8 ವರ್ಷದ ಬಾಲಕನಿಗೆ ಕೊರೊನಾ ಎಂದು ಸುಳ್ಳು ಸುದ್ದಿ
ನವ ದೆಹಲಿ, ಮೇ 7: 8 ವರ್ಷದ ಬಾಲಕನಿಗೆ ಕೊರೊನಾ ವೈರಸ್ ಸೋಂಕು ತಗುಲಿದೆ ಎನ್ನುವ ಪೋಸ್ಟ್ವೊಂದು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿತ್ತು. ಎಲ್ಲರೂ ಆ ಸುದ್ದಿ ನಿಜ ಎಂದು ನಂಬಿದ್ದರು. ಆದರೆ, ಇದೀಗ ಈ ಪೋಸ್ಟ್ ಫೇಕ್ ಎಂದು ತಿಳಿದುಬಂದಿದೆ.
Recommended Video
ಮೂಗಿನಲ್ಲಿ ಟ್ಯೂಬ್ ಅಳವಡಿಸಿ, ಹಾಸಿಗೆಯ ಮೇಲೆ ಮಲಗಿರುವ 8 ವರ್ಷದ ಬಾಲಕನ ಚಿತ್ರ ಫೇಸ್ ಬುಕ್ನಲ್ಲಿ ವೈರಲ್ ಆಗಿತ್ತು. ಆ ಪೋಸ್ಟ್ನಲ್ಲಿ ಆ ಹುಡುಗ ಕೊರೊನಾ ವೈರಸ್ನಿಂದ ಬಳಲುತ್ತಿದ್ದಾನೆ ಎಂದು ಹೇಳಲಾಗಿತ್ತು.
Fake: ಜಿಎಸ್ಟಿ ಮರುಪಾವತಿ ಬಗ್ಗೆ ಈ ಸಂದೇಶ ನಂಬಬೇಡಿ
''ದಯಮಾಡಿ ನಿಮ್ಮ ಕೆಲವು ನಿಮಿಷಗಳನ್ನು ನೀಡಿ. ಈ ಪೋಸ್ಟ್ ಅನ್ನು ನಾಲ್ಕು ಗ್ರೂಪ್ಗಳಿಗೆ ಶೇರ್ ಮಾಡಿ. ಈ ಹುಡುಗನಿಗೆ ಹೆಚ್ಚು ಪ್ರಾರ್ಥನೆ ತಲುಪುವಂತೆ ಮಾಡಿ. 8 ವರ್ಷದ ಈ ಬಾಲಕನಿಗೆ ಕೊರೊನಾ ವೈರಸ್ ಸೋಂಕು ಇದೆ. ನನ್ನ ಮಗ ಹೆಚ್ಚು ಪ್ರಾರ್ಥನೆ ಪಡೆಯುತ್ತಾನೆ.'' ಎಂದು ಸೋಷಿಯಲ್ ಮೀಡಿಯಾದಲ್ಲಿ ಬರೆಯಲಾಗಿತ್ತು.
ಬಾಲಕನ ಪೋಸ್ಟ್ ನೋಡಿ ಅನೇಕರು ಬೇಸರಪಟ್ಟರು. ಈ ಪೋಸ್ಟ್ 80,000 ಕಾಮೆಂಟ್ಗಳನ್ನು ಪಡೆಯಿತು. 2,15,000 ಜನರು ಶೇರ್ ಮಾಡಿದರು. Prayer Request Chaple ಎಂದು ಫೇಕ್ ಬುಕ್ ಖಾತೆಯಲ್ಲಿ ಪೋಸ್ಟ್ ಮಾಡಲಾಗಿತ್ತು.
ಆದರೆ, ಇದೊಂದು ಸುಳ್ಳು ಸುದ್ದಿ ಎನ್ನುವುದು ತಿಳಿದುಬಂದಿದೆ. ಸೋಷಿಯಲ್ ಮೀಡಿಯದಲ್ಲಿ ಬಾಲಕನ ಹೆಸರಿನಲ್ಲಿ ಈ ರೀತಿ ಫೇಕ್ ಸುದ್ದಿಗಳನ್ನು ಹರಿಬಿಟ್ಟಿದ್ದಾರೆ.