IM ಭಯೋತ್ಪಾದನೆ ಭೀತಿ ಎದುರಿಗೇ ಇದೆ - ಗುಪ್ತಚರ
ಈ Indian Mujahideen ಸಂಘಟನೆ ದೇಶೀಯವಾಗಿಯೇ ಅಸ್ತಿತ್ವ/ ಚಾಲನೆಗೆ ಬಂದಿದೆಯಾದರೂ ಅದರ ಸೂತ್ರಧಾರರು ಖಂಡಿತ ಪಾಕಿಸ್ತಾನದಲ್ಲಿದ್ದಾರೆ. ಭಾರತದ ವಿರುದ್ಧ ಪಾಕಿಸ್ತಾನವು ಇಂತಹ ಉಗ್ರರನ್ನು ನಿರಂತರವಾಗಿ ಪೋಷಿಸುತ್ತಾ ಬಂದಿದೆ. ಪಾಟ್ನಾ ಬಾಂಬ್ ಸ್ಫೋಟ ಪ್ರಕರಣವನ್ನು ಸೂಕ್ಷ್ಮವಾಗಿ ಅರ್ಥೈಸಿದಾಗ IM ಭಯೋತ್ಪಾದನೆ ಭೀತಿ ನಿಂತಿಲ್ಲ ಎಂಬುದು ಶೃತಪಡುತ್ತದೆ ಎಂದು Intelligence Bureau ಮುಖ್ಯಸ್ಥ ಅಸೀಫ್ ಇಬ್ರಾಹಿಂ ಅವರು ಇಂದು ಬೆಳಗ್ಗೆ ತಿಳಿಸಿದ್ದಾರೆ.
ಈ IMಗಳು ಲಷ್ಕರೆ ತೊಯ್ಬಾ (LeT) ಜತೆಗೂಡಿ, ತನ್ನ ಶಕ್ತಿಸಾಮರ್ಥ್ಯಗಳನ್ನು ಹೆಚ್ಚಿಸಿಕೊಂಡಿದೆ. ದಿಢೀರನೆ ಯಾವಾಗ ಬೇಕಾದರೂ ಈ IMಗಳು ಭಯೋತ್ಪಾದನೆ ಕೃತ್ಯಗಳನ್ನು ಎಸಗಬಹುದು. ಆದ್ದರಿಂದ ರಾಜ್ಯದ ಪೊಲೀಸ್ ಪಡೆಯ ಸಾರಥ್ಯ ವಹಿಸಿರುವ ನಿಮ್ಮಂಥ ಅಧಿಕಾರಿಗಳು ಕಟ್ಟೆಚ್ಚರದಿಂದ ಇರಬೇಕು ಎಂದು IB ಚೀಫ್ ಅಸೀಫ್ ಇಬ್ರಾಹಿಂ ಅವರು ಅಧಿಕಾರಿಗಳಿಗೆ ಸೂಚಿಸಿದ್ದಾರೆ.
ಈ IMಗಳನ್ನು ಸದೆಬಡಿಯಲು ಅವರ ಬಂಧನವಾದಾಗ/ ಅವರಿಂದ ದೊರೆಯುವ ಸುಳಿವುಗಳನ್ನು ಸೂಕ್ಷ್ಮವಾಗಿ ಅಧ್ಯಯನ ಮಾಡಿ, ಅವುಗಳನ್ನು ಬೇರು ಸಮೇತ ನಾಶಪಡಿಸಬೇಕು. ಹಾಗೇ ಮಾಡಿದರೇನೇ ಇವರ ನಿರ್ಮೂಲನೆಯಾಗುವುದು ಎಂದು ಅವರು ಎಚ್ಚರಿಸಿದ್ದಾರೆ. ನಾನಾ ರಾಜ್ಯಗಳ ಪೊಲೀಸ್ ಮುಖ್ಯಸ್ಥರ ಮೂರು ದಿನಗಳ ಸಮ್ಮೇಳನ ಇಂದು ಬೆಳಗ್ಗೆ ಆರಂಭವಾಗಿದೆ.