ನಾಳೆ ನಿವೃತ್ತಿ ಹೊಂದಲಿದ್ದಾರೆ ಸಿಜೆಐ ರಂಜನ್ ಗೊಗೊಯ್: z+ಭದ್ರತೆ ಮುಂದುವರಿಕೆ
ನವದೆಹಲಿ ನವೆಂಬರ್ 16: ಸುಪ್ರೀಂಕೋರ್ಟ್ನ ಮುಖ್ಯನ್ಯಾಯಮೂರ್ತಿ ರಂಜನ್ ಗೊಗೊಯ್ ಅಧಿಕಾರಾವಧಿ ನಾಳೆಗೆ(ನವೆಂಬರ್17) ಅಂತ್ಯವಾಗಲಿದೆ. ಆದರೆ ಅವರಿಗೆ ನೀಡಲಾಗಿರುವ z+ಭದ್ರತೆಯನ್ನು ಮುಂದುವರಿಯಲಿದೆ.ಸಿಜೆಐ ರಂಜನ್ ಗೊಗೊಯ್ ಅಸ್ಸಾಂ ನಲ್ಲಿ ನಿವೃತ್ತಿ ಜೀವನವನ್ನು ಕಳೆಯಲಿದ್ದಾರೆ.
ರಂಜನ್ ಗೊಗೊಯ್ ಅವರ ದಿಬ್ರುಘರ್ನಲ್ಲಿರುವ ಮನೆ ಹಾಗೂ ಗುವಾಹಟಿಯಲ್ಲಿರುವ ಮತ್ತೊಂದು ಮನೆಗೂ ಪೊಲೀಸ್ ಭದ್ರತೆಯನ್ನು ನೀಡಲಾಗಿದೆ. ಅಯೋಧ್ಯೆ ತೀರ್ಪು ಹಿನ್ನೆಲೆಯಲ್ಲಿ ಮುಖ್ಯನ್ಯಾಯಮೂರ್ತಿ ಹಾಗೂ ನ್ಯಾಯಪೀಠದ ಇತರ ನಾಲ್ವರು ನ್ಯಾಯಮೂರ್ತಿಗಳಿಗೆ z+ಭದ್ರತೆಯನ್ನು ನೀಡಲಾಗಿದೆ.
ಅಯೊಧ್ಯೆ ತೀರ್ಪಿನ ನಂತರ ದೇವಾಲಯಕ್ಕೆ ತೆರಳಿದ ಸಿಜೆಐ, ಪತ್ನಿ: ವಿಡಿಯೋ ವೈರಲ್
ರಾಜಕೀಯ ಹಾಗೂ ಧಾರ್ಮಿಕ ಸೂಕ್ಷ್ಮತೆಯ ಪ್ರಕರಣವಾದ ಅಯೋಧ್ಯಾ ತೀರ್ಪು ಹಿನ್ನೆಲೆಯಲ್ಲಿ ನ್ಯಾಯಮೂರ್ತಿಗಳ ಭದ್ತೆಯನ್ನು z+ಗೆ ಏರಿಸಲಾಗಿತ್ತು. ಶತಮಾನಗಳಷ್ಟು ಹಳೆಯ ಪ್ರಕರಣವಾದ ರಾಮಜನ್ಮಭೂಮಿ ವಿವಾದವನ್ನು ಇತ್ಯರ್ಥಗೊಳಿಸುವ ಜವಾಬ್ಧಾರಿ ಸಿಜೆಐ ಪೀಠದ ಮುಂದಿತ್ತು. ಅಕ್ಟೋಬರ್ 16ರವರೆಗೆ ಸುಧೀರ್ಘ ವಿಚಾರಣೆಯನ್ನು ಈ ಪೀಠ ನಡೆಸಿತ್ತು. ಇದೇ ತಿಂಗಳ 9ರಂದು ಐತಿಹಾಸಿಕ ತೀರ್ಪನ್ನು ನೀಡಲಾಗಿತ್ತು.
z+ ಸೆಕ್ಯೂರಿಟಿ ಭಾರತದಲ್ಲಿ ನೀಡುವ ಉನ್ನತ ಭದ್ರತೆಯಾಗಿದೆ. ಪ್ರದಾನಿಗಳಿಗೆ ನೀಡುವ ಎಸ್ಪಿಜಿ ತಂಡದ ಬಳಿಕ ರಾಷ್ಟ್ರದ ಅತ್ಯುನ್ನದ ಭದ್ರತಾ ತಂಡ ಇದಾಗಿದೆ. ಸಿಎಪಿಎಫ್ ಹಾಗೂ ಸಿಆರ್ಪಿಎಫ್ನ 55 ಸಿಬ್ಬಂದಿಗಳು ಭದ್ರತೆಯನ್ನು ನೀಡುತ್ತಾರೆ. ಇದರಲ್ಲಿ 10 ಎನ್ಎಸ್ಜಿ ಕಮಾಂಡೋಗಳೂ ಇರುತ್ತಾರೆ.