ದೆಹಲಿಯಲ್ಲಿ ಭಾರಿ ಮಳೆ, ನೀರಿನಲ್ಲಿ ಮುಳುಗಿದ ಬಸ್, ಶವ ಪತ್ತೆ
ನವದೆಹಲಿ, ಜುಲೈ 19: ದೆಹಲಿಯಲ್ಲಿ ಭಾನುವಾರ ಬೆಳಗ್ಗೆಯಿಂದ ಸುರಿಯುತ್ತಿರುವ ಭಾರಿ ಮಳೆಗೆ ಜನಜೀವನ ತತ್ತರಗೊಂಡಿದೆ. ಮಿಂಟೋ ಸೇತುವೆ ಬಳಿ ನೀರಿನಲ್ಲಿ ಬಸ್ ಮುಳುಗಿರುವ ದೃಶ್ಯ ಕಂಡು ಬಂದಿದೆ. ವೃದ್ಧರೊಬ್ಬರ ಶವ ಪತ್ತೆಯಾಗಿದೆ.
Recommended Video
ದೆಹಲಿಯ ಮಿಂಟೋ ಸೇತುವೆ ಬಳಿ ದೆಹಲಿ ಸಾರಿಗೆ ಸಂಸ್ಥೆ ಬಸ್(ಡಿಟಿಸಿ) ನೀರಿನಲ್ಲಿ ಮುಳುಗಿರುವ ವಿಡಿಯೋವೊಂದನ್ನು ಎಎನ್ಐ ಹಂಚಿಕೊಂಡಿದೆ. ಅಗ್ನಿ ಶಾಮಕ ದಳದ ಸಿಬ್ಬಂದಿ, ಸ್ಥಳಕ್ಕೆ ಆಗಮಿಸಿ, ಬಸ್ ನಲ್ಲಿದ್ದವರನ್ನು ರಕ್ಷಿಸಿದ್ದಾರೆ. ಈ ನಡುವೆ ಸೇತುವೆ ಬಳಿಯೇ ಮೃತ ದೇಹವೊಂದು ಪತ್ತೆಯಾಗಿದೆ.
ನವದೆಹಲಿ, ಮುಂಬೈನಲ್ಲಿ ಗುಡುಗು ಸಹಿತ ಭಾರಿ ಮಳೆ
ಈ ಭಾಗದಲ್ಲಿ ಛೋಟಾ ಹಾಥಿ ಎಂದು ಕರೆಯಲ್ಪಡುವ ಟಾಟಾ ಏಸ್ ವಾಹನವನ್ನು ಚಲಾಯಿಸುತ್ತಿದ್ದ 60 ವರ್ಷ ವಯಸ್ಸಿನ ವ್ಯಕ್ತಿಯ ಶವ ಎಂದು ಗುರುತಿಸಲಾಗಿದೆ. ಅಂಡರ್ ಪಾಸ್ ನಲ್ಲಿ ನೀರು ತುಂಬಿದ್ದರೂ ಕನಕ್ಟ್ ಪ್ಲೇಸ್ ಕಡೆಗೆ ವಾಹನ ಚಲಾಯಿಸಿದ್ದ ವ್ಯಕ್ತಿ ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದಾನೆ ಎಂದು ತಿಳಿದುಬಂದಿದೆ. ದೇಹದ ಮೇಲೆ ಯಾವುದೆ ಬೇರೆ ಗಾಯದ ಗುರುತುಗಳು ಕಂಡು ಬಂದಿಲ್ಲ ಎಂದು ದೆಹಲಿ ಪೊಲೀಸರು ಹೇಳಿದ್ದಾರೆ.
#WATCH Delhi: A bus got stuck in a waterlogged road under Minto Bridge following heavy rainfall in the national capital this morning. pic.twitter.com/OhwpyIU2Sz
— ANI (@ANI) July 19, 2020
ಡಿಟಿಎಸ್ ಬಸ್ ಅಲ್ಲದೆ ಟೆಂಪೋವೊಂದು ಮಿಂಟೋ ಸೇತುವೆ ಬಳಿ ಮುಳುಗಿದೆ. ಪ್ರಯಾಣಿಕರನ್ನು ರಕ್ಷಿಸಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
Several parts of Delhi waterlogged after the city received heavy rainfall this morning. Visuals near National Media Centre. pic.twitter.com/YWR41BqXrd
— ANI (@ANI) July 19, 2020
ಹವಾಮಾನ ಮುನ್ಸೂಚನೆ: ದೆಹಲಿ -ಎನ್ ಸಿ ಆರ್ ಪ್ರದೇಶ, ನೋಯ್ಡಾ, ಗುರ್ ಗಾಂವ್, ಹಿಸಾರ್, ಜಿಂದ್, ಗೊಹಾನಾ, ಗನ್ನೌರ್, ಪಾಣಿಪಟ್, ರೊಹ್ಟಕ್, ಭಿವಾಂಡಿ, ಝಾಝಾರ್, ಸೋನಿಪಟ್, ಬಾಗ್ ಪೇಟ್, ಬುಲಂದ್ ಶೇ, ಗಾಜಿಯಾಬಾದ್, ಫಾರಿದಾಬಾದ್, ನುಹಾ, ಸೀತಾಪುರ್, ಗೋರಖ್ ಪುರ್, ಲಕ್ನೋ ಸೇರಿದಂತೆ ಹಲವು ಪ್ರದೇಶಗಳಲ್ಲಿಗುಡುಗು ಮಳೆ ನಿರೀಕ್ಷಿಸಲಾಗಿದೆ.
Delhi: Heavy rainfall leads to waterlogging at several places in the national capital; visuals from ITO area. pic.twitter.com/59E9Z44WjB
— ANI (@ANI) July 19, 2020
Various parts of Delhi face waterlogging after the city received heavy rainfall today. Visuals from Tilak Bridge. pic.twitter.com/R1xUArE76C
— ANI (@ANI) July 19, 2020