ಮೇ 25ರಿಂದ ಹೊಸ ಮಾರ್ಗಸೂಚಿ: ಬೆಂಗಳೂರು ಟು ದೆಹಲಿ ವಿಮಾನದ ಟಿಕೆಟ್ ಬೆಲೆ ಎಷ್ಟು?
ದೆಹಲಿ, ಮೇ 22: ಸುಮಾರು ಎರಡು ತಿಂಗಳ ಬಳಿಕ ದೇಶಿಯ ವಿಮಾನ ಸಂಚಾರ ಆರಂಭವಾಗುತ್ತಿದೆ. ಮೇ 25 ರಿಂದ ಭಾರತದಲ್ಲಿ ದೇಶಿಯ ವಿಮಾನ ಪ್ರಯಾಣಕ್ಕೆ ಕೇಂದ್ರ ಸರ್ಕಾರ ಅಸ್ತು ಎಂದಿದೆ.
Recommended Video
ಸರ್ಕಾರಿ ಸ್ವಾಮ್ಯದ ಹಾಗು ಎಲ್ಲ ಖಾಸಗಿ ವಿಮಾನಯಾನ ಸಂಸ್ಥೆಗಳಿಗೂ ಈ ಸಂದೇಶ ರವಾನಿಸಲಾಗಿದೆ ಎಂದು ನಾಗರಿಕ ವಿಮಾನಯಾನ ಸಚಿವ ಹರ್ದಿಪ್ ಸಿಂಗ್ ಪುರಿ ಸ್ಪಷ್ಟಪಡಿಸಿದ್ದಾರೆ. ಇದಕ್ಕೆ ಕೆಲವು ನಿರ್ದಿಷ್ಟ ಮಾರ್ಗಸೂಚಿಗಳನ್ನು ಕೇಂದ್ರ ಪ್ರಕಟ ಮಾಡಲಿದ್ದು, ಈಗಾಗಲೇ ಮುಂಗಡ ಟಿಕೆಟ್ ಬುಕ್ಕಿಂಗ್ ಗೆ ಅವಕಾಶ ಮಾಡಲಾಗುತ್ತಿದೆ.
ದೇಶೀಯ ವಿಮಾನಗಳ ಹಾರಾಟ ಮೇ 25ರಿಂದ ಆರಂಭ: ಮಾರ್ಗಸೂಚಿ ಶೀಘ್ರ ಪ್ರಕಟ
ವಿಮಾನ ಸಂಚರಿಸಲು ತೆಗೆದುಕೊಳ್ಳುವ ಕಾಲಾವಧಿ ಆಧಾರದ ಮೇಲೆ ಏಳು ವಿಭಾಗಗಳಾಗಿ ವಿಂಗಡಿಸಲಾಗಿದ್ದು, ಅದಕ್ಕೆ ತಕ್ಕಂತೆ ಟಿಕೆಟ್ ಬೆಲೆ ಮಾರಾಟ ಮಾಡಲಾಗುವುದು ಎಂದು ಸಚಿವಾಲಯ ತಿಳಿಸಿದೆ.
ಏಳು ವಿಭಾಗಗಳ ಮಾಹಿತಿ ಹೀಗಿವೆ
ಮೊದಲ ವಿಭಾಗ: 40 ನಿಮಿಷಗಳಿಗಿಂತ ಕಡಿಮೆ ಅವಧಿ
ಎರಡನೆಯ ವಿಭಾಗ: 40-60 ನಿಮಿಷಗಳ ನಡುವಿನ ಅವಧಿ
ಮೂರನೇ ವಿಭಾಗ: 60-90 ನಿಮಿಷಗಳ ಅವಧಿ
ನಾಲ್ಕನೇ ವಿಭಾಗ: 90-120 ನಿಮಿಷಗಳ ಅವಧಿ
ಐದನೇ ವಿಭಾಗ: 120-150 ನಿಮಿಷಗಳ ಅವಧಿ
ಆರನೇ ವಿಭಾಗ: 150-180 ನಿಮಿಷಗಳ ಅವಧಿ
ಏಳನೇ ವಿಭಾಗ: 180-210 ನಿಮಿಷಗಳ ಅವಧಿ
ಈ ಆಧಾರದ ಮೇಲೆ ಟಿಕೆಟ್ ಬೆಲೆ ನಿಗದಿ ಮಾಡಲಾಗುವುದು
ಬೆಂಗಳೂರು ಟು ದೆಹಲಿ ಬೆಲೆ ಎಷ್ಟಿರಬಹುದು?
ಬೆಂಗಳೂರಿನಿಂದ ದೆಹಲಿ ವಿಮಾನ ಪ್ರಯಾಣ ಐದನೇ ವಿಭಾಗದ ಅಡಿಯಲ್ಲಿ ಇರುತ್ತೆ. ದೆಹಲಿಯಿಂದ ಬೆಂಗಳೂರಿಗೆ ಅಥವಾ ಬೆಂಗಳೂರಿನಿಂದ ದೆಹಲಿ ಪ್ರಯಾಣ ಮಾಡಲು 120-150 ನಿಮಿಷಗಳು ಸಮಯ ತೆಗೆದುಕೊಳ್ಳುತ್ತೆ. ಈ ವಿಭಾಗದಲ್ಲಿ ಟಿಕೆಟ್ ಬೆಲೆ ಕನಿಷ್ಠ 4500 ರೂಪಾಯಿ ಆಗಿದ್ದು, ಗರಿಷ್ಠ 13000 ರೂ ನಿಗದಿಯಾಗಿದೆ. ಇದಕ್ಕಿಂತ ಹೆಚ್ಚು ಮಾರಾಟ ಮಾಡುವಂತಿಲ್ಲ.
ದೆಹಲಿಯಿಂದ ಮುಂಬೈ
ದೆಹಲಿಯಿಂದ ಮುಂಬೈ ತೆರಳುವ ವಿಮಾನ ನಾಲ್ಕನೇ ವಿಭಾಗದ ಅಡಿಯಲ್ಲಿ ಬರುತ್ತೆ. ಈ ಎರಡು ಪ್ರಮುಖ ನಗರಗಳಿಗೆ ತಲುಪಲು 90-120 ನಿಮಿಷಗಳ ಅವಧಿ ಬೇಕು. ಈ ಆಧಾರದಲ್ಲಿ ಟಿಕೆಟ್ ಬೆಲೆ ಕನಿಷ್ಠ 3,500 ರೂಗಳಿಂದ ಗರಿಷ್ಠ 10000 ಸಾವಿರವರೆಗೂ ನಿಗದಿ ಪಡಿಸಲಾಗಿದೆ. ಈ ಮಾರ್ಗದಲ್ಲಿ ಅತಿ ಹೆಚ್ಚು ಜನರು ಸಂಚರಿಸುತ್ತಾರೆ.
ಅವಧಿಗೆ ತಕ್ಕಂತೆ ಟಿಕೆಟ್ ಬೆಲೆ
ಮೇ 25 ರಿಂದ ಆಗಸ್ಟ್ 24ರವರೆಗೂ ಈ ಮಾರ್ಗಸೂಚಿ ಅನ್ವಯವಾಗಲಿದೆ ಎಂದು ತಿಳಿಸಲಾಗಿದೆ. ಕೇಂದ್ರದ ಮುಂದಿನ ಆದೇಶದವರೆಗೂ ಎಲ್ಲ ವಿಮಾನಯಾನ ಸಂಸ್ಥೆಗಳುಅವುಗಳ ಅವಧಿಯ ಆಧಾರದ ಮೇಲೆ ಟಿಕೆಟ್ ಬೆಲೆಗಳನ್ನು ನಿಗದಿಪಡಿಸಬೇಕು ಎಂದು ವಿಮಾನಯಾನ ಸಚಿವಾಲಯದ ಕಾರ್ಯದರ್ಶಿ ಹೇಳಿದ್ದಾರೆ.