ವಲಸಿಗರಿಗೆ ಎರಡು ತಿಂಗಳ ಕಾಲ ಉಚಿತ ಆಹಾರ ಧಾನ್ಯ
ನವದೆಹಲಿ, ಮೇ 14: ವಲಸಿಗರಿಗೆ ಮುಂದಿನ ಎರಡು ತಿಂಗಳವರೆಗೆ ಉಚಿತ ಆಹಾರ ಧಾನ್ಯ ಪೂರೈಕೆ ಮಾಡಲಾಗುತ್ತದೆ ಎಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಇಂದು (ಗುರುವಾರ) ತಿಳಿಸಿದ್ದಾರೆ.
Recommended Video
ಇಂದು ಆರ್ಥಿಕ ಪ್ಯಾಕೇಜ್ನ ಎರಡನೇ ಕಂತಿನ ವಿವರವನ್ನು ಅವರು ನೀಡಿದ್ದು, ವಲಸಿಗರಿಗೆ ಎರಡು ತಿಂಗಳ ಕಾಲ ಉಚಿತ ಆಹಾರ ಧಾನ್ಯ ನೀಡುವ ಸರ್ಕಾರ ಯೋಜನೆ ಬಗ್ಗೆ ಮಾಹಿತಿ ನೀಡಿದರು.
Live Updates:20 ಲಕ್ಷ ಕೋಟಿ ಆರ್ಥಿಕ ಪ್ಯಾಕೇಜ್: 2ನೇ ಕಂತಿನ ಸಂಪೂರ್ಣ ವಿವರ
''ಎನ್ಎಫ್ಎಸ್ಎ ಅಥವಾ ರಾಜ್ಯ ಕಾರ್ಡ್ಗಳನ್ನು ಹೊಂದಿರದ ವಲಸಿಗರಿಗೂ 2 ತಿಂಗಳವರೆಗೆ ಉಚಿತ ಆಹಾರ ಧಾನ್ಯ ಪೂರೈಕೆ ಸಿಗಲಿದೆ. 5 ಕೆಜಿ ಗೋಧಿ ಅಥವಾ ಅಕ್ಕಿ ಅಥವಾ 1 ಕೆಜಿ ಚೆನಾವನ್ನು ನೀಡಲಾಗುತ್ತದೆ'' ಎಂದು ನಿರ್ಮಲಾ ಸೀತಾರಾಮನ್ ಹೇಳಿದ್ದಾರೆ.
"ಈ ಕ್ರಮಗಳ ಅನುಷ್ಠಾನ, ವಲಸಿಗರನ್ನು ಗುರುತಿಸುವುದು ಮತ್ತು ಪೂರ್ಣ ವಿತರಣೆ ಮತ್ತು ಮಾರ್ಗಸೂಚಿಗಳನ್ನು ಒದಗಿಸುವ ಜವಾಬ್ದಾರಿ ರಾಜ್ಯ ಸರ್ಕಾರದ ಮೇಲಿದೆ" ಎಂದು ಸೀತಾರಾಮನ್ ಹೇಳಿದರು.
ನರೇಗಾ ಯೋಜನೆ ದಿನದ ಕೂಲಿ 202 ರೂ.ಗೆ ಏರಿಕೆ
ಸರ್ಕಾರದ ಈ ಹೊಸ ಯೋಜನೆಯಿಂದ ಸುಮಾರು 8 ಕೋಟಿ ವಲಸಿಗರು ಇದರ ಲಾಭ ಪಡೆಯಲಿದ್ದಾರೆ. ಇದರ ವೆಚ್ಚ 3,500 ಕೋಟಿ ರೂಪಾಯಿ ಆಗಲಿದೆ ಎಂದು ಹಣಕಾಸು ಸಚಿವೆ ತಿಳಿಸಿದ್ದಾರೆ.