೇಕಪ್ ಮಾಡಿಕೊಳ್ಳುತ್ತಾರೆ ಎಂದು ಟೀಕಿಸಿದ್ದರು. ಶಾಸಕ ಅಲ್ಪೇಶ್ ಠಾಕೂರ್ ಕಾಂಗ್ರೆಸ್‌ನಲ್ಲಿದ್ದಾಗ (ಈಗ ಬಿಜೆಪಿ), ಮೋದಿ ಮುಖ ಕಾಂತಿಗಾಗಿ ತೈವಾನ್ ದೇಶದ 80 ಸಾವಿರ ರುಪಾಯಿ ಬೆಲೆಯ ಅಣಬೆ (ಮಶ್ರೂಮ್) ತಿನ್ನುತ್ತಾರೆ. ದಿನಕ್ಕೆ ಇಂತಹ ಐದು ಅಣಬೆಗಳನ್ನು ಮೋದಿ ತಿನ್ನುತ್ತಾರೆ ಎಂದು ಎಂದು ಅವರ ವಿರೋಧಿಗಳು ಟೀಕಿಸಿದ್ದರು.
ಪ್ರತಿದಿನ ವ್ಯಾಕ್ಸ್ ಮಾಡಿಸಿಕೊಳ್ಳುತ್ತಾರೆ
ಮೋದಿ ಅವರಿಗೆ ಚುಚ್ಚು ಮಾತುಗಳ ಮೂಲಕ ಸದಾ ಟೀಕಿಸುವ ಕರ್ನಾಟಕದ ಮಾಜಿ ಮುಖ್ಯಮಂತ್ರಿ ಎಚ್ ಡಿ ಕುಮಾರಸ್ವಾಮಿ ಅವರೂ ಸಹ ಮೋದಿ ಮುಖ ಕಾಂತಿಯ ಬಗ್ಗೆ ಕಾಮೆಂಟ್ ಮಾಡಿದ್ದರು. ನರೇಂದ್ರ ಮೋದಿ ಪ್ರತಿದಿನ ಬೆಳಿಗ್ಗೆ ವ್ಯಾಕ್ಸ್ ಮಾಡಿಸಿಕೊಂಡು ಮನೆಯಿಂದ ಹೊರಡುತ್ತಾರೆ. ಹಾಗಾಗಿ ಅವರ ಮುಖ ಫಳಫಳ ಹೊಳೆಯುತ್ತದೆ ಎಂದು ಟೀಕಿಸಿದ್ದರು.
