ಲೋಕಸಭೆಯಲ್ಲಿ ಕಾಶ್ಮೀರ ವಿಭಜನೆ ಮಸೂದೆ ಅಂಗೀಕಾರ: ಬಿದ್ದ ಮತಗಳೆಷ್ಟು?

ನವದೆಹಲಿ, ಆಗಸ್ಟ್ 06: ರಾಜ್ಯಸಭೆಯಲ್ಲಿ ಈಗಾಗಲೇ ಅಂಗೀಕಾರವಾಗಿದ್ದ ಜಮ್ಮು ಕಾಶ್ಮೀರ ವಿಭಜನೆ ವಿಧೇಯಕವು ಇಂದು ಲೋಕಸಭೆಯಲ್ಲಿ ಬಹುಮತದೊಂದಿಗೆ ಅಂಗೀಕಾರವಾಗಿದೆ.

ನಿನ್ನೆಯಿಂದಲೂ ಲೋಕಸಭೆ ಯಲ್ಲಿ ಚರ್ಚೆ ನಡೆದ ಬಳಿಕ ಇಂದು ಸಂಜೆ ವಿಧೇಯಕವನ್ನು ಸ್ಪೀಕರ್ ಓಮ್ ಬಿರ್ಲಾ ಅವರು ಮೊದಲಿಗೆ ದ್ವನಿ ಮತಕ್ಕೆ ಹಾಕಿದರು. ಆ ನಂತರ ಎಲೆಕ್ಟ್ರಾನಿಕ್ ಯಂತ್ರದ ಮೂಲಕ ಮತದಾನ ಮಾಡಲು ಅವಕಾಶ ನೀಡಲಾಯಿತು.

ವಿಧೇಯಕದ ಪರವಾಗಿ ಒಟ್ಟು 370 ಮತಗಳು ಬಂದವು, ವಿಧೇಯಕದ ವಿರುದ್ಧವಾಗಿ 70 ಮತಗಳು ಬಂದಿವೆ. ಸದನದಲ್ಲಿ ಇಂದಿನ ಒಟ್ಟು ಸಂಖ್ಯೆ 440 ಆಗಿತ್ತು.

ವಿಶೇಷವೆಂದರೆ ಕಾಶ್ಮೀರಕ್ಕೆ ವಿಶೇಷ ಸ್ಥಾನ-ಮಾನ ನೀಡಿದ್ದ 370 ನೇ ವಿಧಿಯನ್ನು ರದ್ದು ಮಾಡುವ ವಿಧೇಯಕಕ್ಕೆ ಬರೋಬ್ಬರಿ 370 ಮತಗಳೇ ಪರವಾಗಿ ಬಂದಿವೆ. 70 ಮಂದಿ ವಿರುದ್ಧವಾಗಿ ಮತ ಚಲಾಯಿಸಿದ್ದಾರೆ.

ಮಸೂದೆ ಅಂಗೀಕಾರವಾಗುತ್ತಲೆ, ಸದನದಲ್ಲಿ ಬಿಜೆಪಿ ಸದಸ್ಯರು ಘೋಷಣೆಗಳನ್ನು ಕೂಗಿ ಹರ್ಷ ವ್ಯಕ್ತಪಡಿಸಿದರು. ಮಸೂದೆ ಮಂಡಿಸಿದ ಅಮಿತ್ ಶಾ ಅವರಿಗೆ ಅಭಿನಂದನೆಗಳ ಸುರಿಮಳೆ ಸುರಿಸಲಾಯಿತು. ನಿನ್ನೆ ರಾಜ್ಯಸಭೆಯಲ್ಲೂ ಸಹ ಈ ಮಸೂದೆ ಬಹುಮತದಿಂದ ಅಂಗೀಕಾರವಾಗಿತ್ತು.

English summary

Jammu and Kashmir division bill approved in Lok Sabha by 370 votes. 70 MPs voted against the bill.