ಜೆಟ್ ಏರ್ವೇಸ್ ನಿಜಕ್ಕೂ ಫ್ರೀ ಟಿಕೆಟ್ ಕೊಡುತ್ತಾ? ವೈರಲ್ ಆದ ಸಂದೇಶ
ನವದೆಹಲಿ, ಮೇ 24: ಬೆಳ್ಳಿಹಬ್ಬದ ಸಂಭ್ರಮದಲ್ಲಿರುವ ಜೆಟ್ ಏರ್ವೇಸ್, ಎರಡು ಟಿಕೆಟ್ಗಳನ್ನು ಉಚಿತವಾಗಿ ಪಡೆಯುವ ಅವಕಾಶ ನೀಡುತ್ತಿದೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
ವಿಮಾನ ಪ್ರಯಾಣಿಕರು ಟಿಕೆಟ್ ಕ್ಯಾನ್ಸಲ್ ಮಾಡಿದರೆ ಶುಲ್ಕವಿಲ್ಲ!
ತನ್ನ 25ನೇ ವರ್ಷಾಚರಣೆ ಪ್ರಯುಕ್ತ ಜೆಟ್ ಏರ್ವೇಸ್ ಸಂಸ್ಥೆಯು ಪ್ರತಿ ಕುಟುಂಬಕ್ಕೂ ಎರಡು ಉಚಿತ ಟಿಕೆಟ್ಗಳನ್ನು ನೀಡುತ್ತಿದೆ. ಸೀಮಿತ ಸಂಖ್ಯೆಯ ಟಿಕೆಟ್ಗಳು ಬಾಕಿ ಉಳಿದಿವೆ. ಈ ಸಂದೇಶವನ್ನು ನಿಮ್ಮ ವಾಟ್ಸ್ಆಪ್ನಲ್ಲಿ 20 ಸ್ನೇಹಿತರು ಮತ್ತು ಗುಂಪುಗಳಿಗೆ ಕಳುಹಿಸಿ. 'ಕ್ಲೈಮ್ ಟಿಕೆಟ್ಸ್' ಮೇಲೆ ಕ್ಲಿಕ್ ಮಾಡಿ, ನಿಮ್ಮ ವಿಳಾಸ ವಿವರ ನಮೂದಿಸಿ. 24ರಿಂದ 48 ಗಂಟೆಯಲ್ಲಿ ನಿಮ್ಮ ಇಮೇಲ್ಗೆ ಟಿಕೆಟ್ ಬರಲಿದೆ ಎಂಬ ಸಂದೇಶ ವೈರಲ್ ಆಗಿದೆ.
#FakeAlert There's a fake link being circulated regarding ticket giveaways for our 25th Anniversary. This is not an official contest/giveaway and we advise caution. Genuine contests & giveaways are hosted only on our verified social media accounts, indicated with a blue tick. pic.twitter.com/NvJrFaq3aL
— Jet Airways (@jetairways) 23 May 2018
ಇದನ್ನು ನಂಬಿದ ಅನೇಕರು ಜೆಟ್ ಏರ್ವೇಸ್ನಲ್ಲಿ ಉಚಿತ ಟಿಕೆಟ್ ಪಡೆಯಲು ಮುಗಿಬಿದ್ದಿದ್ದಾರೆ. ಆದರೆ, ಈ ಸುದ್ದಿ ಶುದ್ಧ ಸುಳ್ಳು. ಈ ವದಂತಿಗೆ ಕಿವಿಗೊಡಬೇಡಿ ಎಂದು ಜೆಟ್ ಏರ್ವೇಸ್ ಮನವಿ ಮಾಡಿದೆ.
#FakeAlert ಎಂಬ ಹ್ಯಾಷ್ಟ್ಯಾಗ್ ಬಳಸಿ ಟ್ವೀಟ್ ಮಾಡಿರುವ ಜೆಟ್ ಏರ್ವೇಸ್, ನಮ್ಮ 25ನೇ ವರ್ಷಾಚರಣೆಗೆ ಪ್ರಯುಕ್ತ ಟಿಕೆಟ್ ವಿತರಣೆ ಸಂಬಂಧ ಸುಳ್ಳು ಸುದ್ದಿ ಹರಡಲಾಗುತ್ತಿದೆ. ಈ ರೀತಿ ಸಂಸ್ಥೆ ಅಧಿಕೃತ ಸ್ಪರ್ಧೆ ಅಥವಾ ಕೊಡುಗೆ ನೀಡುತ್ತಿಲ್ಲ. ಎಚ್ಚರಿಕೆ ವಹಿಸುವಂತೆ ಸಲಹೆ ನೀಡುತ್ತಿದ್ದೇವೆ. ಯಾವುದೇ ಬಗೆಯ ಸ್ಪರ್ಧೆ ಅಥವಾ ಕೊಡುಗೆಗಳಿದ್ದಲ್ಲಿ ನಮ್ಮ ಅಧಿಕೃತ ಸಾಮಾಜಿಕ ತಾಣದ ಖಾತೆಗಳಲ್ಲಿ ಪ್ರಕಟಿಸುತ್ತೇವೆ ಎಂದು ಸ್ಪಷ್ಟನೆ ನೀಡಿದೆ.