ದೆಹಲಿ: ಕಂಟೈನ್ಮೆಂಟ್ ಝೋನ್ ಬಿಟ್ಟು ಉಳಿದೆಲ್ಲಾ ಕಡೆ ಹೋಟೆಲ್ ತೆರೆಯಲು ಅನುಮತಿ

ನವದೆಹಲಿ, ಆಗಸ್ಟ್ 21: ಕಂಟೈನ್ಮೆಂಟ್ ಝೋನ್‌ ಅಲ್ಲದ ಪ್ರದೇಶಗಳಲ್ಲಿರುವ ಹೋಟೆಲ್‌ಗಳನ್ನು ತೆರೆಯಲು ದೆಹಲಿ ಸರ್ಕಾರ ಅನುಮತಿ ನೀಡಿದೆ. ಲಾಕ್‌ಡೌನ್ ನಿಯಮ ಸಡಿಲಿಕೆಯಲ್ಲಿ ಒಂದೊಂದಾಗಿ ಅನುಮತಿ ದೊರೆಯಲಿದೆ.

ಸರ್ಕಾರದ ನಿಯಮದಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು, ಮಾಸ್ಕ್ ಧರಿಸುವುದು, ಹ್ಯಾಂಡ್ ಸ್ಯಾನಿಟೈಸರ್ ಬಳಕೆ, ಥರ್ಮಲ್ ಸ್ಕ್ಯಾನ್ ಸೇರಿದಂತೆ ಹಲವು ನಿಯಮಗಳು ಅಡಕವಾಗಿದೆ.

ಟ್ರಯಲ್ ಬೇಸಿಸ್ ಮೂಲಕ ವಾರದ ಮಾರುಕಟ್ಟೆಯನ್ನೂ ತೆರೆಯಲು ಅನುಮತಿ ನೀಡಿದೆ. ಒಂದೊಂದು ಝೋನ್‌ನಲ್ಲಿ ಆಗಸ್ಟ್ 24 ಹಾಗೂ 30ರಂದು ಮಾರುಕಟ್ಟೆಯನ್ನು ತೆರೆಯಬಹುದಾಗಿದೆ.

ಕೊರೊನಾ ಸಡಿಲಿಕೆ ನಿಯಮ 3ರಲ್ಲಿ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಹೋಟೆಲ್ ತೆರೆಯುವುದು, ವಾರದ ಮಾರುಕಟ್ಟೆ ಕುರಿತು ಸೂಚನೆ ನೀಡಿದ್ದಾರೆ.

ದೆಹಲಿಯಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಕಡಿಮೆಯಾಗುತ್ತಿದೆ. ಉತ್ತರ ಪ್ರದೇಶ ಹಾಗೂ ಕರ್ನಾಟಕದಲ್ಲಿ ಹೆಚ್ಚಾಗುತ್ತಿದ್ದರೂ ಮಾರುಕಟ್ಟೆಯನ್ನು ತೆರೆಯಲು ಅನುಮತಿ ಇದೆ. ಹೀಗಾಗಿ ದೆಹಲಿಯಲ್ಲೂ ಮಾರುಕಟ್ಟೆ ಹಾಗೂ ಹೋಟೆಲ್ ತೆರೆಯಲಾಗುವುದು ಎಂದು ಹೇಳಿದ್ದಾರೆ.

ದೆಹಲಿಯಲ್ಲಿ ಇಲ್ಲಿಯವರೆಗೆ 1.7 ಲಕ್ಷಕ್ಕೂ ಅಧಿಕ ಪ್ರಕರಣಗಳು ದಾಖಲಾಗಿವೆ. 12 ಸಾವಿರ ಸಕ್ರಿಯ ಪ್ರಕರಣಗಳಿವೆ. ದೆಹಲಿಯಲ್ಲಿ ಕೊರೊನಾ ಪರಿಸ್ಥಿತಿ ಈ ಗ ಸುಧಾರಿಸಿದೆ. ಇದೀಗ ಆರ್ಥಿಕತೆಯ ಮೇಲೆ ಹೆಚ್ಚು ಗಮನಕೊಡುವ ಸಮಯ ಬಂದಿದೆ. ದೆಹಲಿಯ ಹೋಟೆಲ್‌ಗಳು ಶೇ.8ರಷ್ಟನ್ನು ಜಿಡಿಪಿಗೆ ನೀಡುತ್ತವೆ. ದೆಹಲಿಯಲ್ಲಿ ರೆಸ್ಟೋರೆಂಟ್‌ಗಳನ್ನು ತರೆಯಲು ಜೂನ್ 8 ರಂದು ಅನುಮತಿ ದೊರೆತಿತ್ತು.

English summary

Hotels in non-containment zones of Delhi have been allowed to re-open as part of the phased lifting of restrictions imposed during the coronavirus lockdown, a notification from the national capital's disaster management authority said Friday evening.