• search
  • Live TV
ನವದೆಹಲಿ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಪಟಾಕಿ ಮಾರಾಟಕ್ಕೆ ನಿಷೇಧವಿಲ್ಲ, ಸುಪ್ರೀಂ ವಿಧಿಸಿದ ಷರತ್ತುಗಳೇನು?

|

ನವದೆಹಲಿ, ಅಕ್ಟೋಬರ್ 23: ಪಟಾಕಿ ಮಾರಾಟಕ್ಕೆ ನಿಷೇಧವಿಲ್ಲ ಎಂಬ ಸುಪ್ರೀಂ ಕೋರ್ಟ್ ಆದೇಶ ಹಲವರಲ್ಲಿ ನಿರಾಳತೆ ಮೂಡಿಸಿರಬಹುದು. ಆದರೆ ಈ ಆದೇಶದ ಜೊತೆಗೇ ಸುಪ್ರೀಂ ಕೋರ್ಟ್ ಕೆಲವು ಷರತ್ತುಗಳನ್ನು ವಿಧಿಸಿದೆ.

ನವೆಂಬರ್ 6 ರಿಂದ 8 ರವರೆಗೆ ಕನಿಷ್ಠ ಮೂರುದಿನಗಳ ಕಾಲ ನಡೆಯಲಿರುವ ದೀಪಾವಳಿಗೂ ಮುನ್ನ ಸುಪ್ರೀಂ ಕೋರ್ಟ್ ನೀಡಿದ ಈ ಆದೇಶ ಪಟಾಕಿ ಪ್ರಿಯರ ಮುಖದಲ್ಲಿ ಮಂದಹಾಸ ಬೀರಿಸಿದೆ. ಪಟಾಕಿಯಿಂದ ಪರಿಸರ ಮಾಲಿನ್ಯವಾಗುತ್ತದೆ ಎಂಬ ಕೂಗು ಹೆಚ್ಚಿರುವ ಹಿನ್ನೆಲೆಯಲ್ಲಿ ಪಟಾಕಿ ಮಾರಾಟದ ಮೇಲೆ ನಿಷೇಧ ಹೇರಲು ಕೋರಲಾಗಿತ್ತು.

ಪಟಾಕಿ ಮಾರಾಟಕ್ಕೆ ನಿಷೇಧವಿಲ್ಲ, ಆದರೆ ಷರತ್ತುಗಳು ಅನ್ವಯ: ಸುಪ್ರೀಂ

ನ್ಯಾ.ಎಕೆ ಸಿಕ್ರಿ ಮತ್ತು ನ್ಯಾ.ಅಶೋಕ್ ಭೂಷಣ್ ಅವರಿದ್ದ ದ್ವೀಸದಸ್ಯ ಪೀಠ ಈ ಪ್ರಕರಣದ ವಿಚಾರಣೆ ನಡೆಸಿದ್ದು, ಇಂದು ಮಹತ್ವದ ಆದೇಶ ನೀಡಿದೆ.

ಅಂಗಡಿ, ಮಳಿಗೆಗಳಲ್ಲಿ ಪಟಾಕಿ ಮಾರಾಟಕ್ಕೆ ಅವಕಾಶ ನೀಡಿದರೂ ಆನ್ ಲೈನ್ ಮೂಲಕ ಪಟಾಕಿ ಮಾರಾಟ ಮಾಡುವಂತಿಲ್ಲ ಎಂದು ನ್ಯಾಯಾಲಯ ಖಡಕ್ ಆದೇಶ ನೀಡಿದೆ.

ಅಷ್ಟಕ್ಕೂ ಪಟಾಕಿ ಮಾರಾಟಕ್ಕೆ ಸುಪ್ರೀಂ ಕೋರ್ಟ್ ವಿಧಿಸಿದ ಷರತ್ತುಗಳು ಯಾವವು?

ಪಟಾಕಿ ಸಿಡಿಸೋಕೆ ನಿರ್ದಿಷ್ಟ ಸಮಯ!

ಪಟಾಕಿ ಸಿಡಿಸೋಕೆ ನಿರ್ದಿಷ್ಟ ಸಮಯ!

ದೀಪಾವಳಿಯ ಸಮಯದಲ್ಲಿ ರಾತ್ರಿ 8 ಗಂಟೆಯಿಂದ 10 ಗಂಟೆಯವರೆಗೆ ಮಾತ್ರವೇ ಪಟಾಕಿ ಸಿಡಿಸಲು ಸುಪ್ರೀಂ ಕೋರ್ಟ್ ಅನುಮತಿ ನೀಡಿದೆ. ಜೊತೆಗೆ ಕ್ರಿಸ್ ಮಸ್ ಮತ್ತು ಹೊಸ ವರ್ಷಗಳ ಸಮಯದಲ್ಲಿ ರಾತ್ರಿ 11:55 ರಿಂದ 12:30(ರಾತ್ರಿ) ರವರೆಗೆ ಮಾತ್ರವೇ ಪಟಾಕಿ ಸಿಡಿಸಬಹುದು ಎಂದು ಅದು ಹೇಳಿದೆ.

ಹೆಚ್ಚು ಹೊಗೆ ಉಗುಳುವ ಪಟಾಕಿಗೆ ಕಡಿವಾಣ

ಹೆಚ್ಚು ಹೊಗೆ ಉಗುಳುವ ಪಟಾಕಿಗೆ ಕಡಿವಾಣ

ಹೆಚ್ಚು ಹೆಚ್ಚು ಹೊಗೆಯುಗುಳುವ ಪಟಾಕಿಯಿಂದಾಗಿ ವಾಯುಮಾಲಿನ್ಯವಾಗುತ್ತಿದೆ ಎಂಬ ಕೂಗು ಕೇಳಿಬಂದ ಹಿನ್ನೆಲೆಯಲ್ಲಿ ಕಡಿಮೆ ಹೊಗೆಯುಗುಳುವ ಪಟಾಕಿಗಳ ಮಾರಾಟಕ್ಕಷ್ಟೇ ಅನುಮತಿ ನೀಡುವಂತೆ ಸುಪ್ರೀಂ ಕೋರ್ಟ್ ಹೇಳಿದೆ.

ಢಂ ಢಂ ಪಟಾಕಿನ ಧಾಂ ಧೂಂ ಅಂತ ಎಲ್ಲೆಂದರಲ್ಲಿ ಮಾರುವಹಾಗಿಲ್ಲ!

ಹೆಚ್ಚು ಶಬ್ದ ಆಡುವ ಪಟಾಕಿಗೂ ಜಾಗವಿಲ್ಲ!

ಹೆಚ್ಚು ಶಬ್ದ ಆಡುವ ಪಟಾಕಿಗೂ ಜಾಗವಿಲ್ಲ!

ಹೊಗೆಯುಗುಳುವ ಪಟಾಕಿ ಮಾತ್ರವಲ್ಲದೆ, ಹೆಚ್ಚು ಶಬ್ದ ಮಾಡುವ ಪಟಾಕಿಯನ್ನೂ ಬಳಸುವಂತಿಲ್ಲ ಎಂದು ಸುಪ್ರೀಂ ಕೋರ್ಟ್ ಹೇಳಿದೆ. ಹೆಚ್ಚು ಶಬ್ದ ಮಾಡುವ ಚೈನ್ ಕ್ರಾಕರ್ಸ್ ಮುಂತಾದವುಗಳ ಮೇಲೆ ನಿಷೇಧ ಹೇರಲು ಅದು ಅನುಮತಿ ನೀಡಿದೆ.

ಲೈಸೆನ್ಸ್ ಇಲ್ಲದ ಅಂಗಡೀಲಿ ಕೊಳ್ಳಬೇಡಿ!

ಲೈಸೆನ್ಸ್ ಇಲ್ಲದ ಅಂಗಡೀಲಿ ಕೊಳ್ಳಬೇಡಿ!

ಪಟಾಕಿ ಮಾರಾಟಕ್ಕೆ ಇರುವ ನಿಯಮಗಳನ್ನು ಉಲ್ಲಂಘಿಸದ, ಸುಪ್ರೀಂ ಆದೇಶಗಳನ್ನು ಪಾಲಿಸುವ, ಲೈಸೆನ್ಸ್ ಹೊಂದಿರುವ ವ್ಯಾಪಾರಿಗಳಿಗಷ್ಟೇ ಪಟಾಕಿ ಮಾರಾಟಕ್ಕೆ ಅವಕಾಶ ನೀಡಲಾಗುತ್ತದೆ.

ದೀಪಾವಳಿಗೆ ಪಟಾಕಿ ಹೊಡೆಯಬೇಕಿಲ್ಲ, ಸಿಹಿ ಹಂಚಿದರೂ ಸಾಕು: ಸುಪ್ರೀಂಕೋರ್ಟ್

ಶಬ್ದಕ್ಕೆ ಮಿತಿ

ಶಬ್ದಕ್ಕೆ ಮಿತಿ

ಜುಲೈ 2005 ತೀರ್ಪಿನಲ್ಲಿ ವಿಧಿಸಿದ ಶಬ್ದಮಾಲಿನ್ಯ ಮಿತಿಯ ನಿಯಮವನ್ನು ಕಡ್ಡಾಯವಾಗಿ ಪಾಲಿಸುವವರು ಮಾತ್ರವೇ ಪಟಾಕಿಯನ್ನು ಮಾರಾಟ ಮಾಡಬಹುದು ಎಂದು ಸುಪ್ರೀಂ ಹೇಳಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
No ban on sale of firecrackers: What are the conditions by Supreme Court? Amid huge concerns over pollution, firecrackers have been allowed by the Supreme Court, but with conditions. Only less polluting crackers will be allowed, for a limited time and in designated areas, the court said, rejecting an outright ban.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more