• search
  • Live TV
ನವದೆಹಲಿ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಕೊವಿಡ್ ಹೊಸ ಕೇಸ್‌ಗಳ ಪಟ್ಟಿ: ಆತಂಕದೆಡೆಗೆ ಭಾರತದ ನಡಿಗೆ

|

ದೆಹಲಿ, ಜೂನ್ 3: ಅಮೆರಿಕ, ಬ್ರೆಜಿಲ್ ನಂತರ ಸದ್ಯದ ಮಟ್ಟಿಗೆ ವಿಶ್ವದ ಕೊರೊನಾ ಹಾಟ್‌ಸ್ಪಾಟ್‌ ದೇಶ ಅಂದ್ರೆ ಅದು ಭಾರತ. ದಿನದಿಂದ ದಿನಕ್ಕೆ ಭಾರತದಲ್ಲಿ ಕೊವಿಡ್ ಸೋಂಕಿತರ ಸಂಖ್ಯೆ ಏರುತ್ತಲೇ ಇದೆ. ಒಂದು ಹಂತದಲ್ಲಿ ಟಾಪ್ 10ರೊಳಗೂ ಇಲ್ಲದ ಭಾರತ ಈಗ ಟಾಪ್ ಮೂರಕ್ಕೆ ಪ್ರವೇಶ ಮಾಡಿದೆ.

ಇಷ್ಟು ದಿನ ರಷ್ಯಾ ನಂತರ ಭಾರತ ಸ್ಥಾನ ಪಡೆದುಕೊಂಡಿತ್ತು. ಆದ್ರೀಗ, ರಷ್ಯಾ ದೇಶವನ್ನು ಹಿಂದಿಕ್ಕಿರುವ ಭಾರತ, ಕೊರೊನಾ ವೈರಸ್ ವಿಚಾರದಲ್ಲಿ ಮತ್ತಷ್ಟು ಆತಂಕಕ್ಕೆ ಹತ್ತಿರವಾಗಿದೆ.

ಕೊರೊನಾ ಅಟ್ಟಹಾಸ: ಜಗತ್ತಿನ ಮುಂದೆ ರಷ್ಯಾ ಮೇಲುಗೈ, ಭಾರತಕ್ಕೂ ಹಿನ್ನಡೆ

ಹೊಸ ಪ್ರಕರಣ ಪಟ್ಟಿಯಲ್ಲಿ ಮಾತ್ರ ಸಕ್ರಿಯವಾಗಿರುವ ಕೇಸ್‌ಗಳ ಪಟ್ಟಿಯಲ್ಲೂ ಭಾರತ ಟಾಪ್ ನಾಲ್ಕರೊಳಗೆ ಗುರುತಿಸಿಕೊಂಡಿದೆ. ಈ ಅಂಕಿ ಅಂಶಗಳನ್ನು ಗಮನಿಸುತ್ತಿದ್ದರೆ, ದಿನೇ ದಿನೇ ಭಾರತ ಅಪಾಯಕ್ಕೆ ಸನಿಹವಾಗುತ್ತಿದೆ ಎಂಬ ಭಯ ಮೂಡುತ್ತಿದೆ. ಮುಂದೆ ಓದಿ....

ಭಾರತದಲ್ಲಿ 8,909 ಹೊಸ ಕೇಸ್ ದಾಖಲು

ಭಾರತದಲ್ಲಿ 8,909 ಹೊಸ ಕೇಸ್ ದಾಖಲು

ಜೂನ್ 3ರ ಬೆಳಿಗ್ಗೆ ಕೇಂದ್ರ ಆರೋಗ್ಯ ಇಲಾಖೆ ನೀಡಿದ ಮಾಹಿತಿ ಪ್ರಕಾರ, ಭಾರತದಲ್ಲಿ ನಿನ್ನೆ ಒಂದೇ ದಿನ 8,909 ಹೊಸ ಕೋವಿಡ್-19 ಪಾಸಿಟಿವ್ ಪ್ರಕರಣಗಳು ಪತ್ತೆಯಾಗಿದೆ. ದಿನವೊಂದರಲ್ಲಿ ದಾಖಲಾದ ಗರಿಷ್ಠ ಸೋಂಕಿತರ ಸಂಖ್ಯೆ ಇದಾಗಿದೆ ಎಂದು ಹೇಳಲಾಗುತ್ತಿದೆ. ಅಮೆರಿಕ ಮತ್ತು ಬ್ರೆಜಿಲ್ ದೇಶ ಬಿಟ್ಟರೇ ಭಾರತದಲ್ಲಿ ಅತಿ ಹೆಚ್ಚು ಹೊಸ ಕೇಸ್ ಪತ್ತೆಯಾಗಿದೆ. ಇದು ಸಹಜವಾಗಿ ಭಾರತಕ್ಕೆ ಆಂತಕಕಾರಿ ವಿಷಯವಾಗಿದೆ.

ರಷ್ಯಾ ಹಿಂದಿಕ್ಕಿದ ಭಾರತ

ರಷ್ಯಾ ಹಿಂದಿಕ್ಕಿದ ಭಾರತ

ಇಷ್ಟು ದಿನ ಅಮೆರಿಕ, ಬ್ರೆಜಿಲ್ ನಂತರ ರಷ್ಯಾದಲ್ಲಿ ಅತಿ ಹೆಚ್ಚು ಹೊಸ ಕೇಸ್ ದಾಖಲಾಗುತ್ತಿತ್ತು. ಈಗ ರಷ್ಯಾ ದೇಶವನ್ನು ಹಿಂದಿಕ್ಕಿರುವ ಭಾರತ ಒಂದು ಸ್ಥಾನ ಮೇಲಕ್ಕೇರಿದೆ. ನಿನ್ನೆ ರಷ್ಯಾದಲ್ಲಿ 8,863 ಜನರಿಗೆ ಸೋಂಕು ದೃಢವಾಗಿತ್ತು. ಭಾರತದಲ್ಲಿ 8,909 ಜನರಿಗೆ ವೈರಸ್ ತಗುಲಿತ್ತು. ಅಮೆರಿಕದಲ್ಲಿ ನಿನ್ನೆ 21,882 ಕೇಸ್ ವರದಿಯಾಗಿದ್ದರೆ, ಬ್ರೆಜಿಲ್‌ನಲ್ಲಿ 27,263 ಜನರಿಗೆ ಸೋಂಕು ಅಂಟಿಕೊಂಡಿದೆ.

ಆಕ್ಟಿವ್ ಕೇಸ್‌ಗಳ ಪಟ್ಟಿಯಲ್ಲೂ ಭಾರತ ಟಾಪ್

ಆಕ್ಟಿವ್ ಕೇಸ್‌ಗಳ ಪಟ್ಟಿಯಲ್ಲೂ ಭಾರತ ಟಾಪ್

ಪ್ರಸ್ತುತ ಅಮೆರಿಕದಲ್ಲಿ ಹೆಚ್ಚು ಕೊರೊನಾ ಕೇಸ್‌ಗಳು ಸಕ್ರಿಯವಾಗಿದೆ. 1,881,205 ಲಕ್ಷ ಜನರಿಗೆ ಸೋಂಕು ತಗುಲಿತ್ತು. ಅದರಲ್ಲಿ 645,974 ಗುಣಮುಖರಾಗಿದ್ದಾರೆ. ಇನ್ನು 1,127,172 ಪ್ರಕರಣಗಳು ಆಕ್ಟಿವ್ ಆಗಿದೆ. ಎರಡನೇ ಸ್ಥಾನದಲ್ಲಿ ಬ್ರೆಜಿಲ್ ಹಾಗು ಮೂರನೇ ಸ್ಥಾನದಲ್ಲಿ ರಷ್ಯಾ ಸ್ಥಾನ ಪಡೆದಿದ್ದು, 100,285 ಆಕ್ಟಿವ್ ಕೇಸ್ ಹೊಂದಿರುವ ಭಾರತ ನಾಲ್ಕನೇ ಸ್ಥಾನದಲ್ಲಿದೆ.

ಯುಕೆ, ಇಟಲಿ, ಸ್ಪೇನ್ ಹಿಂದಿಕ್ಕಲಿದ್ಯಾ ಇಂಡಿಯಾ?

ಯುಕೆ, ಇಟಲಿ, ಸ್ಪೇನ್ ಹಿಂದಿಕ್ಕಲಿದ್ಯಾ ಇಂಡಿಯಾ?

ಅತಿ ಹೆಚ್ಚು ಕೊರೊನಾ ವೈರಸ್ ಸೋಂಕಿತರನ್ನು ಹೊಂದಿರುವ ರಾಷ್ಟ್ರಗಳ ಪಟ್ಟಿಯಲ್ಲಿ ಪ್ರಸ್ತುತ ಭಾರತ ಏಳನೇ ಸ್ಥಾನದಲ್ಲಿದೆ. ಬಹುಶಃ ಹೊಸ ಕೇಸ್‌ಗಳನ್ನು ಗಮನಿಸಿದರೆ ಮುಂದಿನ ದಿನಗಳಲ್ಲಿ ಯುಕೆ (277,985), ಇಟಲಿ (233,515), ಸ್ಪೇನ್ (287,012) ದೇಶಗಳನ್ನು ಹಿಂದಿಕ್ಕಿ ಭಾರತ (207,615) ಮುಂದೆ ಬರಲಿದೆ ಎಂಬ ಆತಂಕ ಕಾಡುತ್ತಿದೆ.

English summary
Coronavirus Update: india overtakes russia in covid 19 new cases and jump to 3rd place after US, Brazil.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more